اللقاء الاول للفرقه التالته مساحه(التعارف)

**M.Tarek Hatem** · 10-17-2009, 10:08 PM

ايه يا تيمو مش تكتب اسمى انا بلون مختلف وبخط كبير...............ماشى يا تيمو

بجد كانت الفكرة النهاردة كويسة واتحمسلها ناس كتير............... وشوفنا النهاردة ناس جديدة ودى بداية مبشرة

ويارب دايما نساعد بعض ومحدش يكسف ............ احنا اخوات وفى شعبة واحدة وسلامى للاستاذ الكبير

احمد حسنى............................ وليك يا تيمو

وابقى نظمولى مرة كده ندوة اهو برضه الواحد يعمل حاجة
ههههههههههههههههههههههههههههههههههههههههههههههه

**kaka** · 10-17-2009, 11:20 PM

انا kakaياتامر .................. الاقتراح بتاع محمد طارق جامد جدا وانا موافق علية وياريت ناخد الموضوع بجد

**طالب بالفرقة الثالثة مساحة** · 10-17-2009, 11:24 PM

معلش انا مقدرتش اكون موجود علشان كان عندى مشور مهم وباذن اللة بكرة هكون موجود

**Hassan Mohamed** · 10-18-2009, 01:28 AM

ان شاء الله يا شباب وانا سعيد بالبداية بتاعتكم دي وان شاء الله باذن الله تستمر

**Ahmed Hosny** · 10-18-2009, 10:22 AM

السلام عليكم ورحمة الله وبركاته
طبعا انا جيت متاخر بس الحمد لله ملحوقة طبعا شكرا على طرحك للموضوع وشكرا كتير اوى اوى للناس اللى حضرت
التعارف الجميل اوى ده وكمان ده كان الهدف منه هو ان احنا اخوات وكمان هو ده اللى هيحفزنا للتعامل والتعاون مع بعضنا بحب
ونحقق حاجات محدش عملها قبلنا يعنى التعارف ده محدش من الفرق الثانية عمله وان شاء الله فى حاجات فى مخططنا
جديدة وجميلة ادعولنا يا جماعة ونتمنى منكم المشاركة

**medhat abotaleb** · 10-18-2009, 12:05 PM

بسم الله الرحمن الرحيم
اخوكم فى الله مدحت سعيد ابو طالب
الفرقة التالتة _شعبة المساحة والخرائط
اكيد فى منكم كتير عارفنى شكلا بس اللى مش عارف يسأل عشان مش هنزل صور
وانا كدة كدة اشهر من تامر حسنى فى القسم بتاعنا يعنى(مبحبش اتكلم عن نفسى)
وكلكم عارفين ان انا معرفتش احضر التعارف فى الكليه عشان انا رجلى مكسورة
بس والله حاولت بس معرفتش عشان كنت فى المستشفى فى نفس الوقت تقريبا
بس انا بعرف نفسى على المنتدى عشات احس ان اناشاركت معاكم

**Horiaa Swedan** · 10-18-2009, 10:44 PM

على فكره يا جماعه مش صح اللى انتوا عملتوا ده حلو انكم تعرفوا بعض بس مش حلو انكم تعملوا انقسام بنكم وبين الشعبه التانيه اعتقد كان افضل لو كان تجمع للفرقه كلها متنسوش ان فى ناس معانا بجد متضرره من عدم دخولها مساحه فكان بدل متغلقوا الباب عليكم انكم تفتحوا المجال انكم تسندو زميلكم التانين

دى وجهه نظرى ارجو تقبلها

اختكم حوريه الصافى

**ahmed_fit** · 10-19-2009, 04:01 PM

انا كان نفسى احضر معاكم
بس للاسف كان فى ظروف وكنت مضطر انى امشى بعد المحاضرة على طول
بس ملحوقة برضه ان شاء الله

وبضم اسمى للاسماء الموجودة

احمد حمدى فتيانى

**temo** · 10-19-2009, 04:54 PM

ياجماعه اللي محضروش التعارف المقابله الجايه يوم الاربعاء 12|10|2009
وان شاء الله بكره هنبلغ الناس وناكد الميعاد ونتقابل بعد بكره الاربعاء ونتمني حضور الجميع اللي حضروا قبل كده واللي لسه مشرفوناش.

temoelmasa7

**Ma7amed Adel** · 10-19-2009, 04:58 PM

ماشاء الله تجمع جميل ويارب مزيد من التجمع والتعارف بينكم

الموضوع: اللقاء الاول للفرقه التالته مساحه(التعارف)

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة