حال البلد

**KAREEM** · 10-24-2008, 03:16 PM

الزجل ده كنت مألفه من أيام الثانوى

هو سياسى صريح شوية مش شوية لا كتيييير
حاجة كده على أدى عايز أعرف رأيكو فيه
وربنا يستر:D
حال البلد
البلد مفيش أحســن من كـــده ومفــيـهاش حــاجـه خاربــه
متلاقيش طابور العيش زحمه ومفيش ارخص من اللحمـه
والشـوارع كــلـــها متسـفلته وكل رصـيف عليه نخــــلــه
والــنـاس أخــــلاقـهـا عـالــيه وقلــوبـها كلـــها رحــمــــه
طبعا ما كــل حـــاجه تـــمـــام والمواصلات مش زحــمه
عايزيـن ايه اكــتر من كــــده خلــو عندكـــو حـــشـــمـــه
دى الــبلد مـن غـيـر الـريـس كـانت تبـقى حتــة فــحـمــه
*********
الراجـل عـامـل نفسـه شمـعه عشـان البـلد تنــور (تـولـع)
حــــارم نفـــسه من اللــقــمـه عشـــان الشــعـب يـشبــــع
ومبيجلــهـوش نـــوم الا امـا الحـــق لاصــحابه يــرجــع
وبيحــــاول يقضـــى ع الـبـطــالــه والــرشــوه يــمـنـــع
وميـبقاش فى واسـطه ولا محسوبيه ولا كــوسه بـتـتـقور
عـايـزيـن ايـه تـانى ؟ عـايـزيـن الـراجـل يكــفــر؟!!!!!
*********
ولا الــوزاره اللــى وراه كلــهــــا رجــــالــة مـــجـــدع
كــل هـمــهـــم ان البــــلــــد دى زى الاول تــــرجـــــع
ومـيكــونـش فــى فى الــدنــيــا أحـسـن مـنـها تـصـنـــع
السبــحه والســجــاده الـلـى علــيـهـا بنصــلى ونـسبـــح
بـدل مـا الصـين تصـدرها لــنـا واحـــنـا الــلى نــدفـــع
ومين عالم يكــونــو بيصدرو لنا فى رمـضـان المـدفــع
**********

واحلى حاجه تشوفها ان كل وزير مبيحبش يكـون متلمع
ولا عـنــده عـربـيــه واتـنيـن والتـالتـه فــى المـــصنـــع
اللى شاريه بفلوسه مش فلوس الشعب اللى روحه بتطلع
واخـــديــن بالــكوا مــعــايــا ولا الـــكــــلام يـــمــنــــع
احسن نتمسك فـى الـليلــه ديــا ومـحـدش عنـنـا يســمــع
ولا احنا صحيح فى عصر الحريه وكل المسئولين بتشجع
اللى يقـول رأيـه بـكل صـراحــه ولا مــن ودنــه يتــعلــق
شوفتو بقى ان البلد دى من غير ابو جمـال مـش حتنـفــع
28 سنه بيخدمها بكل جهده لدرجة ان البلد فى العالى بتتطلع
بس احنا مش عايزين البلد تطلع عايزين حاجه تانيه تطلع؟؟؟؟ **********

**Mahro** · 10-24-2008, 04:36 PM

الله ينور يا كيمو يا مجرم ايه الحلاوة دى

**اسامه البنا** · 11-24-2008, 08:56 AM

ايه؟ يا عم الجمال ده
كله تمام ومش ناقصنا اي شيئ
ولا الــوزاره اللــى وراه كلــهــــا رجــــالــة مـــجـــدع
كــل هـمــهـــم ان البــــلــــد دى زى الاول تــــرجـــــع
ومـيكــونـش فــى فى الــدنــيــا أحـسـن مـنـها تـصـنـــع
السبــحه والســجــاده الـلـى علــيـهـا بنصــلى ونـسبـــح
بـدل مـا الصـين تصـدرها لــنـا واحـــنـا الــلى نــدفـــع

بجد هايل الله ينور عليك

**KAREEM** · 05-18-2009, 07:18 PM

شاكر جدا جدا لتعليقاتكوا وفرحتنى جدا والله مع انى قريتها متأخر شوية

**Sara Gamal** · 05-19-2009, 12:49 PM

صحيح أنا جيت متاخر

بس كلامك والله عجبنى اوى اوى وضحكنى جدا جدا

معاك حق بس خلى بالك على نفسك

ومتحرمناش من الحاجات الحلوة دى

**ميرا مار** · 05-19-2009, 01:58 PM

جميل يا كريم

ياريت المزيد من دا

**KAREEM** · 05-19-2009, 02:11 PM

شاكر جدا لتعليقاتكوا ياكلا من سارة والعضوة ميرا مار ورفعتوا معنوياتى جدا
وان شاء الله حاستمر فى المزيد بس ..........
مش حاشتم فى الراجل دا تانى
الراجل عنده حالة وفاة بجد صعب عليا البقاء لله وربنا يصبر ماما سوزان
وعلاء مبارك ربنا معاهم الواد كان لسه صغير وزى العسل ماشاء الله
انا لله وانا اليه راجعون
لا حول ولا قوة الا بالله

**Sara Gamal** · 05-19-2009, 02:34 PM

فعلا ربنا يصبرهم ويلهمهم الصبر والسلوان

وربنا يشفى اطفال المسلمين ويحفظهم لاهلهم

**KAREEM** · 05-20-2009, 07:02 PM

مستنى ياجماعة بقيت ارائكوا وتعليقاتكوا الغالية عليا
مين عالم يمكن حظكو يطلع حلو وأألف لكوا حاجة كمان
بخصوص الجغرافيا وكدا !!!!!!!!!!!!!!!!!!!!!!!!!!!!!!!