قاموس اللهجة الاسكندرانية

[حسام المصرى]

خد عندك من لهجات الاسكندرانيه

في اسكندريه بنقول :

النابوليا.........علي الموبليات

مولة السرير....علب عوارض السرير

الكراكون.....علي قسم البوليس

هريسه........علي البسبوسه

باسطه.........علي الجاتوه

طجين..........علي الطاجن (بتاع الاكل في الفرن)

مندر الكنبه,,,,,,,,,,,علي مرتبة الكنبه

شوار العروسه........علي جهاز العروسه

كرنبيت.............علي القرنبيط

تربيعه...........علي المنديل الذي يربط به رأس النساء في البيت

فلافل............علي الطعميه

شربات ( بفتح الشين وتدليع التاء الأخيره) ........علي الشربات ( بسكون التاء وتضخيمالتاء الاخيره حتي انهم ينطقونها في القاهره شرباط) طبعا علي العصائر

مستيكه..........علي اللبان (العلكه)

جومه..........علي الاستيكه (الممحاه)

الشتا ,,,,,,,...علي الامطار

مشروع,,,,,,,,,علي الميكروباص( وعلي فكرة ده حل اسكندراني أنشأ في السبعنيات من القرن الماضي علي اعتبار انه فكره لحل مشكلة المواصلات المزمن
أما اللهجة الاسكندراني فمفيش منها حاجة خفيفة ع الودن والقلب زي نسيم العصاري بالظبط وايه يعني لما نقول شي مش أحسن من شااااااااي بتاعة القهوجية
احنا متعودين نقول الكلام بصيغة الجمع
مثلاً
نعملو - ناكلو - نشربو - نلبسو
وكماااااان
نفتح الكلام
مثلاً
رَكبت - نَزلت - شَربت
ذى مثلاً القاهريين بيقولو على الطماطم قوطة
واحنا بنقول جبنة تركى - وبيقولوا جبنة رومى ))
وكمان بيقولو,, نئيد النور - احنا بنقول نولع النور
وكمان بيقولوا اليمة التانية ( بالنسبة لتعدية الشوارع ) اما احنا , الجهة التانية
طبعا والكلمة الشهيرة للاسكندرانية (( ايووووووووووووووووو

استخدام صيغة الجمع بدلا من صيغة المفرد المستخدمة عند اهل القاهرة كما هو واضح في المثال السابق وايضاً هناك فروق في نطق اسماء بعض النباتات مثل في الاسكندرية يقولون ( طماطم ) واهل القاهرة يقولون ( قوطة) وهناك ايضاً البازنجان اهل القاهرة يقولون ( بتنجان ) اهل الاسكندرية يقولو ( بدنجان ). ولكن الآن مع كل هذا الأنفتاح أصبح أهل الأسكندرية خاصة المتعلمين يستخدمون اللهجة التلفزيونية المصرية القاهرية العادية
أشهر كلمات اللهجة الاسكندرانية
( كولة) ويقصد بها ياقة القميص
(منفيستو) و يقصد بها الكتيبات الصغيرة جدا التى يستخدمها التلاميذ من أجل الغش في الامتحان

(جومة) والمقصود بها الاستيكة
(مستيكه) والمقصود بها اللبان او العلك
(كيس) والمقصود بها الشنطه التى تحمل بها الاطعمة او المشتريات
(أيُو) والتى تستخدم للتعجب والدهشة وأصلها غير معروف حتى الآن
(جنى) بمعنى جنيه
(فلافل) وهي أكلة شعبية معروفة باسم (الطعمية)
(بنحبوه) بنحبه
(نحطوه) نضعه في مكان
(طيارى ) بسرعة
( نولع النور) انارة النور
( نعملو) سنعمل
(ناكلو) سنائكل
(نشربو) سنشرب
( حنروح ) سنذهب
( مشروع) نوع من انواع وسائل المواصلات ويسمى ايضا ميكروباص
( شط) شاطىء
( انى) انا
( ع البحر) المقصود بها على الكورنيش
( والمرسى أبو العباس) قسم يستخدمه اهل الاسكندرية,ويعود اصله إلى الامام المرسى أبو العباس والموجد له ضريح ومسجد

تأثرت اللهجة الاسكندرانية بوجود الاجانب في مصر لان معظم الاجانب وخاصة اليونانيين كانوا يفضلون البقاء بالاسكندرية لقرب مناخها من مناخ أوروبا

[alex]

بجد القاموس جميل لكن ...
اسأل مجرب الناس كلها بتحب لغة اسكندرية

ويـــــــــــــــــــــــــــــ اسكندرية يا أجدع ناس ـــــــــــــــــــــــــــــــا

[Wild_Angel]

بس على فكره معظم الكلمات دى أندثرت
حتى اللهجه الاسكندراني
وده راجع ان محافظة اسكندريه بقت كبيره جدا
وانضم ليها ناس كتير غير ساكنيها

بس لازالت هناك كلمات تستخدم زى جومه وشي وجني
وكمان احنا لسه بنتكلم بصيغة الجمع احيانا :)

[حسام المصرى]

انا واحد من الناس مش بقول جنى وشى

بس دايما بتكلم بصيغة الجمع
ومش بقول ايووووووو
انا بقول يىىىىىىىىىىىىى

يسلموا على مروركم

[محمد احمد89]

ايووووووووووووووووووووووووووووووووو
موضوع ظريف وجامد
جازاك الله خيرا

[sameh]

طبعا الاسكندرانية معروفين با النزاهة
بس يا ريت للمغتربين امثالى قاموس ايضا لاشارات المشاريع
مثل 21.الورديان .العصافرة وخلافة
مستنى على نار

[اسامه البنا]

الله ينور يا حسام

فعلا كلامواقعي

[sweet girl]

بجد توبيك رووووعه روووووعه روووووعه
وعجبنى جداااااااااااااااااااااااا
لانى بحب الاسكندريه واهلها ولهجتهم
فعلا انا مبسووووووووطه اوى بالتوبيك ده
متتخيلش اد ايه
ومبسوطه انى عرفت كلمات مكنتش عارفاها
بصراحه انا مستغرباها لكنها لذيذه اوى
وهستخدمها بعد كده:D:D

[حسام المصرى]

بجد توبيك رووووعه روووووعه روووووعه
وعجبنى جداااااااااااااااااااااااا
لانى بحب الاسكندريه واهلها ولهجتهم
فعلا انا مبسووووووووطه اوى بالتوبيك ده
متتخيلش اد ايه
ومبسوطه انى عرفت كلمات مكنتش عارفاها
بصراحه انا مستغرباها لكنها لذيذه اوى
وهستخدمها بعد كده:D:D

يا خبر ابيض توبيكى عمل كل ده خلاص ده انا كل يوم هعملك توبيك عم لغة اهل اسكندرية
المهم ننول الرضاا ههههههههههه
يسلموا على مرورك يا جميل

[alaa eid]

هههههههههههههههههههههههههههه
بصراحة معظم الكلمات جديدة عليا وغريبة شوي
بس بتمشي برده
الله ينور عليك نبقي ننزل بقي لهجة العريش
ههههههههههههههههههههه
ميرسي ليك خااااااالص