برنامج لحساب المد والجزر

**مروة هيما** · 01-13-2010, 10:15 AM

موضوع ممتاز وياريت لو في تفاصيل اكتر عن المساحه البحريه يتم اضافتها

**Mohamed Gaber Aly** · 01-13-2010, 01:06 PM

مرحبا بكل المشاركين فى الموضوع وشرفنى مشاركتكم

الزميل حسام مازن
هذه صوره لاحد اقدم اجهزه قياس المد والجزر الميكانيكيه والتى استخدمت عام 1897 فى الولايات المتحده

arrwga2.jpg

وهذه صوره لجهاز حديث لقياس المد والجزر

tide_gauge_home.jpg

الزميله مروه هيما

هناك مواضيع كثيره موجوده بالفعل فى المنتدى عن المساحه البحريه. لو فى اى استفسار عن شئ معين ياريت تذكريه وان شاء الله احاول الاجابه عليه

وجزاكم الله خيرا

**hemdan00** · 01-13-2010, 05:32 PM

والله يا باش مهندس انتا فعلا مواضيعك كلها مميزة ومفيده ومواضيع شغل مش مجرد دراسه تسلم يارب علي كل الحاجات الحلوة دي بس ارجوك لو ترفق لينا ملف شرح للبرنامج دا عشان نبدا نتعلموا ونشتغلوا عليه ولا لازم البرنامج يكون متوصل بجهاز معين ويكون شغله عملي ومنتظرين المزيد

What do you do when the only person who can make you stop crying is the person who made you cry

**Mohamed Hashem** · 02-06-2010, 11:35 PM

المشاركة الأصلية كتبت بواسطة hemdan00

والله يا باش مهندس انتا فعلا مواضيعك كلها مميزة ومفيده ومواضيع شغل مش مجرد دراسه

هو أنا متفق تماما معك أخ حمدان على شكر المهندس محمد جابر على جهوده معانا .. دا شئ أكيد
بس مختلف معاك فى ان المواضيع اللى بتركز على الشغل مش مجرد دراسة هى الاهم
مفيش أى خبرات يمكن اكتسابها من الممارسه الفعليه بدون أساس دراسى
وإلا حيصبح الأمر مجرد شغل والسلام .. ما هو ده مشكلتنا فى عمل الافراد بالمساحة وهم لا ينتمون للمساحة دراسيا
عزيزى .. عادة .. أى شخص مبتدئ بمجرد ما ينخرط فى شركة ويبدأ الاقدم منه فى تعليمه اصول العمل .. يتم تلقينه عادة - بطريقة التلقين - دى بتتعمل كده .. وهنا بنكتب كذا .. وهكذا .. ويجد نفسه بيشتغل تمام فى اول اسبوعين مثلا زى الفل وهو فى الحقيقة مش عارف كل ده جه منين .. وتبدأ الصورة تتضح معاه بعد 3 او 4 سنوات
أما إذا بدأ الأمر بالدراسة والأساس العلمى للمواضيع .. ستجد نفسك على قدرة لفهم وتفسير الغرض من برامج وخلافه
تقبل مرورى

**Mohamed Gaber Aly** · 02-08-2010, 09:37 PM

شكرا للزميل محمد هاشم على الرد المستفيض على سؤال الزميله مروه هيما.
وانا اتفق معك اخى محمد فى ردك على الزميل حمدان فكثيرا ما رأينا من يعملون فى مجال المساحه بالخبره دون دراسه واول ماتقابلهم مشكله ولو صغيره لايستطيعون حلها.
وايضا هناك الكثير ممن درسوا مساحه ويعملون بها منذ اكثر من 10 او 20 سنه ولكن على راى سعد زغلول مافيش فايده.
يعنى فى كده وفى كده
وجزاكم الله خيرا

**Mohamed Hashem** · 02-08-2010, 10:38 PM

المشاركة الأصلية كتبت بواسطة Mohamed Gaber Aly

شكرا للزميل محمد هاشم على الرد المستفيض على سؤال الزميله مروه هيما.
وانا اتفق معك اخى محمد فى ردك على الزميل حمدان فكثيرا ما رأينا من يعملون فى مجال المساحه بالخبره دون دراسه واول ماتقابلهم مشكله ولو صغيره لايستطيعون حلها.
وايضا هناك الكثير ممن درسوا مساحه ويعملون بها منذ اكثر من 10 او 20 سنه ولكن على راى سعد زغلول مافيش فايده.
يعنى فى كده وفى كده
وجزاكم الله خيرا

ثانكس يا محمد .. كلك ذوق

**Mohamed Gaber Aly** · 02-08-2010, 11:06 PM

المشاركة الأصلية كتبت بواسطة Mohamed Hashem

ثانكس يا محمد .. كلك ذوق

لا ثانكس على واجب يامحمد. ده انت اللى كلك زوق والله.

انا نفسى ان الناس خريجى شعبه المساحه والخرائط باختلاف اعمارهم ومكانتهم فى العمل يبقوا على مستوى جيد من الاداء وبالعربى كده يشرفونا لان الواحد بيزعل لما بيلاقى واحد خبره كبيره ومش بيطور نفسه ولا معلوماته.

وبعدين الناس تقول ادى خريجى شعبه المساحه والخرائط وادى مستواهم.

وعلى النقيض فى ناس مشرفانا فى اماكنها وواخده مراكز كويسه ورافعين راس الخريجيين وعلى سبيل المثال زميلنا محمد هاشم مشرف منتدى المساحه البحريه. ربنا يكرمه ويزيده علم ويعلى من قدره. ادعى معايا بقى.

وجزاك الله خيرا