-=¤§ حـــــــــد مــــعــــــــاه جـــنـــيــه ســـلـــف §¤=-

[Marwa Mahmoud]

طبعا انا متاكده انكم كلكم اهل كرم

طالبه منكم بس جنيه سلف

(جنيه بس )

طلعتوا الجنيه من جيبكم او محفظتكم

مش عارفه اشكركم اد ايه

طيب معلش هتقل عليكم تانى

ممكن تنزلوا تجيبهولي

لالالالالالالالا

انا مش ساكنه بعيد

انا قريبه خاااااااااااااااااااااااالص

انزل انت بس وانتى كمان

هتلقينى

هتلقينى قاعده في الشارع لا حول لي ولا قوة

معنديش قوت يومى

اه انا الست الغلبانه الي قاعده ببيع مناديل او
............... عايزة ارجع لاولادى بجنيه اجيب لهم عيش حاف اصلهم باتوا امبارح من غير عشاء

هتلقينى كمان في الحي الشعبي الي بعد بيتكم بكام شارع

مفيش عندى مايه في البيت اصل احنا احياء شعبية ولا كهرباء ولا ولا ولا ولله الحمد

اولادى ميعرفوش يعنى ايه مدارس

علشان مش فاضيين بيشتغلوا طول اليوم علشان يلموا كام جنيه ناكل بيهم

هتلقينى في البيوت بكنس بمسح بغسل

اصل ابو العيال تعبان وانا الي بشتغل اصل علاجه بـ....... جنيه

ومين هيأكل العيال ويجري عليهم

انزل انت بس وهتلقينى

دور عليا

هات الجنيه

وتاجر معايا تجارة كسبانه كسبانه

أن الله يضاعف للمتصدق أجره كما في قوله عز وجل: {إِنَّ الْمُصَّدِّقِينَ وَالْمُصَّدِّقَاتِ وَأَقْرَضُوا اللَّهَ قَرْضاً حَسَناً يُضَاعَفُ لَهُمْ وَلَهُمْ أَجْرٌ كَرِيمٌ} [سورة الحديد: 18]. وقوله سبحانه: {مَّن ذَا الَّذِي يُقْرِضُ اللّهَ قَرْضاً حَسَناً فَيُضَاعِفَهُ لَهُ أَضْعَافاً كَثِيرَةً وَاللّهُ يَقْبِضُ وَيَبْسُطُ وَإِلَيْهِ تُرْجَعُونَ} [سورة البقرة: 245].

قال تعالى: {وَمَن يُوقَ شُحَّ نَفسِهِ فَأُوْلَئِكَ هُمُ المُفْلِحُونَ} [سورة الحشر: 9].

مين هيوق شح نفسه

وهيدور عليا

مستنياكم