لو صادفك انسان اعمى وقالك اوصفلى الدنيا اية حيكون ردك؟؟؟

[الورده البيضاء]

تصدقى يا أمل
الموضوع بجد عنوانه لوحده فايده كبيييره اوى كفايه ان الواحد فعلا يسأل نفسه السؤال ده
انا لما قريت معظم الردود كل رد بجد استفدت منه اوى

تعرفى مره قابلت واحده منهم وقالتلى انها بتحفّظ الناس قرءان
تعرفى بتعرف السكه أزاى؟؟!!
بالريحه والاحساس والصوت سبحان الله
كانت راكبه معايا بتقولى احنا هنا فى المكس انا حاسه بكده ريحة المكان واحساسى بالطريق
بجد كانتت لذيذه اوى ماشاء الله عليها
قالتلى انا استخدمت موبايلات على فكره بس احلى موبايل عجبنى اللى كان فيه ساعه ناطقه
الست دى اتعاملت فى الدنيا احسن من اى حد بيشوف عاارفه ليه

لانها دورت جواها على الحاجات اللى تقدر تعملها وتخليها عايشه
دورت على الحاجات اللى تخليها تتفاائل وتضحك
حاولت تحس بكل اللى حواليها حتى الجماد وحتى الاماكن

ده درس اتعلمته من حد كفيف.... يمكن مقدرتش اوصفلها الدنيا لانها مسألتش
بس حاسه انها لخصت الدنيا فى الوقت القصير اوى اللى اتكلمت معايا فيه من خلال بشاشتها وابتسامتها الجميله
انا عارفه انها ممكن متقراش الكلام ده بس بجد بدعيلها ربنا يباركلها :)

اللهم امين يارب
ربنا يباركلها ويباركلك انتى كمان يااسراء لانك تستاهلى كل خير
وانتى بمشاركتك دى علمتينا درس جميل اوى
ان مهما الدنيا تبقى صعبة وقاسية علينا لازم ندور جوانا على شىء يساعدنا على الحياة فيها وعلى مواكبتها
جزاكى الله كل خير