برنامج اللي بالي بالك ... الحلقة الثانية ( الانسان الفرفور ) صفحة 10

**Hassan Mohamed** · 10-14-2009, 06:44 AM

بسم الله الرحمن الرحيم

برنامج

اللي بالي بالك

ازيك يا جماعة عاملين ايه

النهاردة جايلكم بفكرة برنامج جديد وفريد من نوعة

البرنامج ده هيبقا عبارة عن حلقات كل حلقة هنتكلم فيها عن

الانسان

اللي بنعيش معاه في دنيتنا

مش هنسيب حد وهنتكلم علي كل الناس معاكم وهنتكلم كمان علي اي حد بيعمل اي حاجة غلط

واكيد للبرنامج سياسة

وهي ان البرنامج مش بيتوجه بالكلام لاي شخص علي المنتدي لكن هو هيتكلم عن الانسان بصفة عامة

وهنتكلم معاكم علي اللي بالي بالك

وهو

الانسان السلبي

وكل حلقة هنعرض فيها سلبية من سلبيات الانسان

اتمني ان الفكرة تكون عجبتكم

وفي المشاركة التالية هبدأ معاكم اول حلقة ان شاء الله

**Hassan Mohamed** · 10-14-2009, 07:10 AM

الحلقة الاولي

الانسان المستفز

( الاستفزاز )

وطبعا الشخصيات دي بتبقي موجودة بكثرة شديدة في مجتمعنا لدرجة اننا وصلنا لدرجة اننا مش عارفين نعيش منهم

لدرجة ان كل حاجة حولينا بقت مستفزة

واكتر حاجة ممكن تستفز اي انسان هو الشخص المستفز نفسوا

والاستفزاز ده بتلاقيه ظهر فجاة كده يعني ممكن تبقي بتعمل حاجة والامور تلاقيها ماشية طبيعية

وفجاة يظهرلك واحد مستفز يبوظلك الليلة باللي فيها :D

وده بقا قادر يوصلك لدرجة تخليك تخرج عن شعورك وممكن تتصرف تصرفات انت مش علي وعي بيها

هتعملوا ايه بقا

مهو مستفز اصلا

والانسان المستفز ده بيوصلك لدرجة ممكن تخليك تدعي ربنا وتقول يا رب ميطلعلي انسان مستفز النهاردة يبوظلي يومي :D

وانت وحظك بقا ممكن دعوتك تستجاب وربنا يبعد عنك الاستفزاز والمستفزين

او بقا يوليلك يا سواد ليلك لو الدعوة لم تستجب

هتشوف اللي عمرك مشوفته :D

تلاقي نفسك صاحي من النوم

وتسطبح بواحد مستفز علي الصبح كده

( صباح الاستفزاز )

ودول بقا كتيييييييييير في مجتمعنا

يعني تبقي نايم في امان الله

وفجاه تلاقي واحد رايق علي الصبح وصوته زي العنب ومفكر نفسوا عبد الحليم حافظ

والساعة لسه مجتش 8 الصبح

وعمك ده بيغني ويقول

يا بتاع الحلاوة يا حلو يامحلو يا حلو حلي حلو حلو

:D

وطبعا ميسكتش غير لما يصحي الناس كلها

وفي الاخر تطلع تشوفه بيبيع ايه

تلاقيه بيبيع خيااار

استفزااااااااااااااااااااااااااااااااااااااااااااا ااااز

ولا بقا بتاع الانابيب

تلاقيه مركب مكبرات صوتية في صوته

وعمال يقول انابييييييييييييييييييييييييييييييييييييب

وعمال يدق علي الانابيب وكاننا في عيد ميلاد الانبوبة

ومش بعيد تلاقيه بيبيع الانابيب في منطقة كلها غاز طبيعي

استفزااااااااااااااااااااااااااااااااااااااااااااا ااااز

كله كوم بقا

والشخص اللي بيعلي صوته ده كووووم تاني خالص

ده بقا تلاقيه عمال يزعق ويشخط وينطر

ال يعني هتأخدهم بالصوت يا خويا

وفي الاخر يقولك

انا مبحبش اعلى صوتىىىىىىىىىىىىىى

( تلاقيها بيقولها بصوت عالي )

استفزااااااااااااااااااااااااااااااااااااااااااااا ااااز

وياسلام بقا علي الانسان اللي شايف نفسوا

ايووووووووووووة

اللي تلاقيه بقا كل شويا يقول انا عملت وانا خليت وكلمة انا في لسانة دايما

ولابقا لما يقولك ايه ده انت مش عارف انت بتكلم مين

متعرفش بقا هو شايف نفسوا علي ايه بالظبط :D

استفزااااااااااااااااااااااااااااااااااااااااااااا ااااز

وغيرهم وغيرهم

وده نمط من المستفزين

مع ان فيه انماط كتيرة

بس انا مش عاوز اطول عليكم عشان الحلقة تكون خفيفة كده وتعجبكم

وبكده نكون وصلنا لنهاية حلقتنا النهارة عن الاستفزاز والانسان المستفز

يارب تكون عجبتكم

واستنوني في الحلقة الثانية ان شاء الله

**Wild_Angel** · 10-14-2009, 12:25 PM

يا نهار ابيض
استفزااااز

هو بيندرج تحته أى صفات سلبيه بجد
لان اصلا الصفات السلبيه كلها استفزاز

الكذب شئ بيستفز الانسان وخاصة لو الواحد عارف ان ده كدب او اكتشفه
الخيانه
الغدر
الجهل
ودى نحط تحتيها مليون خططططط
والله افتكرت موقف بالنسبه للجهل ده
من كام يوم اتفرجت على برنامج بيقدم أكلات وكده
كانوا بيعملوا سلطه اسمها بيكون سلاد
وبيكون اللى هو Bacon وهو لحم الخنزير المقدد
والشيف كان بيقول دى لحمه مدخنه
وقطعها على السلطه

يبقى الجهل بجد قمممممة الاستفزاز
ربنا يسترها معانا
مع العلم ان البرنامج مصرى

بس نعمل ايه
أهو ندعى ربنا يبعدنا عنهم بجد
لان الاستفزاز أصلا شئ مستفز

**Ma7amed Adel** · 10-14-2009, 12:29 PM

( الاستفزاز )

وطبعا الشخصيات دي بتبقي موجودة بكثرة شديدة في مجتمعنا لدرجة اننا وصلنا لدرجة اننا مش عارفين نعيش منهم

لدرجة ان كل حاجة حولينا بقت مستفزة

واكتر حاجة ممكن تستفز اي انسان هو الشخص المستفز نفسوا

والاستفزاز ده بتلاقيه ظهر فجاة كده يعني ممكن تبقي بتعمل حاجة والامور تلاقيها ماشية طبيعية
شكرا ليك يا ابو على وننتظر منك باقى الحلقات الجميله والمشوقه

**samaa** · 10-14-2009, 12:38 PM

ممكن انا اقول الحلقة التانية
الانسان الحشرى (المتطفل)
ياااااااااااااااااالهوى دة بقى عايز يتولع فيه ممكن تكون بتتكلم فى التليفون وهو هيموت ويعرف انت بتكلم مين ويحوم عليك بقى والله لو معرفش يزعل وشوية وهيعيط بس بردة مش بريحة وفى الاخر لما اتعب منه اقوله انا كنت بكلم مين وعايزة اية منه عشان اخلص من العم الحشرى دة
وقيس بقى على باقى الدنيا

**Yamyam** · 10-14-2009, 12:45 PM

الانسان المستفز

ده اكتر حاجه تضايقنى

و مش لازم يكون بيعلى صوته ذى ما قولت يا حسن
لكن فى ناس مجرد انهم يتكلموا يستفزونى
يعنى من طريقه كلامهم او معاملتهم معايا

وفكره البرنامج حلوه أوىىىىىى
وفى انتظار الحلقه اللى جايه

**Hassan Mohamed** · 10-14-2009, 01:28 PM

المشاركة الأصلية كتبت بواسطة Wild_Angel

يا نهار ابيض

استفزااااز

هو بيندرج تحته أى صفات سلبيه بجد
لان اصلا الصفات السلبيه كلها استفزاز

الكذب شئ بيستفز الانسان وخاصة لو الواحد عارف ان ده كدب او اكتشفه
الخيانه
الغدر
الجهل
ودى نحط تحتيها مليون خططططط
والله افتكرت موقف بالنسبه للجهل ده
من كام يوم اتفرجت على برنامج بيقدم أكلات وكده
كانوا بيعملوا سلطه اسمها بيكون سلاد
وبيكون اللى هو Bacon وهو لحم الخنزير المقدد
والشيف كان بيقول دى لحمه مدخنه
وقطعها على السلطه

يبقى الجهل بجد قمممممة الاستفزاز
ربنا يسترها معانا
مع العلم ان البرنامج مصرى

بس نعمل ايه
أهو ندعى ربنا يبعدنا عنهم بجد
لان الاستفزاز أصلا شئ مستفز

انا بتفق معاكي يا اسراء في ان الاستفزاز بيندرج تحته كل الصفات السلبية

وكمان بان الجهل ده اكتر شئ مستفز

والاستفزاز متعدد وكثير قوي في مجتمعنا

بس انا حبيت اجيب الموضوع بشكل كوميدي عشان ميكونش فيه ملل

لكن لو اتكلمت عن انواع المستفزين

يوووووووووة

مش هخلص كلام فيهم

يعني مثلا

المدخنين

من اكثر الناس اللي بيستفزوني

يبقا الواحد مثلا راكب مشروع

وتلاقي واحد داخلك بسيجارة

ولما تقوليله لو سمحت بلاش سجاير

يبقا كانك كبيتي عليه ماية سخنة

وتلاقيه قرفان كده ومش طايقك

ويبقا هو الغلطان ويعمل كده

ههههههههههههههه حاجة مستفزة جدا

**Hassan Mohamed** · 10-14-2009, 01:29 PM

المشاركة الأصلية كتبت بواسطة محب للرحمة

( الاستفزاز )

وطبعا الشخصيات دي بتبقي موجودة بكثرة شديدة في مجتمعنا لدرجة اننا وصلنا لدرجة اننا مش عارفين نعيش منهم

لدرجة ان كل حاجة حولينا بقت مستفزة

واكتر حاجة ممكن تستفز اي انسان هو الشخص المستفز نفسوا

والاستفزاز ده بتلاقيه ظهر فجاة كده يعني ممكن تبقي بتعمل حاجة والامور تلاقيها ماشية طبيعية

شكرا ليك يا ابو على وننتظر منك باقى الحلقات الجميله والمشوقه

ربنا يخليك يا محمد واتمني انك تتابع بقية الحلقات

**Hassan Mohamed** · 10-14-2009, 01:31 PM

المشاركة الأصلية كتبت بواسطة samaa

ممكن انا اقول الحلقة التانية
الانسان الحشرى (المتطفل)
ياااااااااااااااااالهوى دة بقى عايز يتولع فيه ممكن تكون بتتكلم فى التليفون وهو هيموت ويعرف انت بتكلم مين ويحوم عليك بقى والله لو معرفش يزعل وشوية وهيعيط بس بردة مش بريحة وفى الاخر لما اتعب منه اقوله انا كنت بكلم مين وعايزة اية منه عشان اخلص من العم الحشرى دة
وقيس بقى على باقى الدنيا

يعني ممكن نعتبر الانسان ده بيستخدم نوع من الاستفزاز

وفعلا الانسان الحشري ده بيبقا مستفز جدا

ممكن يبقا 2 قاعدين في قعده

وفجاة تلاقي عمك ده حشر نفسوا في الموضوع

ومش بس كده

تلاقيه عمل مشكلة كمان

حشري حشري يعني

شكرا يا سماء علي الاشتراك في الموضوع وشكل الفكرة عجبتك

**Hassan Mohamed** · 10-14-2009, 01:32 PM

المشاركة الأصلية كتبت بواسطة Yamyam

الانسان المستفز

ده اكتر حاجه تضايقنى

و مش لازم يكون بيعلى صوته ذى ما قولت يا حسن
لكن فى ناس مجرد انهم يتكلموا يستفزونى
يعنى من طريقه كلامهم او معاملتهم معايا

وفكره البرنامج حلوه أوىىىىىى

وفى انتظار الحلقه اللى جايه

عندك حق

ده مش بس لما بيتكلموا

لا ده حتي بمجرد منشوفها

ايووووووووووة بيبقا الواحد مش طايق المكان اللي قاعد فيه

ويارب الفكرة تكون عجبتك واستنيني في الحلقة الثانية

الموضوع: برنامج اللي بالي بالك ... الحلقة الثانية ( الانسان الفرفور ) صفحة 10

أدوات الموضوع

عرض

برنامج اللي بالي بالك ... الحلقة الثانية ( الانسان الفرفور ) صفحة 10

الحلقة الاولي : الانسان المستفز ... موجودين بكثرة في مجتمعنا

الكلمات الدلالية لهذا الموضوع

المفضلات

المفضلات

ضوابط المشاركة