قالو عن الحب .. انت بقى تقول ايه عن الحب؟؟؟

[ميرا مار]

معلش يا باش مهندسه بس الزمن بتاع الحب الحقيقى راح

صدقنى ماراحش ..
بس اللى ماتعرفوش اننا مش عارفين بكرة فيه ايه ممكن قوى تلاقى الحاجة بعد ماتياس
لكن الشاطر يتمسك بهو عايز ايه
وبعدين
شكلك كدة هتجيلنا بعد كام شهر وتقول انك لقيتها ;)

[THE PHAROUH]

من شاور عاقلاً أخذ نصف عقله
ليس عليك أن يقتنع الناس برأيك ولكن عليك أن تقول للناس ما تعتقد أنه حق
سقوط الإنسان ليس فشلاً ولكن الفشل أن يبقى حيث سقط
لا تلم نفسك على ما مضى فاللوم آفة كبير بل اتعظ من أخطائك وليكن لك هدفًا جديداً
الابتسامة أقل كلفة من الكهرباء وأكثر إشراقًا منها

وانا بقى عاوز ردك ياباش مهندسه مها هو الواحد ممكن يحب تاني زي اول مره خصوصا ان اول مره دي بيكون الواحد بيفرغ كل طاقاته واحاسيسه ومشاعره بتنفجر كلها وبيعيش اسعد لحظاته وايامه وفجأه ممكن ينقلب الوضع رأسا على عقب !

[Wild_Angel]

السلام عليكم ورحمة الله وبركاته

دى اول مشاركه ليا فى المنتدى
فى جمله قراتها من الاستاذ انيس منصور وعجبتنى جدا
وهى عباره عن تعريف للحب:
الحب :يولد فى الشمس ..ينمو فى القمر..يعيش على الارض..يمرض بالقلب..ويموت بالعقل!

يمكن مكنش موافقه اوى على الجمله بس بالفعل ناس كتير اما بيفكروا بعقلهم بيلاقوا ان الحب ده عباره عن وهم ولكن يبقى الانسان لن يعيش ابدا الا بالحب سواء حب لحبيبته او لاصدقاءه او لاهله او للحياه نفسها

اهم شئ ان الحياه مينفعش تتعاش من غير حب وتفاؤل وعقل ...

[Hassan Mohamed]

نورتي منتدانا بس ياريت تعرفينا بنفسك اكتر في قسم الترحيب بالاعضاء الجدد

واهلا وسهلا بيكي

[shimo]

ليه هتعب ؟

[shimo]

ليه هتعب ؟
انا مؤمنه ان كل حد فالدنيا دى ليه نص تانى يفضل كل واحد منهم يدور على التانى لحد مايلاقو بعض هو صعب شويا بس انا مقتنعه انهم بيحنوا لبعض او بيفهموا بعض على الاقل ومن وجهة نظرى انا الدنيا اللى احنا فيها دى الواحدة مش عايزة غير واحد فعلا يقدرها ويكون فاهمها اوى وواثقه لو هى لقت الشخص دا مش هتستكتر عليه حاجه بجد بل بالعكس هيكون هو كل ما ليها وسندها فالدنيا دى

[tiger]

الكلام ده جامد يا شيمو وفعلا لكل واحد نص تانى وهنا دور القسمه والنصيب بس أسف أقولك التفاهم والتقدير فى زمن الواحد ممكن بأكل أخوه أتكالو هما كمان وأسف على تعبيرى وكفايه أقولك أن الناس حتفضل تقولك أنتى طيبه أوى وحساسه معلش معلش ده قدام

[Hassan Mohamed]

ايه يا جماعة بتقعدوا الدنيا ليه بس كده الحب موجود وربنا بس كل واحد ونصيبه الحب بيجي لوحده عمرنا مبنرحله ابدا

[shimo]

تصدق يا اشرف هما فعلا بيقولو كدا فعلا
انتى طيبه وحساسة زيادة عن اللزوم
سعات بحس من كلامهم ان الطيبه بقت حاجه غريبه فالزمن دا او بمعنى تانى انى برتكب جريمه لانى طيبه او مش منافقه او كدابه
بس الحمد لله انا على يقين وثقه ان الواحد طول ما نيته صافيه وقلبه ابيض اكيد هيلاقى حد يحبه بجد لان دا هيبقئ هبه وعطيه من ربنا
على فكرة يا حسن احنا مش بنعقد الامور بالعكس زمنا دا هو اللى مقلوب ومتعقد لوحدوا

[tiger]

معلش يا شيمو مش بيقولو ليكى كده لوحدك ومش أسم الطيبه والأحساس دلوقتى حاجه غريبه بقى أسمها حاجه تضايق وأنتى صح وأوعى تتغيرى بس قللى الأحساس للى يستهلو لأن فى ناس كتير مش مستاهلين الأحساس وفعلا البرود هو خير وسيله لمعالجة الأمور