قالو عن الحب .. انت بقى تقول ايه عن الحب؟؟؟

[ميرا مار]

احب اقول ان الحب بيمثلي اجمل لحظة ممكن اعيشها في حياتي واحسها لان الحب عمروا مكان من طرف واحد بل ده احساس مشترك مبين 2 بيحبوا بعض يااااااااااااااااه اللحظة دي بالنسبة ليا = عمري كله

عندك حق انت شكلك كدة بتحب بجد
كشفت نفسك
احكى لنا عنها بقى .. وانا مش هاقول لحد .. سرك فى بييييييييير ..........:cool:مخروم ..

[tiger]

الموضوع جامد وفعلا هى من أجمل لحظات العمر ورأى المتواضع على الباش مهندسه مها تفرق فى العمر ان فى حب المراهقة الآنسان بديلو اقوى المشاعر الى عندو ومش ممكن يتعوض والى مش بيمر بالتجربة دى فى الفترة العمرية دى اول حب أقوى حب ومش ممكن ينساه حد أبدا بس ممكن الى ربنا موفقهوش فى الحب الآول اكيد حيلاقى أنسان كويس لآن الناس الكويسين كتير
ملحوظه أسف على الكلام الكتير بس عمر ما الحب التانى يكسب الأولانى الا فى حالات خاصه والله يكون فى عون الى بيحبو

[ميرا مار]

الموضوع جامد وفعلا هى من أجمل لحظات العمر ورأى المتواضع على الباش مهندسه مها تفرق فى العمر ان فى حب المراهقة الآنسان بديلو اقوى المشاعر الى عندو ومش ممكن يتعوض والى مش بيمر بالتجربة دى فى الفترة العمرية دى اول حب أقوى حب ومش ممكن ينساه حد أبدا بس ممكن الى ربنا موفقهوش فى الحب الآول اكيد حيلاقى أنسان كويس لآن الناس الكويسين كتير
ملحوظه أسف على الكلام الكتير بس عمر ما الحب التانى يكسب الأولانى الا فى حالات خاصه والله يكون فى عون الى بيحبو

بس عارف
ممكن تعيش عمرك كلة وانت فاكر انك حبيت لغاية ماتقابل حب حقيقى
على راى كاظم .. كنت امثل دور العاشق

[Hassan Mohamed]

كلام متوازن اشرف

[AYMAN GAMAL]

الحب بالنسبالي احلى حاجة في الحياة اللي بنعشها ,الحب مابيفرقش مابين غني و فقير, ولا قوي ولا ضعيف . الحب بيخلق انسان تاني خالص بيتولد مع اول نظرة من عنين حبيبتك ,مع كل همسة تقولهالك ,مع كل ضحكة بتضحكها و مع كل دمعة على خدها عشانك. انا يمكن مكنش لقيت حبيبتي بس انا مؤمن اني فيوم هتيجي ايدي في اديها وساعتها بقى لو قالولي اية تسوى كلمة حب منها ليك عارف هقولك اية؟ دقة قلبي و حياتي

[ميرا مار]

الله يا باشمهندس ايمن
والله انت جيبت من الاخر
(الحب بيخلق انسان تاني خالص بيتولد مع اول نظرة من عنين حبيبتك)

فعلا و ..
والله مانا لاقية احلى من الجملة دى هاكتفى بيها
الله ينور عليك ويارب تلاقى اللى تستاهل واحد يفكر بالطريقة دى

[AYMAN GAMAL]

الله يا باشمهندس ايمن
والله انت جيبت من الاخر
(الحب بيخلق انسان تاني خالص بيتولد مع اول نظرة من عنين حبيبتك)

شكرا اوي يا بشمهندسة موها دة بس من كرمك....

[shimo]

صعب اوى نتكلم عن الحب لانه فالمقام الول والاخير عبارة عن احساس معتقدش انه ينفع يتوصف بس فراى انا لما الحد اللى بتحبه يفهمك من نظرة عنيك بس انت عايز ايه اعتقد فعلا انه كدا بيحبك بجد

[ميرا مار]

ياشيمو

شكلك هتتعبى قوى
صعب حد يفهم حد من نظرة عينية
هى موجودة طبعا وانا شخصيا اعرف اتنين كدة
المهم .. بعد مايفهموا بعض
هيريحوا بعض؟؟؟؟ قصدى هيتفاهمو ؟؟؟ لان الفهم غير التفاهم ..

[tiger]

معلش يا باش مهندسه بس الزمن بتاع الحب الحقيقى راح وأسف ان اقولك ان صعب اوى تلاقى حد يقدر حب حقيقى لو لاقيتى حتلاقى القصه والحب مش كاملين ويبقى الأنسان او الأنسانه مظلومين لأنهم بيوجعوا قلب بعض وارجوكى متنسيش أن الحب ممكن يعمل المعجزات بس زمن المعجزات راح بسبب حاجات كتير وأولها بس ومش أخرها وكفايه اقول اوضاع البلدوخاصة الشباب وانتى عارفه ومفيش لللأسف حد يقدر يبتدى مشوار ويكملو لغاية الآخر بسلام قدرة الآحتمال زيرو لاتوجد أنا عارف انى كلامى بيوجع وتقيل بس للأسف ده واقعنا وحياتنا