الاذاعة المدرسية ( هيه لعب عيال )

[حسام المصرى]

انا عن نفسى كنت بقدم الاذاعة المدرسة انا وبنت اسمها اسراء من اولى ابتدائى لحد 5 ابتدائى

وكانت ايام تحفة عمرى ما هنساها

وبصراحة انهاردة قلت استعيد ذكريات الطفولة دى بس معاكم ده بعد اذنكم يعنى

والكل يوقف فى الطابور مفيش حجج لان مكنش فيه انفلونزا ولا طيور ولا خنازير كانت الدنيا بخير
انا هبدأ بمقدمة كنا بنقولها فى المدرسة ويا ريت الكل يشارك ويقول هو كان بيقول ايه فى الاذاعة يعنى مثلا عضو كان بيقول حكمة اليوم يدخل يقول الحكمة واللى كان بيقول الحديث يقول الحديث
ودى اول اذاعة لمنتدى مساحة

---------------------------------------------------------------------

بين نفحات الهواء البارده , ومن تحت ستار العلم والمعرفه , أزف لكن سلام يفوح
برائحة الورد والكادي , الى الجوهرة الثمينه , والدرة المكنونه , الى مديرتي الفاضله.
التي مازالت تعطي وتضحي من أجلنا , وسلام الى تلك الايادي الدافئه , التي احتضنتنا
بنصحها , وأغدقت علينا بكرمها , الى اساتذتى ومعلماتى الكبار , واليكم يا اصدقائى ,

سلام من الله ورحمته وبركاته
وليكن خير مانبدأ به يومنا هذا آيات مرتله من كلام رب العزة والجلال ............

ويلا بقى وريونا مين هيقرا القرأن

[alaa eid]

فكرة جمييييييييلة جدا جدا
وهاقرأ سورة صغيرة كدا
اعوذ بالله من الشيطان الرجيم
بسم الله الرحمن الرحيم
قل هو الله احد الله الصمد لم يلد ولم يولد
ولم يكن له كفوا احد

صدق الله العظيم
مين بقي هايقول الحديث
الله ينور

[Marwa Mahmoud]

موضوع جميل جداااااااااااا

وفكرة رائعة شكرا ليك





(( الحديث ))

عن أبي هريرة رضي الله عنه أن رسول الله - صلى الله عليه وسلم - قال : ( قال الله : إذا أحب عبدي لقائي أحببت لقاءه ، وإذا كره لقائي كرهت لقاءه ) .

[KAREEM]

قال رسول الله صلى الله عليه وسلم
(( طلب العلم فريضة على كل مسلم ومسلمة ))
صدق رسول الله صلى الله عليه وسلم


فكرة جميلة جدا كنت بفكر فيها
لانى بحب الايام دى جدا
لدرجة ان كان فى ايام كنت بقوم
بالاذاعة دى كلها لوحدى
انتا اللى بقدم وانا اللى بستفتح
وانا اللى ..... وفى الاخر بختم
:11ctor::11ctor::11ctor::11ctor:

بحييك ع الفكرة الجميلة

يلا مين هيقول هل تعلم ؟؟؟؟؟؟

[MUHAMED SAMY]

انا هقول يا كيمو

[MUHAMED SAMY]

هل تعلم ان من اول اكتشف الدورة الدموية هو العالم بن النفيس

[MUHAMED SAMY]

ايه ياجماعة مفيش حد شارك ليييه مكنتوش فى مدارس

[Wild_Angel]

:) :) :)
فكرتنا بالايام الجميله أيام البراءه

والله انا كنت ماليش فى الاذاعه
ومكنتش بحبها الا ايام الامتحانات
عشان بتعطل الطابور شويه :p :)
بس فى مره انا فكراها كويس جداً
أختارونى أقول
حكمة اليوم

(( لا تؤجل عمل اليوم إلى الغد ))

[samomran]

عايز اقولك انك فكرتنى بحاجات جميله جدااااااااااااااااااا

انا كنت بقدم فى الاذاعه

بس كانت فقره الاسئله

و بما اننا جغرافيا يبقى اسال و اللى يجاوب له عندى جايزه يوم التجمع الجمعه ان شا الله

زى ما كان بيحصل

اين تقع صحراء لوط

[el mosikaro]

عايز اقولك انك بأمانة فكرتني بأيام من اجمل ايام حياتي وصعب تتقارن بأي ايام لكن كنت باكون في الاذاعة المدرسية

قارئ للقرأن او الاخبار او اقول نشيد من الاناشيد اللي في العربي

وطبعا ليها ذكري اني القيت النص بدندنة كده كل الناس حتي الناظر اعد يضحك