انت تسأل واللى بعدك يجيب!!! لو جريء ادخل..

**Mahmoud Slem** · 10-04-2009, 05:10 PM

الحقيقه انا دورت كتير على طريقه نتعرف بيها على بعضننا
-طريقه للحوار -

- طريقه للفضفضه -

- طريقه يدخل بيها كل واحد جوه التانى -

- يعرف مشاكله -

-همومه -

- يعرف ايه اكتر حاجه بتفرحه-

- اكتر حاجه بتضايقه -

- مين اقرب واحد له في الدنيا --

حاولت اعمل موضوع فيه الاسئله دى كلها -

- موضوع يدخل فيه كل عضو ويجاوب على الاسئله اللى موجوده -- ولكنى وجدت انها طريقه تخلو من عنصر المشاركه -

- يعنى ايه واحد يدخل يجاوب على الاسئله -- احنا ناقصين امتحانات

ومن هنا جت لى الفكره

كل عضو يدخل يسأل سؤال واللى بعده يجاوب عليه ويسأل سؤال
واللى بعده يجاوب عليه
وهكذااااااااااااااااا

**Mahmoud Slem** · 10-04-2009, 05:11 PM

انا اول واحد هبدا

"سؤالي"

اكثر شي يزعجك في حياه؟؟؟

**KAREEM** · 10-04-2009, 10:14 PM

موضوع جميل جدا
ومتميز كما اعتدنا منك
فى الحقيقة أكتر حاجة ممكن تزعجنى هى
الجهل يعنى لما تتكلم مع واحد جاهل
مش عارف حاجة فى أى حاجة ويأآوح معاك
ويفضل يجادل ويناقش وعايز يقول كل الكلام
وميدكش فرصة انك تقنه ومش بيتكلم ببقه
لا دا ببقه وايده ورجله ساعات كمان
وانا لما بلاقى كدا بحاول اتجنب الحوار مع مثل هذه الاشخاص
طب مثلا كدا حقولك موقف يضحكك
مرة كنت بصلى فى جامع بره كنت فى مشوار
وجيت لحقت أول ركعة بس على الركوع
طبعا عارف ان فى آراء بتقول تتحسب لك ركعة
وعلماء تانيين بيقولوا متتحسبش وتصليها تانى
وانا عن نفسى باخد بالرأى الأحوط انى أصليها تانى
المهم دخل معايا فى نفس الوقت واحد على الركوع
بس أنا قمت كملت صلاة وهو سلم وبعد ما انا سلمت
قاللى تعالى هنا استنى انا مستنيك تخلص من بدرى
(( صلاتك دى كلها كدا باطلة ومش نافعة بنكلة ؟؟ ))
أنا استغربت جدا طبعا : طب ليه يا عم الحاج ؟؟
انت صليت ركعة زيادة هو بمزاجكك ولا ايه ؟؟؟
طب ياحاج دى أراء فقهاء وعلماء بيقولوا ان يجوز كدا ويجوز كدا
يعنى ان شاء الله صلاتك مقبولة وصلاتى كمان مقبولة متزعلش نفسك
راح قاللى : استنى بقى انت حتأآوح أنا بصلى من قبل ما انت تتولد
انا يابنى بصلى بقاللى 35 سنة وعامل 7 حجات و12 عمرة و.....
انا يابنى خبرة من زمان !!!!!!!!
شفتوا ياجماعة بالله عليكوا طب دا أول له ايه
دا مفكر الدين كمان بالخبرة ميعرفش أصول دين وفقه ؟؟؟؟؟؟
آسف للاطالة بس الموقف دا من أطرف المواقف اللى شفتها فى حياتى
وحبيت أحكى هو لكوا نوع من الفضفضة
** من الاخر أكتر حاجة بتزعجنى ( الجهل مع العند والمآوحة )

السؤال للى ورايا :
ايه هو هدفك أو أهدافك فى الحياة عامة ؟؟؟؟؟؟؟

** بكرر شكرى ليك على الموضوع الهايل

**Mahmoud Slem** · 10-07-2009, 09:15 PM

شكرا ليك يا كريم على الرد الجميل ده

اهدافى كتير فى الحياه ...؟

منها اخلص دراستى بتفوق ان شاء الله

اجد وظيفة جيده خاصه بمجال دراستى
ارتبط بالانسانه اللى ربنا كتبهالى
ابنى اسره شبه مثالية
يعنى شويه اهداف كده
بس حسب الترتيب

شكرا ليك يا كريم

سؤالى

متى تشعر بالندم .....؟

**Wild_Angel** · 10-08-2009, 01:24 AM

اولا موضوع جميل أحييك عليه يا محمود

متى اشعر بالندم؟؟
الحمد لله برضى بكل اللى يكتبه ربنا
ساعات بفكر انى لو كنت عملت كده كان يبقى احسن
بس دايماً بشعر ان الطريق اللى ربنا كتبهولى والحاجات اللى ربنا اهدهالى اجمل بكتير من انى اندم

السؤال للى بعدى؟؟

ما خطتك حتى تنشر الاسلام بشكل صحيح فى مجتمعك؟؟ وكيف تكون صوره لاسلامك؟؟

**KAREEM** · 10-09-2009, 05:36 PM

بصراحة الموضوع دا بيجى فى بالى كتير
وكتير وانا صغير كنت بفكر انى حاجتهد جدا فى دراستى
واطلع حاجة مشرفة ونافعة لدينى أول حاجة بعديهم والدى والوطن
الفترة الاخيرة دى دت عهد على نفسى انى مشوفش
حد أعرفه صاحب قريب بعيد الا اما اذكره برنا
بأى حاجة ان شاء الله معدى على ناس قاعدين فى الشار ع
اقولهم : السلام عليكم ورحمة الله وبركاته
قال النبى ( صلى الله عليه وسلم ) :
(( لا تحقرن من المعروف شيئا ولو أن تلق أخاك بوجه طلق ))
صدق حبيبى - صلى الله عليه وسلم -
بس رغم كل دا حاسس انه ولا حاجة
وانى مقصر فى دينى مع نفسى ساعات
وفى الدعوة الى الله أحيان اخرى !!!!!!
والواحد لاز ميكون عنده الاحساس دا
عشان بعد كدا يكون أحسن وأحسن

الخلاصة : مخططى لنشر دينى انى اذكر
من أعرفه ومن لا أعرفه بالله ،
وأكون صورة مشرفة لدينى بأخلاقياتى
وباجتهادى فى عملى او فى طلب العلم

**KAREEM** · 10-09-2009, 05:38 PM

اه السؤال للى بعدى

راضى عن نفسك ؟؟؟؟؟؟؟؟
بنسبة كام ؟؟؟؟؟؟
السؤال بطريقة أخرى :
مستعد تقابل ربنا دلوقتى ( الموت ) ؟

**Mahmoud Slem** · 10-09-2009, 07:58 PM

الحمد لله راضى عن نفسى
علشان انا راضى بما كتبه الله لي

بنسبه كام بنسبه كبيره وليست كامله لاننا بشر برده

ولكن ربنا يهدينى ويجعلنى اكون راضى عن نفسى فى كل حاجة

اقابل ربنا دلوقتى

ربنا قادر على اخذ روحى فى اى وقت
ولكن ربنا بيحب عباده واكيد كاتبله كل حاجه من ولادتة حتى مماته
واللهم لا اهتراض على قضاء
ربنا
واكيد لازم اكون مستعد
ولكن انا امل من ربنا انه يقبض روحى على فعل الخير

**Mahmoud Slem** · 10-09-2009, 07:59 PM

سؤالى انا بقى

ليه مصر ام الدنيا؟

**zola** · 10-10-2009, 02:17 AM

انا بشكرك على الموضوع الجميل دة والاسئلة جميله ومصر ام الدنيا عشان اتربيت فيها ولعبت فيها وسهرت فيها وعملت كل حاجة حلو ممكن تتعمل فيها وكفاية شكله عند العالم برة اه هى ممكن تكون اسيا علينا بس اخت عليه عشان كدة تعتبر ام الدنيا..... وشكرا ليك ياجميل وسؤالى با جاوب يال بعدى بس بصراحة لوحبيت اوىىىىىىىىىىىىىىىىىىى وحبيبك سابك وانت عارف ان هو بيحبك وحصل ورجعلك تانى بس محبش ولا انت حبت تعمل اية بصراحة والحب دة حقيقى وشكرااااااااااااااااااااا

الموضوع: انت تسأل واللى بعدك يجيب!!! لو جريء ادخل..

أدوات الموضوع

عرض

العرض المتطور

انت تسأل واللى بعدك يجيب!!! لو جريء ادخل..

الكلمات الدلالية لهذا الموضوع

المفضلات

المفضلات

ضوابط المشاركة