ازاي تطلعي عنين أخوكي

**Night Moon** · 10-13-2009, 05:28 PM

أزيكم يا أحلى عضوات فى أحلى منتدي طبعا كلنا يا بنات عارفين اللى بيحصل لينا ومجربين اللى أخواتنا بيعملوه فينا عشان كدا قررنا نحن انشاء حمله وقاعده سريه للقضاء عليهم........هههههههههههه
تعالوا بقى نشوف ايه الخطه اللى هنفذها عشان نقضى عليهم وربنا يستر و محدش يبلغ عننا

**لو فى مبارة فى التلفزيون**

لو فى مباراة والأخ متحمس أقطعى الحماس ده
ازاى
أنا اقلك
استنى لحد ما يندمج اوى مع المباراة
وهتعرفى أنه اندمج لما تلاقى عنيه مفتوحين على
الااااخر ومش همه حد يعنى ممكن تجيبى صاروخ تفجريه
جنبه ولا يلتفت

هنا بقى قومى بشغلك
روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنا مش فاضيالك أنا بنضف وبمسح
وبعدين روحى جيبى المكنسة واكنسى المكان اللى
هو فيه وحاولى كل شوية تكنسى قدام التلفزيون
يعنى لا صوت ولا صورة
وغطى عليه ولا يهمك
ولوقال ابعدى وحسيتى أنه هايحدفك بحاجة
قولى يعنى اسيب البيت كده والضيوف جايين في السكة
وبعدكده اعملى أنك نسيتى الكيك فى الفرن
ودوسى على رجليه واجرى وماتبصيش وراكى

*عند النوم*

لما تحسى أنه دخل فى النوم وسمعتيه بيشخر
هاتى اى طفل يقابلك ابن أختك أو أخوكى الصغيرين
ابن الجيران ان شالله ابن البواب
ودخليه يلعب فى أوضته فوق راسه
وقوليله الأطفال أحباب الله

أوتعالى وهو فى سابع نومه وأرجفيه
الرجفة اللى يصحى مايحسش
بنفسه الأ وهو قاعد
وبكل برود قولى (عايزين نخرج)

وبصي ياجميل علشان بقى تصحيه فعلا وتتاكدى كده انه صحى وفاق وبقى ميت فل
وعشره تعملي ايه يا جميل هقولك انا............ انت تكونى قاعده وطافيه
كل انوار البيت ومشغله فيلم رعب جامد زى dead alive تقومي معليه الصوت على
الاخر واول مايجى مشهد مرعب تفضلي تصوتي وتقولي لالالالالالالالا حرام عليك
ارحمنى انا مش قدك يا لهوى يا مصيبتى الحقونى ...واول مايجى
ويسالك فى ايه مالك تقوليله ابدا اصلى كنت بتخيل المشهد اللى
هيجى بعد ده وبتخيل البطل كان هيعمل ايه يعنى ...روح نام روح ...وطبعا
مش هيروح ينام من فيلم صراع الطبقات اللى انت عاملاهوله ده

ولوشفتيه مش رايق ومالوش خلق
أوعى تخافى هى دى فرصتك
بس خلى بالك من حركات أديه
وحضرى مفتاح اوضتك علشان هاتحتاجيه
وأضحكى على شكله وعلى شعره وقعدته
وعلى هدومه
واذا قال أبعدى علشان أنا مش رايق
زودى العيار حبتين
ولو حسيتى باى غدر
أستعملى مفتاح أوضتك وأقفلى على نفسك

*وقت المعركة*

ولو طقت فى دماغك وحبيتى أنك تقومى
بمعركة أنتى وهو

لازم تجهزى نفسك من كل ناحية
1-اللبس:لازم تلبسى تريننج علشان يسهل الجرى
2-الكنيش دة لازم تلميه وتعملى حفلة ايشاربات فى راسك
وأنتبهى ولا خصلة تنزل من شعرك
واليوم ده ياريت تكونى حاطة حنة على راسك
علشان مايتجرئش يلمس شعرك
3-مفتاح الأوضة لأن الإحتياط واجب

1اذا بدأت المعركة أوعى تبينى أنك خايفة
وأول ما أيده تطول
أوعى تستسلمى وأديله
طراااااااااااااااااخ
بالبوكس فى عينه علشان مايشفش أدامة
وحطى رجلك أدامة
وعلى طووووووووول
على أوضتك اللى مجهزة مفتاحها قبل كده
بس نصيحة أقعدى يومين لايشوفك ولا تشوفيه
لأنه عاوز ينتقم لكرامته
وممكن يوريكى النجوم فى عز الظهر

**على الكمبيوتر**

لو حضرتك قاعده على الكمبيوتر وجالك مزاج تسمعى أغنيه مش تشغلى الهيدفون والكلام الفارغ دا لاء على طول بالسماعات وأعلى صوت
وياسلام لو الأغنيه دى تنطيط وهبل عشان تقرفيه
فى عيشته

يلا أخلع انا بقى
ههههههه

**AYMAN GAMAL** · 10-13-2009, 07:15 PM

ههههههههههههههههههههههه

لا طبعا و على ايه

هيسيبولكم البيت احسن

**الورده البيضاء** · 10-13-2009, 07:27 PM

حلوة اووووووووووووووووووووى
دالواحد قرفان فى عيشتة
هههههههههههههههههههههه
ومالو مهو المطلوب اننا نطفشهم
الف شكر ياجميل

**Night Moon** · 10-13-2009, 07:56 PM

المشاركة الأصلية كتبت بواسطة AYMAN GAMAL

ههههههههههههههههههههههه

لا طبعا و على ايه

هيسيبولكم البيت احسن

هههههههه طب لما يسيبو البيت نغلس علي مين ههههههههه
نورت التوبك بمرورك

المشاركة الأصلية كتبت بواسطة الوردة البيضا

حلوة اووووووووووووووووووووى
دالواحد قرفان فى عيشتة
هههههههههههههههههههههه
ومالو مهو المطلوب اننا نطفشهم
الف شكر ياجميل

هههههههه انا بقي جبتلك المفيد يا امل ههههههههه
وشكرا ليكي انتي علي مرورك الجميل دة

**spider girl** · 10-13-2009, 08:54 PM

ههههههههههههههه
هههههههههههههههه
هههههههههههههههههه
يا لهوى يا اسماء دى هتبقى حلبه مصارعه فى البيت
هههههههههههههههههه
الحمد لله يختى انى معنديش اخوت صبيان دنا كنت هتعجن
ههههههههههههههه

**Night Moon** · 10-13-2009, 10:02 PM

المشاركة الأصلية كتبت بواسطة spider girl

ههههههههههههههه
هههههههههههههههه
هههههههههههههههههه
يا لهوى يا اسماء دى هتبقى حلبه مصارعه فى البيت
هههههههههههههههههه
الحمد لله يختى انى معنديش اخوت صبيان دنا كنت هتعجن
ههههههههههههههه

هههههههههههههههه منا زيك ياسارة ماعنديش اخوات ولاد بس انا قولت بردة نساعد اللي عندهم اخوات ولاد ولا ايه ههههههههههههههههه

ميرسي يا سارة اسعدني مرورك

**Marwa Magdy** · 10-13-2009, 10:52 PM

ههههههههههههههههههههههههههههههه
والله انا ما عنديش اخ اكبر منى
بس اكيد برضه فى حاجات من اللى انتى قولتيها دى تنفع مع العيال الصغيره :box::box:
حجرب يا اسماء و اقولك ع النتيجه :11ight:
وانا واثقه انى حنج ف العمليه دى :11vil::11vil:
مش انا الكبيره :euro::bones:
هههههههههههههههههههههههههههه:euro:

**Night Moon** · 10-13-2009, 11:03 PM

المشاركة الأصلية كتبت بواسطة Marwa Magdy

ههههههههههههههههههههههههههههههه
والله انا ما عنديش اخ اكبر منى
بس اكيد برضه فى حاجات من اللى انتى قولتيها دى تنفع مع العيال الصغيره :box::box:
حجرب يا اسماء و اقولك ع النتيجه :11ight:
وانا واثقه انى حنج ف العمليه دى :11vil::11vil:
مش انا الكبيره :euro::bones:
هههههههههههههههههههههههههههه:euro:

هههههههههههههههه دة انتي الممسيطرة علي الاوضاع بقي زيي هههههههه ادعي ان دعاء ماتشوفش الكومنت بتاعك بقي لحسن مالائقيش بكرة ههههههههه
نورتي التوبك يا ميرو