نمى قدراتك ....وجدد فكرك واتعلم

**eslam mamdouh** · 10-22-2008, 03:34 AM

بسم الله الرحمن الرحيم

نمى قدراتك ....وجدد فكرك واتعلم

زملائى الافاضل العنوان اللى حضراتكم شوفتوه هو عنوانا وشعارنا الجديد فى اللجنه الثقافيه والعلميه , احنا جينا وحددنا هدفنا من الاول

قلنا اكيد لازم نغير الوضع الحالى للجمعيه الجغرافيه, عشان كده كان اسمنا مجموعه عوده الامجاد. وكان هدفنا التغير فى اللجنه الثقافيه والعلميه اللى غاب دورها ومشاركتها فى اغلب الوقت عن قسم الجغرافيه.

عشان كده احنا تجمعنا , ووضعنا منظومه قويه من العمل الشاق المستمر الجيد والمجدى المرتب والمهيكل والمنتظم بهدف النهوض بكافه لجان الجمعيه الجغرافيه. وجعل للجمعيه نشاط محسوس وملموس هادف يخدم جميع طلاب قسم الجغرافيه فى مختلف النواحى.

اهداف وتجديدات اللجنه الثقافيه والعلميه:

بعد اتحاد مجهودات اللجنه الثقافيه والعلميه فى لجنه واحده , بهدف توسيع دائره العمل العلمى والثقافى المشترك تم وضع اسس وخطوات واهداف للعمل فى اللجنه الموحده

طب ايه الخدمات اللى احنا بنقدمها بالضبط فى اللجنه العلميه والثقافيه

1- عمل مجلات ثقافيه وعلميه متجدده باحدث المواضيع التى تنمى الفكر وتحتوى العديد من المعلومات المفيده.

2- عمل المسابقات العلميه والثقافيه ذات الجوائز القيمه , وستكون المسابقات على فترات محدده ومتجدده ومفيده علميا.

3- لو حضراتكم احتاجتم لعمل اى بحث علمى فى اى مجال من المجالات فاللجنه مستعده لتقديم الفكر والمشوره والتنسيق وامداد حضراتكم بكافه المراجع والمواد الازمه لاتمام البحث العلمى على اتم وجه فى كافه المستويات , وذلك من خلال المكتبه الرقميه الخاصه باللجنه فى الجمعيه الجغرافيه.
4- عمل الحوارات العلميه الهادفه والحوارات الشخصيه مع كبار اساتذه قسم الجغرافيه وذلك مع التنسيق مع رابطه خريجى شعبه الخرائط والمساحه فى الجامعات المصريه

5- التنسيق مع اللجان المختلفه بهدف تقديم العمل الجماعى المشترك والنهوض بالفكر العملى للجمعيه الجغرافيه وتقديم الرحلات العلميه والافكار المتجدده على نطاق واسع.
6- عمل حفلات التكريم العلميه للطلبه المتفوقين واصحاب الافكار العلميه من الطلاب , وتكريم طلاب السيمينارات المختلفه.
7- عمل المسابقات الكبرى لافضل ابحاث علميه تحت رعايه كبار اساتذه قسم الجغرافيه وكليه اداب حتى تكون تلك المسابقات على قدر كبير من الاهميه والمصداقيه.

وفى النهايه اتمنى اولا كطالب فى قسم الجغرافيه و عضو من اعضاء الجمعيه االجغرافيه , ان تكون كافه نشاطات الجمعيه على قدر كبير من الاهميه والافاده . لان بجد الجمعيه الجغرافيه ليها دور كبير فى كافه المجالات فى قسم الجغرافيه. ولكن يجب علينا ان نتعاون مع بعضنا البعض لاظهار الصوره المشرقه التى يجب ان يظهر بها العمل الجاد المثمر لجميع طلاب قسم الجغرافيه.

ولو عند حضراتكم اى افكار جديده تساعد على النهوض باى مجال فى الجمعيه الجغرافيه , فاحنا بجد محتاجين اللى ان الكل يشارك مشاركه فعليه مش اسميه عشام بجد نقدر نعمل حاجه

عشان عوده امجاد الجمعيه الجغرافيه

شكرا جزيلا لكم

**samomran** · 10-22-2008, 02:44 PM

اسلام انا كنت عايز ابقى معاك فى اللجنه العلميه بعد اذنك طبعا يا صديقى

**AYMAN GAMAL** · 10-22-2008, 02:45 PM

ربنا يوفقك يا اسلام بجد

**eslam mamdouh** · 10-22-2008, 03:38 PM

يا سولوم انت تشرفنى طبعا .

وانا عارف طبعا انك ليك نشاطات كتير جدا ومتميزه وهتكون فايده كبيره انضمامك لينا

اهلا بيك يا سولوم اخويا وصديقى

والف سلامه عليك يا سولوم

اون شاء الله مش هيكون فى عمليه او حاجه

**eslam mamdouh** · 10-22-2008, 03:39 PM

شكرا ليك جدا جدا يا ايمن وربنا يوفقك ويخليك

**samomran** · 10-22-2008, 05:03 PM

و الله يا سولم انا بعمل اللى على فى العلاج الطبيعى و الدواء و ربنا يستر
و منتظ المطلوب منى عشان ابقى معاك فى اللجنه ان شاء الله

**eslam mamdouh** · 10-22-2008, 05:43 PM

ياريت اشوفك بكره عشان تنفق على العمل فى اللجنه العلميه والثقفافيه

وان شاء الله من بكره يبدأ شغلنا الجاد على اتم وجه ان شاء الله وعلى اساسا الخطط الزمنيه التى تم وضعها

**samomran** · 10-22-2008, 05:46 PM

معلش يا سولم بس انا ممنوع من النزول من البيت لمده معينه عشان مرضى لانه شد على جدااا و مش قادر امشى و الله لكن انا اوعدك انى اكون معاك من يوم السبت ان شاء الله بس و الله ما يمنعنى من العمل فى الجمعيه غير الشديد القوى بس حطنى فى الصوره بكره و على تليفونات ان شاء الله و من يوم السبت حكون معاكم