والله العظيم لتضحك عافيه زوق براحتك بس هتضحك.......

**medhat abotaleb** · 12-16-2009, 03:05 PM

بيحب في حبيبته

وقال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محسن

واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شويه

مرة واحد خد مراته جنينه الحيوانات و صورها جنب قفص القرود وعلق الصورة فى الصالون وكتب تحت الصورة: هذه صورة زوجتى مع القرود (ملحوظة: زوجتى الثالثه على اليمين)

عملوا مسابقه لتعجيز الكمبيوتر عن اي سؤال
كل ما حد يسأل سؤال عن اي حاجه .. يجاوب عليه الكمبيوتر بالتفصيل في اقل من دقيقه
جه واحد حط ورقه فيها السؤال بتاعه ...... الكمبيوتر اتحرق وطلع دخان وهباب
الناس قالتله : سؤالك كان ايه ؟؟
قاللهم : قلت له ابو قردان قبل ما يخلف قردان كان اسمه ايه؟؟؟

مسطول خبط واحد بالعربيه ... وفي التحقيق دار الحوار ده
الضابط : خبطته بالعربيه ازاي ؟؟
المسطول : يا بيه انا اديتله كلاكس ... وجبتله نور .. وادتله فلاشر .. وهو اللي ما رضيش يبعد
: عن طريقي .. اعمل له ايه اكتر من كده ؟؟؟ ................ الضابط قال للمصاب
بيقول انه ادالك كلاكس وفلاشر وانت مارضيتش تبعد عن طريقه..... ليه ؟؟
المصاب : يا بيه انا قاعد في البقاله بتاعتي ... ابعد اروح فين؟!؟!؟!؟!؟

اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟

اتنين مساطيل طلبت معاهم ان اول واحد هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها

مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى الميه والمجنونة انقذته (جه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.

محشش سال صاحبه المحشش : إيه اخبار أبوك ؟؟ بعدين إفتكر ان أبوه ميت فكمل بسرعة: لسا في نفس الطربة ؟

محشش بيتصل بالمطافى: إيه يا جماعة؟ إذا ماكانش فى حريقة ماحدش يشوفكوا

عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.

مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتنضرب

مرة واحد بتاع سمك ابنه مات فماشى فى الجنازة يقول :كان صاحى وبيلعب

واحد سكران بيسأل محشش أسماء إخوانك ايه؟ .... رد عليه: كلهم محمد إلا علاء اسمه محمود..

إتنين طرش واقفين على محطة الأوتوبيس فدار بينهم هذا الحوار

-الأوتوبيس ده رايح مصر الجديدة ؟؟

-إيه ؟ على الحديدة ؟؟ ليه إنت طالب إحسان ؟؟

-بذرة الكتان ؟تلاقيها عند العطار

-الجزار ! إنت عاوز لحمة ؟؟

-زحمة ؟! معلش أصل ده معاد خروج الموظفين

-نور الدين ؟! معرفوش

-متشربوش ؟؟ ليه كفا الله الشر

-راس البر ! دا مصيف هادى

-المعادى ؟؟ دى ضاحية جميلة

-بليلة !!! إنت جعان

-عيان ؟؟ متروح للدكتور

-حنطور ؟! دى مواصلة جميلة توصلك لحاد الباب

-هباب !@ و أنا إلى كنت فاكرك محترم

-إتخرم ؟؟ هو مين ؟؟

-أسبرين ؟؟ ليه إنت عنك صداع ؟؟

-قراع ؟ دا مرض خطير

-فطير ؟؟ده تقيل على المعدة و تمنه غالى

-خالى ؟؟ إنت تعرفه ؟؟ دا كبير فى السن

-جن ؟!#إنت راكبك عفريت !!!!

-كبريت ؟ عاوز تولع ؟؟

-أتدلع ؟؟؟؟!ليه مفيش حد غيرك أتدلع عليه

فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس

فقالهم : يانهاركم إسود . جواسيس ؟؟ طب تعالوا معايا على القسم