أنا حر يا أخى وأنت مــــــــــــــالك ..... !!!

[Marwa Mahmoud]

يمكن هى اغلى حاجة و ابسط حقوق لأى إنسان او كائن على وجه الارض لكن يا ترى ليه الناس بتحب تتدخل فى حريتك وتغتصبها يعنى مثلا انت قاعد فى عربيه تلاقى واحد بيشرب سيجاره تقوله لو سمحت اطفيها يقولك انا حر يا اخى و انت مالك هل دى حريته او بياخد حريته زى ام انت بتاخد حريتك ولا لو راكب ميكروباص و صوت الكاسيت عالى اوى و قولت للسواق وطى شوية هيقولك انت هتركب و تتقمر كمان اللى مش عاجبه ينزل انا حر يا اخى انا حر يا اخى حتى العيل الصغير بقى يقولها و هو مش فاهم معناها



هل الناس دى فاهمة الحرية غلط ؟ ولا اى تصرف بيتعمل بيبقى تحب بند انا حر .. اللى قبلنا قالوا انت حر ما لم تضر
و دلوقت بقى .. سؤالى ليك يا قارئ موضوعى ايه هي حريتك الشخصيه اللى انت شايفها ..؟

وايه حريتك اللى انت واخدها فعلا..؟
ونفسك فى حريه مش قادر تاخدها..؟ ولا تحققها حتى ..؟
اتمنى المناقشة