البرنامج الانتخابي لمندوب 3 مساحه

[Ahmed Hosny]

السلام عليكم ورحمة الله وبركاته
صديقى العزيز "سابقا قبل الكلام ده" طبعا انا احب اشكرك على الكلام الجامد جدا ده وبقولكم ان شاء الله اقدر احقق الكلام ده
ودى طبعا طلبات بسيطة جدا جدا جدا فعشان كده مش هتبقى هدفنا الاساسى
وكمان احب اشكر كل اللى صوتوا لى واقولهم ان شاء الله اكون عند حسن ظنكم وكمان احب اقول للمنافسين hard luck
ولازم منشككش فى نزاهة الانتخابات
اما الهدف الاساسى فى خطتى الخمسية هو السمو بشعبة المساحة والخرائط دفعة 2011
وده اللى انا "احنا " هنعمل عليه فى الايام اللى جاية وياريت يا جماعة اى حد يقرا الموضوع يقدملنا اقتراحاته من اجل تحقيق ذلك

وانا افتكرت جملة قالها الشيخ الشعراوى عليه رحمة الله "ان كنا نحن قدرك فاعانك الله علينا وان كنت انت قدرنا فاعاننا الله عليك"
وكمان سيدنا ابو بكر الصديق بس مش فاكر النص بالضبط فيما معناه ان لوكنت انا ماشى صح فالمفروض عليكم انكم تعينونى
اما لو كنت العكس فقومونى او تنتخبوا مندوب غيرى
واحب كمان اقولكم شوية حاجات عشان اللى اوله شرط اخره نور :
1/ممنوع منعا باتا الثورات من الاخر متعبرش عن رايك بهزر طبعا ان شاء الله اى حاجة انتم عايزنها قولولى واحنا نحلها
2/مش عايزين يا جماعة الدكاترة توجهلنا اى كلام وحش ممكن يضرنا وده يتحقق باحترام المحاضرة وقلة الكلام فيها

انا حاسس ان انا بقيت رئيس الجمهورية بس انا والله حبيت الشعبة وحابب ان احنا نقدملها حاجة
واكتبولنا اقتراحتقم اخوكم وابن دائرتكم احمد حسنى محمد nimo007