احب اقول .. يلا بينا نهاجر ..ايوه مش بهزر.. عام هجري جديد 1431 هـ

**Wild_Angel** · 12-17-2009, 10:57 PM

بسم الله الرحمن الرحيم

اولا كل عام واحنا جميعاً بخير
حتكلم معاكم عن حاجه بمناسبة الهجره ..
احنا مش حنتكلم عن الهجره او قصتها

احنا حنتكلم عن الهجره بشكل تانى حاجه كده نقدر ننفذها فى عام 2010 ميلاديا و 1431 هـ

الموضوع عن الهجره فى حياتك يمكن فى ناس تناولته من النقطه دى
بس حنحاول هنا نقدم حاجه جديده

اولا عارفين احنا فى عام كام هجرياً ؟؟؟

طيب للى مش عارف احنا بقينا فى عام 1431 هـ

جربتوا قبل كده فى الكام سنه اللى مرت علينا تهاجروا لربنا ؟؟

كلنا عارفين اد ايه رسولنا الكريم تعب اوى فى حياته
وتعب فى هجرته
وازاى قدر يوصلنا رسالة الاسلام

هل حد فينا كان نيته انه
يوصل رسالة الاسلام بشكل صحيح لكل اللى حواليه حتى من المسلمين

حتقولى ازاى ؟؟!

حقولك بأفعالك .. بأعمالك .. بكلامك ..
بأخلاقك
جربت تسيب حاجه فى الدنيا .. ذنب يعنى .. عشان خاطر ربنا ؟؟

طب ما تيجي
نبدأ نهاجر
نهاجر ونهجر اى ذنب كنا بنعمله فى السنين اللى فاتت

(
يَا أَيُّهَا الَّذِينَ آمَنُواْ مَا لَكُمْ إِذَا قِيلَ لَكُمُ انفِرُواْ فِي سَبِيلِ اللّهِ اثَّاقَلْتُمْ إِلَى الأَرْضِ أَرَضِيتُم بِالْحَيَاةِ الدُّنْيَا مِنَ الآخِرَةِ فَمَا مَتَاعُ الْحَيَاةِ الدُّنْيَا فِي الآخِرَةِ إِلاَّ قَلِيلٌ{38} إِلاَّ تَنفِرُواْ يُعَذِّبْكُمْ عَذَاباً أَلِيماً وَيَسْتَبْدِلْ قَوْماً غَيْرَكُمْ وَلاَ تَضُرُّوهُ شَيْئاً وَاللّهُ عَلَى كُلِّ شَيْءٍ قَدِيرٌ{39}

عايزين نبدأ مع ربنا مادام لسه فينا روح
عشان رسولنا الكريم محمد يفتخر بينا صلى الله عليه وسلم يوم القيامه

وقد عرفنا النبي صلى الله عليه وسلم بالمهاجر الحقيقي حيث قال
( المسلم من سلم المسلمون من لسانه ويده ، والمهاجر من هجر ما نهى الله عنه )
الراوي: عبدالله بن عمرو بن العاص المحدث: البخاري - المصدر: صحيح البخاري - الصفحة أو الرقم: 6484
خلاصة الدرجة: [صحيح]

ها يا جماعه حنبدأ ؟؟
ياريت نبدأ ب نيه جديده مع الله

يااااااااااارب يهديني ويهديكم ويهدي المسلمين جميعاً

وكل عام وانتم بخير

الموضوع فكرته مأخوذه عن موضوع تانى
ولكنى غيرت فى الفكره
ربنا يتقبلها منى
واتمنى انها تأثر بالخير فى قلوبنا جميعاً