عشرين جمله بيقولوهاالشباب للبنات ياريت نتعظ بقى ؟!!!!

**Nada Mohammed** · 11-13-2009, 07:34 PM

حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض

يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه

حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

هكلم باباكى اول ماكًون نفسى
(موووووووووووت يا حمااااااااااار)

عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (نفسسسسسسس الاسطوانه المشروخه)

انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

ياحبيبتى انتى بتتكلمى فى أيه انا كل عطورى من فرنسا
( ايوه كلونيا خمس خمسات اللى هوا بتحطها عارفينها طبعا )

ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)

**Marwa Magdy** · 11-14-2009, 12:49 PM

هههههههههههههههههههههههه

موضوع جميييل اوى يا ندا تسلم ايدك

**Nada Mohammed** · 11-14-2009, 08:26 PM

المشاركة الأصلية كتبت بواسطة Marwa Magdy

هههههههههههههههههههههههه
موضوع جميييل اوى يا ندا تسلم ايدك

ميرسى ليكى ياميرو

نورتى الموضوع

**الورده البيضاء** · 11-14-2009, 10:48 PM

والله عندك حق ياندى
ربنا يحمى بنات المسلمين
ويهدى الشباب
والبنات لازم تفهم ان الشاب لو مدخلش البيت من بابة يبقى بيلعب بيها
وملهاش اى حق انة يكون فى اى صلة بينهم وبين بعض
لانها بكدة بتضيع نفسها بايديها وهى مش حاسة
جزاكى الله كل خير

**Ma7amed Adel** · 11-14-2009, 11:11 PM

مش عارف فاهمين الشباب غلط مش كل الشباب كده فيه شباب صح ويستحقوا ان يطلق عليهم الشباب الصح
فى وسط بيئه فاسده

**الورده البيضاء** · 11-15-2009, 12:22 AM

المشاركة الأصلية كتبت بواسطة محب للرحمة

مش عارف فاهمين الشباب غلط مش كل الشباب كده فيه شباب صح ويستحقوا ان يطلق عليهم الشباب الصح
فى وسط بيئه فاسده

ازاى يعنى يامحمد
يعنى الشاب من دول
عايز يقعد يحب ويتحب وخلاص كدة
ويضحك على البنت وفى الاخر نقول متفهمهوش غلط؟
طب اما هو كويس
لية ميدخلش البيت من بابة ؟
لية ميظهرش حسن نيتة؟

**Nada Mohammed** · 11-15-2009, 12:25 AM

متشكرة ليكى ياأمل

نورتى الموضوع

والموضوع مش شامل كل الشباب

بس هو بيتكلم عن فئة معينة من الشباب اللى ربنا يهديهم

اكيد فى شباب كتيييييييييييير محترمين

ولكن في كدة وفى كدة

عموما نورتوا الموضوع بمروركم ومشاركتكم