ايهما اكثر تاثيرا بالسمعة السيئة الشاب ام الفتاه ؟؟

[dolly]

هاى شباب انا حابة ان احنا نتناقش مع بعض فى الموضوع ده.

بشكل عام مجتمعنا العربى يتمتع بازدواجية النظرة فى رؤيته فتتباين احكامه الاجتماعية بين اخطاء الفتيان والفتيات .

فلقد اعتاد البعض ان ينظر لاخطاء الذكور بمنظار اكثر سماحا (ده راجل ويعمل الى هوا عايزه)
اما الفتاه يا نهار ابيض يا عينى على الى بيحصل فيها
وبما اننا شباب متعلمين وجامعيين اطرح الموضوع لكى احاول ان اعرف راى الشباب من الجنسين لنرى هل تغيرت النظرة حول هذه القضيةمع تغير وتطور العلم ؟
ام ما زالت كما هى بل وتسوء.

من المواقف التى تزيد من حرقة الدم للمراة انه اذا خان الرجل زوجته (يقال له عيب عليك يا راجل مش تكررها تانى عشان مش ازعل منك واخاصمك يا وحش):1:
ولكن اذا خانت المراة زوجها (يقام عليها الحد وتقال الاقاويل والتكتكة فى كيفية الانتقام بطرق شتى والتحدث بقال الله وقال الرسول )بالرغم من انه فعل هذا من قبل العديد من المرات .
(لكن حلال له وحرام عليها )
_مش معنى كلامى ده ان المراة تفعل ما تشاء ولكن معناه ان كما انت لك الحق فى ان تصونك فى مالك وعرضك وبيتك لها ايضا الحق فى انك تحافظ عليها وعلى كرامتها
$ اى خطا ترتكبه المراةيظل مرافقها طوال حياتها فى حيث تكثر المبررات فى حالة الرجل....
هل الرجل يرى ان حقه مسلوب ؟
هل المراة ترى ان حقها مسلوب؟
وما معنى الحرية بالنسبة للرجل والمراة؟:cc_confused::cc_confused:

طبعا لو تحدثنا عن هذا الموضوع لم ننتهى منه بعد ...ولا حتى من اسئلته

بس كفاية كده انا مش عايزة اطول عليكوا عشان مش تزهقوا منى
بس بجد انا عايزة اعرف رايكم فى الموضوع ده
#برجاء عدم الانحياز لاى طرف من الطرفين#

تحدث بما تراه انت (بضميرك يعنى هه)

وانا فى انتظار الردود,,,,,

[MUHAMED SAMY]

الخطأ خطأ.....يادولى سواء للرجل او المرأة

وعلينا أن نتعلم من أخطاء الأخرين

[Ma7amed Adel]

موضوع جميل يا دوللى وللرجل حقوق ووللمراه حقوق فيجب ان نراعى هذه الحقوق

[dolly]

الخطأ خطأ.....يادولى سواء للرجل او المرأة

وعلينا أن نتعلم من أخطاء الأخرين

جميل بس اخطاء الرجال بتكون اكتر من اخطاء المراة وبنسامح فيها يا ترى ايه السبب؟:cc_confused:

[dolly]

موضوع جميل يا دوللى وللرجل حقوق ووللمراه حقوق فيجب ان نراعى هذه الحقوق

طب انت موافق على نظرة المجتمع فى الموضوع ده؟
ولو مش موافق ايه رايك وبصراحة؟

[Mahmoud Slem]

الموضوع مش بالدرجه دى مفيش حاجه اسمها الخطا بيفرق بين راجل وست

ومش لازم اننا نتعصب فى الموضوع ده لان الخطا موجود

ولكن ف حيانتنا دى الخطا بيلقى على المراه اكثر
فربنا يسترها علينا يارب

[Ma7amed Adel]

مش معنى كلامى ده ان المراة تفعل ما تشاء ولكن معناه ان كما انت لك الحق فى ان تصونك فى مالك وعرضك وبيتك لها ايضا الحق فى انك تحافظ عليها وعلى كرامتها انتى جوابتى الاجابه فى موضوعك من خلال المقاله الصغيره دى

[dolly]

الموضوع مش بالدرجه دى مفيش حاجه اسمها الخطا بيفرق بين راجل وست

ومش لازم اننا نتعصب فى الموضوع ده لان الخطا موجود

ولكن ف حيانتنا دى الخطا بيلقى على المراه اكثر
فربنا يسترها علينا يارب

ميرسى محمود على مرورك واكيد انا بحترم وجهة نظر الاخرين

[هاجر]

اولا بجد بجييكى ع الموضوع الجامد جدا دة
وانا بصراحة شايفة ان دة من الحاجات السيئة جدا ف مجتمعنا دة يبقى ظلم ومش عدل
لان ربنا زى ما حرم حاجات ع البنات حرمها بردو ع الشباب
يعنى مثلا لما بنشوف ولد بيشرب سجاير دة بقى عادى بالنسبالنا لكن لو شوفنا بنت بتعمل كدة يبقى الكلام عليها مش حيخلص
طبعا انا مش قصدى ان البنت تعمل زى الولد لكن قصدى الولد يتعاقب زى البنت
زى ربنا ما هيعاقب دة زى ما هيعاقب دة
وربنا يهدى الجميع طبعا

[dolly]

ده الى انا عايزة اقوله ان الاهل بيسيبوا الولد يعمل الى هوا عايزه على اساس انه راجل وانه كبر ويفعل ما يشاء لكن المفروض ان الولاد والبنات يتربوا تربية واحدة وكما نتعاقب نحن يتعاااقبوااا