الدعم الفنى للعاملين بالمساحة البحرية

**Mohamed Hashem** · 02-05-2010, 03:59 PM

المشاركة الأصلية كتبت بواسطة Mohamed Gaber Aly

لاشكر على واجب محمد هاشم ده المنتدى بتاعنا كلنا وياريت الواحد يقدر يفيد الاعضاء بكل مايستطيع.
رجاء ذكر اسم منتدى رابطه خريجى شعبه المساحه والخرائط ووضع الرابط للموضوع عند نشره فى منتدى اخر حتى يتعرف الناس اكثر على المنتدى هنا ويكون هناك مشتركين اكثر واكثر لتعم الفائده على اعضاء المنتدى.
انا شايف ان الموضوع كان مثبت وبعدين الغى التثبيت. ياترى ايه السبب.
وجزاكم الله خيرا

يا بشمهندس محمد
حضرتك طلبت منى فى رسالة على الخاص فى منتدى الهندسة المساحية وضع رابط لموضوعك ... ونظرا لمشغولياتى الفظيعه اليومين دول .. إتأخرت فى الرد .. وعملت كده فعلا اليوم من حوالى الساعه .. ولو كنت حضرتك ألقيت نظرة مرة أخرى .. قبل مشاركتك دى .!
أما التثبيت .. - فطبقا لسياسة المنتدى - الموضوع يثبت لفترة ويتشال ويرجع يثبت تانى وهكذا .. نوع من إلقاء الضوء على مواضيع معينة بغرض إحياء المواضيع القديمة ... وفرصة لوضع مقالات كاتب بعينة تحت المنظار .. فكما كان الحال مع أستاذنا الدكتور جمعه ... المثبت الآن مقالات الزميل العزيز الواعد / مصطفى القاضى ... وفى كل الأحوال دى ترجع لرأى المشرف الحر المستقل .. والغاء التثبيت لا ينتقص من قيمة الموضوع شيئا .. ولا يعنى تحيز المشرف ضد أو مع أحد
وبالمناسبة موضوعك عن :برنامج جامد جدا للتحويل بين أنظمة الإحداثيات "
http://mesa7a.com/forum/showthread.php?t=13749
المفروض - طبقا لتقسيم المنتدى العلمى ومحتوى المواضيع - لا ينتمى لقسم المساحة البحرية بالمنتدى .. وإنما قسم الأجهزة والبرامج المساحية .. ومع ذلك أنا تركته مكانه برغم سياسة المنتدى .. دليلا على مكانتك عندنا ..وبرضه هذا ليس تحيزا لك
شكرا على تفهمكم

**Mohamed Gaber Aly** · 02-05-2010, 04:37 PM

شكرا يا محمد على ادراج اسم المنتدى فى منتدى الهندسه المساحيه فهذا مانبغاه لشهره منتدانا. انا متابع غير جيد لذلك المنتدى انا بس بحاول اركز هنا وكان دخولى هناك بالصدفه بعد البحث عن بعض مقالات معايره الاجهزه المساحيه فوجدت مقالى هناك.

اما بالنسبه لبرنامج تحويل الاحداثيات انا كنت متوقع انه يتنقل بس استغربت انه ظل فى المساحه البحريه وانا ماينفعش انقل البرنامج بعد عمله فلو تسمح بنقله الى مكانه الصحيح يبقى جزاك الله خيرا وذلك بعد اذن مشرف قسم الاجهزه والبرامج المساحيه.

وشكرا على تثبيت مقالات الزميل العزيز الواعد: مصطفى القاضى فهو زميلى ايضا.

وجزاكم الله خيرا

**Mohamed Hashem** · 02-05-2010, 06:15 PM

المشاركة الأصلية كتبت بواسطة Mohamed Gaber Aly

اما بالنسبه لبرنامج تحويل الاحداثيات انا كنت متوقع انه يتنقل بس استغربت انه ظل فى المساحه البحريه

ههههههههههههههههههه
انت عسل والله يا محمد
طب حطيته ليه فى المساحة البحرية وانت متوقع انه يتنقل
بص يا زميلى العزيز
اكتب انت بس .. وبدع وانقل للأعضاء خبراتك
وسيب لنا التنسيق والنقل والتثبيت وكل المواضيع الصداع دى
واحنا حندعى ليك ..
دا غير ثوابك عند المولى ... فخير الناس أنفعهم للناس
وتقبل تحياتى وتمنباتى بالتوفيق

**Mohamed Gaber Aly** · 02-05-2010, 06:22 PM

الله يعسلك ياصديقى ده من زوقك
بعد ماوضعت الموضوع ولانى اتعامل مع البرنامج فى اعمال المساحه البحريه وكان من مشاركاتى الاولى فى المنتدى كان اقتراح احد مديرى المنتدى ان انا اسيبه فى المكان ده والمفروض ان مشرف القسم سوف ينقله فورا الى مكانه الصحيح.
على العموم حصل خير اخيرا الموضوع حيتنقل الى مكانه الصحيح كله بالصبر.
وشكرا لدعائك مسبقا

**hemo_friends** · 01-25-2010, 09:54 PM

السلام عليكم انا استشارى مساحة برية بالقوات الجوية الملكية السعودية وكنت اتمنى ان تفيدونى بمعلومات عن الشركات البحرية وكيفية الوصول اليها فى مصر وجزاكم الله خيرا

**king Badry** · 01-28-2010, 02:41 PM

شكرا ليك يا بشمهندس هشام

انا محتاج اشتغل في المساحه البحريه ولو مساعد في البدايه

محتاج اعرف الشروط والمطلبات الي تاهلني للعمل بالمساحه البحريه

وياتري حضرتك تقدر تساعدي في كده

جزاك الله خير

**mahmoud mohamed** · 02-23-2010, 08:32 PM

جزاك الله كل خير عالمجهود

**Mohamed Hashem** · 02-28-2010, 03:19 AM

بنرحب طبعا بالاخ الزميل / محمد جابر على
فى مشاركته لنا - بصفته من المتخصصين فى المساحة البحرية - فى الرد على تساؤلات الأعضاء
والزملاء ..
وله جزيل الشكر والثواب عند الله

**Mohamed Hashem** · 02-28-2010, 03:43 AM

المشاركة الأصلية كتبت بواسطة night angel

بجد يا بشمهندس انت متميز في شغلك وفعال ويارب من تميز الى تميز والكتاب جامد جدا ومفيد لكن يا ريت شروحات لجهاز gps بكل انواعة

والله مفيش فى رأيى أحسن من 3 كتب باللغه العربية
الاول الاستاذ الدكتور محمد رشاد الدين مصطفى - هندسة اسكندرية
الثانى الاستاذ الدكتور جمعه داوود - هندسة شبرا
الثالث الدكتور رفعت رشاد - الاكاديمية العربية للعلوم والتكنولوجيا
وباذن المولى ستجدين الكتاب الثانى هنا
http://mesa7a.com/forum/showthread.php?t=13267
وسارفع الاول من هنا
http://www.2shared.com/file/11175212...db/Rashad.html
اما الثالث فعلى وعد اعمل له scan ونرفعه هنا باذن المولى
مع تمنياتى بالتوفيق والنجاح