ازاى تعرف انك فى فرح مصرى ........؟؟ياترى ازاى؟

[جوليت الحب]

بسم الله الرحمن الرحيم


من البدايه كدا هتلاقى الدعوه بتاعت الفرح جايالك وعليها عباره ..

[جنه الاطفال منازلهم]



يعنى من الاخر ابنك دا يقعد فى البيت ومايورناش وشه
احنا مش عارفين نأكل المعازيم لما هانأكل سعادته


لما تلاقى الزفه الدمياطى ا اياها
وبسم الرحمن الرحيم وهانبتدي الليله اااااه اااه


لما تلاقى بقا الستات بتمارس احسن هوايه ليها على مر التاريخ وهى النميمه
ويقعدوا بقا يقولوا:
انا عارفه يا ختى اخدها على ايه دا لا مال ولا جمال
والتانيه تقولها :
و يا ختى من ناحيه الجمال فهى شبه الليفه المحروقه لكن من ناحيه المال لا دا الواد وقع واقف اه دا ابوها عنده عربيه كارو اقصد (ماقطوره )بتدخلوا شىء وشويات
(ياساتر ياحجه وانتي مالك بس)



وتلاقى البنات بقا واقفه اللى تقول:
ايه دا فستانها بيئه اوى ياااى
والتانيه تقولها:
اكيد مأجراه من عند الكوافير اللى عملها التسريحه اللى شبه تسريحه المجانين دى


لما تلاقي قرايب العريس مش عاجبهم قرايب العروسه و العكس صحيح طبعا و بيبصوا لبعض بإشمئزاز
(والنظره الي بتقول انت بتبصلي كدا ليه ماتتلم لحسن اخلي وشك الفرح وانت العريس فيه هههههههههه)


لما اول حجه تسمعها اول ما تدخل القاعه وقبل ما تشوف العروسه والعريس
اغنيه هشام عباس (اسماء الله الحسنىطبعا حلوة اوى )


لما العريس والعروسه يرقصوا الرقصه الرومانسيه على اغنيه(غمض عينيك واحلم معايا) او اغنيه تامر حسنى(ومايحرمنيش منك)
وكل البشر بيصوروهم بكاميرا الموبايل وهما بيقولوا لبعض
(ياترى بيقولها ايه)
(اهو انا بجد ببقا هموووووت واعرف بيقولها ايه ههههههههه)


لما تلقى الاغنيه الرومانسيه اتقطعت فجأه كانهم بيقولولهم انجزوا ويروحوا مشغلين اغنيه السهره(هاتجوز) لـ سعد الصغير وبعدها العنب لمعبود الجماهير (بعرورر)
(طبعا هنا الولاد تستعرض الاحزمه الي الحلقه بتاعتها لو الواحد اتلطش بيها توديه في ستين داهيه لما تلاقى ام العريس كل نص ساعه وتمسح عرق ابنها وتقوله
(يا بنى كفايه مش كده ...ماتهدش نفسك)


لما تسمع السؤال الابدي
(هو البوفيه هايفتح امتى...الواحد جاع)
(ياعمي انت جاي اصلا مش عشان عيون العريس ولا تتامل في جمالو وتقول سبحان الخلاق لا عشان البوفيه)


لما يتعرض الفيلم التسجيلى البوفيه وكل ما يحتويه من لحمه وفراخ وديك رومى وكشك وسد الحنك


لما تسمع الناس وهيه بتقول
لالالا بس الاكل مكانش قد كده
بعد تناول الطعام مباشره وعلى راى المثل
(بعد ماكل واتكى قال رحته مستكه)

(كان بياكول عشان يجامل العريس يجاملوا انو يخم الطبق لحد مايقول بس وبردو بيجاملو ياجماعه)



لما تلاقي كل البنات الي ف الفرح بيجروا ورا العروسه عشان طبعا ياخدوا البوكيه لما تحدفه
و العروسه بقى بتزلهم
(اه طبعا بيضربو عصفورين بحجر اهو فال ابيض بالجواز ومنها كمان البوكيه ده يجي ب150جنيه واسمها هتمشي ببوكيه )



لما تلاقى ام العروسه بتقول للعريس
خد بالك منها يا حبيبي
والعريس يقولها
دى فى عينى يا طنط
(اكيد طبعا مابكرا هتطلع عينك)


لما تلاقي العربيه بتاعه العروسه فيها جميع انواع والوان الورد الجميله



لما تلاقى الزفه انطلقت فى الشوارع مسببه الازعاج لخلق الله
وبيب بيب بيب بيب بيب بيب بيب بيب بيب بيب
---------------
لما تلاقى كل ده يبقى انتا اكيد فى مصر

[mr.lonly]

لا فرح مصري اصلي اصلي يعني

موضوع دمه خفيف موت يا جوليت

[MUHAMED SAMY]

انا حسيت انى فى فرح بجد........جامد جدااا...عقبال فرحى

[جوليت الحب]

شكرا كتيييييييييييييير يا mr lonly على ردك الى اسعدنى بجد شكرا ليك ويا رب يكون التوبيك عجبك ويكون دمه خفيف على اى عضو يقراه

[جوليت الحب]

انا حسيت انى فى فرح بجد........جامد جدااا...عقبال فرحى

ان شاء الله عقبال فرحك ويكون احسن من كدا وكويس اوى انى قدرت اوصل الى بقوله دا هههههههههههه مش بذمتك صح الكلام دا

[S2AH]

هههههههههههههههههههه

جامد يا جوليت الفرح دة والله

هى دى مصر بقى

بس ميبقاش فرح لو مكنش كدة

[جوليت الحب]

ههههههههههههههههههههه صح مش كدا شكرا على مرورك الجامد دا والله

[Night Moon]

[align=center]ههههههههه ثانكس جولي علي التوبك [/align]

[جوليت الحب]

[align=center]ههههههههه ثانكس جولي علي التوبك [/align]

شكرا لردك ونورتى التوبيك

[samomran]

هههههههههههههههههههههههههههههههههههههههه
جامد اوىىىىىىىىىىى الموضوع ده


فعلا بيحصل كده و اكتر من كده

الله ينور عليكى يا نونه شغل جااااااااااااااااامد