كلمني شكرا !

[حسام المصرى]

السـ..ـلام عليكم ورحمـ..ــة الله وبركــ...ـاته


انتشرت مؤخرا وبشكل مستفز.. ثقافة إعملي.. شكراً.. وهي مزيج من الكسل والاستنطاع ورمي الجتت.. بدأت بكلمني شكرا.. وكانت خاصية غريبة جدا عندما ظهرت.. مامعكش رصيد ومقشفر.. عادي جدا تبعت رسالة لأي حد وتطلب منه.. كلمني.. ومن باب الذوق بعدها... شكراً.. أقل واجب أمام برطشتك عليه وتدبيسه في مكالمة.. وظهرت بعدها سلفني شكرا ثم كانت حولي شكرا ....el إشحنلي شكرا برضه وأكيد قريباً..وإدفعلي شكرا (بيقولك دي موجودة فعلاً) .... وأي طلب طالما بعده شكرا يبقي مش مشكلة خالص.. وممكن تلاقي قريب إهرشلي شكرا.. وقد فوجئت علي الفيس بوك بمجموعة إدعيلي شكرا.. طب ما أدعي لنفسي يا عم وبعدين يعني الشعراوي إللي حيدعي يا خويا..!! وعلي هذا النسق سنجد ذات يوم.. صليلي شكرا.. وممكن بعدها حجلي شكرا.. وفي محفل انتخابي حتطلع صوتلي شكرا وزورلي شكرا.. أو مثلا إتنازلي شكرا.. وتحت ضغوط اقتصادية انتظروا اخطبلي شكرا وجوزني شكرا ولما حتحصل مشاكل... علي طول تلاقي طلقني شكرا أو إخلعني شكرا.. كله موجود يا سعادة الباشا.. المهم إنك تكون كيس فطن. ( بالفاء مش بالقاف ) وتتبع أي طلب بشكرا.. ولذلك....
إسمحلي أبدأ الكلام ده بالرسالة دي... إقراني شكرا..

العبقري المعلم رضا الشهير بالفنان محمد رضا.. هو صاحب براءة اختراع هذه اللغة.. فقد ظهر في فيلم 30 يوم في السجن.. في دور حرامي الغسيل.. وعرفنا أنه يحب أن يقص الكلا... الكلام يعني.. زي بالظبط ما بيقص حبال الغسي... الغسيل.. ونفي تماما أنه راجل عبي... عبيط يعني.. وأنا أري هذه اللغة علي قدر كبير من البلاغة والجماليات.. فأنت تعبر عن مرادك بكلام مقصو... مقصوص .. وقد تصبح هذه اللغة في دائرة الضوء في الفترة المقبلة.. حيث يكون الاقتصاد مطلوبا وعدم الإفراط والشح هو الأساس.. ومن باب الحر... الحرص وعدم الانسيا... الانسياق وراء الكلا... الكلامنجية.. وحتي لا يتدخل كل من هب ودب فيما لا يعنيه.. فتجد من يتكلم في الضرا.. الضرائب.. ومن يلسن علي التوري... التوريث.. أو من يتطاول علي الحكو... الحكومة..

وهكذا.. أتصور أن هذه اللغة ستكون أح.. أحسن من الموجودة حالياً.. وفي الأزمة الطائفية الأخ.. الأخيرة.. لازم كل واحد يتنا... يتنازل قليلاً حتي تهدأ الأم.. الأمور.. ولا داعي لأن يتسلل أي خو... خوف إلي أطيا... أطياف البشر في الصعيد.. لأن مص.. مصريتنا.. وط... وطنيتنا.. حماها الله الله الله.كلمني شكرا !

وبعد ما جبت هاني بتاع الدش.. وطلع ظبط الطبق فوق السطح.. ونزل ظبطلي قناة علي اليوتل سات عشان أتفرج علي الماتشات.. بعد كل الترتيبات والقلق والمصاريف دي.. انصاعت الجزيرة وفكت الحظر وأذاعت مباريات مصر علي القناة المفتوحة.. مش مشكلة وأكيد برضه حركة الطبق دي حتنفع.. ولكن مذيع الجزيرة تونسي واسمه هشام.. والمحلل تونسي برضه وهو طارق ذياب. (فاكرينه؟ كان بيلعب في الثمانينيات وكنا فاكرين اسمه دياب.. طلع ذياب) والله ما حتفرق.....!! وفي كل الحالات هو كان لاعب كويس ولكنه مايجيش نص فاروق جعفر ولا أبو تريكة مثلا.. ولم يحقق معجزات لبلده.. وما تفهمش ليه تحس بجو عدائي في الاستديو وتلاقيهم بيتكلموا بغلّ ظاهر علي مصر.. والأخ ذياب طلعها صريحة لما لبس جلابية المتحدث باسم الأمة العربية.. وقرر أن مصر مالهاش دعوة بالعرب.. وإن العرب مابيحبوش مصر.. كده مرة واحدة..!! وللأسف الشديد لم يستطع نادر السيد ولا زكريا ناصف الرد علي بسلامته.. وحتي لو كان هذا الشعور حقيقي وموجود فعلا.. خاصة في شمال أفريقيا.. فهو متبادل..ولكن أعتقد في الكورة بس.. ولا يجب التصريح به بهذا الشكل عديم الذوق واللياقة.. وطبقا لهذا.. فقد سألت نفسي وأنا حأريف نفسي وأعكر مزاجي ليه؟ بناقص القناة دي خالص وخليني مع أورتم (القناة اللي علي يوتل سات اسمها كده) وياجزيرة لا تفرجيني ولا عايز تحليل منك.. وبلاش أمجاد يا عرب أمجاد... خلينا مع ماشربتش من نيلها وجربت تغنيلها... إلخ. المهم رد على موضوعى وشكرا ؟ ..

[KAREEM]

أولا أحب أحييك على أول مقطوعة شكرا :d


أحب أعلق بس ياحسام على حتة الدعاء
انت ممكن تطلب من أى حد انه يدعيلك
لعل وعسى يطلع منهم الصالح اللى ربنا
يتقبل منه فمش شرط يعنى انت ممكن بس
تتحرى انك تسال اللى انت بتحتسبهم صالحين
او اقرب الناس ليك الدعاء كامك وابوك واصحابك وهكذا

بس عايز اروح لحاجة تانية وهى السفالة اللى بقينا
نشوفها بمنتهى السهولة على شاشات التليفزيون
فى اعلانات الافلام من أمثال ذلك وكأنه بقى شىء
عااااااادى خااااالص ولا رقابة لا غيره وتلاحظ ان كل مدى
كل ما بتزيد الاعلانات فى السفالة
انا مش عارف بصراحة ناقص ايه ؟؟؟؟؟؟؟!!!!!!!!

عارف دخلت فى حاجة تانية بس اسم الموضوع
هو اللى فكرنى بالفيلم الزبالة دا واعلاناته القذرة

بس مش عارف بصراحة حسيت انك دخلت فى
حاجة تانية فى الاخر بالنسبة لقناة الجزيرة ...
دا انت شكلك مغلووووووووول منها ههههههههه

مش عايز اطول اكتر من كدا
ودا تعليقى ....
وشكرا :1::1::1::1:

[حسام المصرى]

والله يا كريم انت بالضبط عملت اللى انا عايزه

اننا نعم نقاش على الميديا فى مصر عامه

سيبك من حد زى خالد يوسف وافلامه اللى كلها بذائة انا شخصيا مش بحبه والحمد لله متفرجتش على فيلم دكان شحاته او حين مسخره لحد الان ولا كلمنى شكرا اكيد

لكن مثلا حملة اعلانية زى بتاعت ميلودى ( وديع الاستاذ ) اعلان فيه ما يكفى من المسخره ان يقبض عليهم بوليس الاداب ورغم كده الاعلان بيتعرض عادى بصراحة انا مش عارف فين الرقابة على قمر زى النيل سات المفروض انه قمر عربى

بالنسبة للادعيلى شكرا انا بتريق على الوضع العام ان الناس بقت كسولة جداااااااا جدااااااااا
لدرجة ان لو حد رايح يصلى يقوله ادعلى طيب ما تدعى لنفسك يا بارد حاجة تخنق يا كريم والله

بالنسبة لقناة الجزيرة

والله انا خايف تاخد حصرى دورى المدارس بيبسى ومحدش يعرف يتفرج عليه
انا عندى فى البيت الجزيرة بلس 1 و 2 لحد 10 فعادى بالنسبة ليا مش ازمة

لكن ازمة بالنسبة لناس تانية معندهاش دش اصلاا

وفى الاخر مش هنقدر نقول غير

عمااااااااااااااار يا مصر

[ALY ELSAYED]

ههههههههههههه

موضوع زي العسل يا حسام وشكرا

جزاك الله كل خير

[alaa eid]

موضوع رااااااائع يا حسام بصراحة
وبيناقش حكاية الكسل اللي الامة العربية كلها فيها
ياريت كلنا نتعلم من الموضوع دا
وشكرا ليك ياباشا

[Marwa Mahmoud]

شكرا ليك يا حسام موضوع جميل

[حسام المصرى]

ههههههههههههه

موضوع زي العسل يا حسام وشكرا

جزاك الله كل خير

تسلم يا على على مرورك الجميل

موضوع رااااااائع يا حسام بصراحة
وبيناقش حكاية الكسل اللي الامة العربية كلها فيها
ياريت كلنا نتعلم من الموضوع دا
وشكرا ليك ياباشا

شكرا يا لولو دايما رافعة من روحى المعنوية

شكرا ليك يا حسام موضوع جميل

تسلمى يا مروة على مرورك الجميل

[Wild_Angel]

بيعجبنى انك بتاخد المواضيع بأكثر من اتجاه
هى الرسائل دى حلت بصراحه ازمه كبيره
ممكن ناس معهاش رصيد وعايزين يصحوا بعض الفجر يبعتوا لبعض رساله
يعنى احيانا زى ما بيقولوا سيم يعنى :)

بس حقيقي الموضوع بيناقش حاجه مهمه ان معظم الناس دلوقتى بقت بتعتمد على اى حد
محدش عايز يعمل حاجه لوحده
والمعظم معتمد ان الحكومه هى لوحدها اللى حتعمل
الامر لله

المهم انا عارفه انى طولت
كنت عايزه اناقش اكتر من حاجه
بس للاسف الكلام تايه منى وقتى
ححاول افتكر وارجع تانى :)
جزاك الله خيراً يا حسام

[salma elsayed]

ميرسى ليك عالموضوع الجميل ده وشكرا

[حسام المصرى]

بيعجبنى انك بتاخد المواضيع بأكثر من اتجاه
هى الرسائل دى حلت بصراحه ازمه كبيره
ممكن ناس معهاش رصيد وعايزين يصحوا بعض الفجر يبعتوا لبعض رساله
يعنى احيانا زى ما بيقولوا سيم يعنى :)

بس حقيقي الموضوع بيناقش حاجه مهمه ان معظم الناس دلوقتى بقت بتعتمد على اى حد
محدش عايز يعمل حاجه لوحده
والمعظم معتمد ان الحكومه هى لوحدها اللى حتعمل
الامر لله

المهم انا عارفه انى طولت
كنت عايزه اناقش اكتر من حاجه
بس للاسف الكلام تايه منى وقتى
ححاول افتكر وارجع تانى :)
جزاك الله خيراً يا حسام

ولا طولتى ولا حاجة يسلمو على مرورك الجميل ده

وشكرا لمرورك

ميرسى ليك عالموضوع الجميل ده وشكرا

ميرسى على مرورك يا سلمى