قالو عن الحب .. انت بقى تقول ايه عن الحب؟؟؟

[ميرا مار]

فى راييى واللى انا حسيته وشوفته من كل التجارب اللى حواليا لو الحب حقيقى بجد
يبقى الحب زى نسمة جميلة فى صيف حر جدا وهو هو بطانية فى يوم شتا برد ولو فى الربيع هيبقى هو كل الربيع ريحة وردة جميلة بتفتح لونها وزقزقة عصفور طاير فرحان بيغنى وجو جميل تلبس فيه اللى انت عايزة وتقول وتخرج وتعيش حياتك فيه
اه بقى لو كان فى الخريف يبقى لازم يكون الحب علبة جميلة تلم اوراقنا اللى بتقع واحدة ورا التانية بدل ما الريح يرميها بعيد او حد يدوس عليها
يا ترى يا جماعة فهمتوا مغزى كلامى........؟؟؟؟؟؟
افهمكم يعنى لو حبينا فى عز شبابنا .. هو دا الربيع
اما لو حصلت مشاكل .... هو دا الصيف
ولو عانينا الوحدة وقلة فهم من الناس وماحدش واقف جنبك هو دا الشتا تلاقى حبك يدفيك ويديك الثقة فى نفسك
والخريف بقى .. هو دا خريف العمر لما تكبر وتلاقى حبيبك واقف جنبك بعد العمر الطويل ....