طعميه سخنه •●• من أفكارى المتكرمشه مش المتقرمشه •●•

[Wild_Angel]

بسم الله الرحمن الرحيم
السلام عليكم ورحمة الله وبركاته



من وسط افكار مش مترتبه
وحاجات متنعكشه جوايا



لقيت ادامى اسم
طعميه سخنه
على النت
وفكرت اكتب بيه هنا
لالا متفكروش يعنى انى اكتب بيها وزيت وكلام من ده
والموضوع مش انى اقولكم طريقتها

انا قصدى نتكلم عنها وعن اننا نشبهها
:rolleyes: يا نهارى شبهها

• ليه ساعات بنبتدى نعمل حاجه واحنا متحمسين وبعدها بشويه بنزهق ؟

زى الطعميه يكون نفسك فيها وهى سخنه بس اما تاكلها كتير تزهق
او لو اكلتها بارده متحبهاش


طيب ليه بناكل الطعميه وهى مليانه زيت
وبنجيبها من عند الراجل
مع ان الزيت ده ممكن
يسبب متاعب لينا احنا فى غنى عنها

• زى حاجات كتير ممكن نعملها فى حياتنا ممكن تكون غلط بس احنا بنحبها او متعودين نعملها

زى البنات
اللى تكون نازله الكليه وبتحط مكياج
وهى حاسه انه غلط وتقول لا انا شكلى
مش حيبقى حلو
اصلى اتعودت عليه
وكمان اصحابى مش حيشوفونى حلوه الا بيه


وزى الشاب اللى بيشرب سجاير
من جواه عارف انها غلط
بس هو (مش حقول ميقدرش يستغنى عنها ) لا هو بس بيطلع زهقه فيها


وزى وزى ... والامثله كتير


بس سيبكم من كل ده

احلى حاجه
انك تعمل العجينه فى بيتك وتقلى الطعميه وتاكلها
بس برضه حتلاقى ان الزيت
غلط على صحتك D:

بس خد بالك انت
حاولت تخفف اضرارها

ملحوظه:

انا اسكندرانيه
بس مش بعرف اقول عليها غير طعميه من وانا صغيره

صوره قديمه للطعميه فى بالى :)
مره شوفت مطعم كان مكتوب عليه كده فول و طع100

بقلم Wild_Angel
قصدى بال :)Key Board