الدعم الفنى للعاملين بالمساحة البحرية

**Mohamed Hashem** · 08-31-2010, 12:24 PM

فضلا راجع الموضوع
http://www.mesa7a.com/forum/showthread.php?t=14714

**eng_hydrographic** · 08-27-2010, 03:58 PM

احنا خريجى الاداب فى العمل فى المساحة البحرية
مسمانا مهندسين مساحة ولا مساحين
وهل لا يوجد فرق بينهم فى هذا المجال وهل المساح يراسة مهندس ولا لا
وهل يوجد فرق بينهم
ولو لقيت مطلوب مهندس مساحة بحرية اقدم ام لا
شكراااااااااااا

**Mohamed Hashem** · 08-29-2010, 10:40 AM

المهندسين خريجو الهندسة فقط يحق لهم نقابيا لقب مهندس اما خريجو الآداب فمسماهم الوظيفى أخصائى مساحة أو مساح بحرى
والعبرة فى الالقاب والدرجات وخلافه هو الخبره ثم الخبره ثم الخبره
ولن تجد وظيفة اسمها مهندس مساحه بحرية .. انصحك بمراجعه موضوع مساح بحرى

**mohamed ali** · 08-29-2010, 07:55 PM

لو سمحت يابشمهندس انا نفسى اشتغل فى المساحة البحرية ايييييه الازم اعمله

عشان ادخل فى المجال ده وهل المجال ده سهل ولا صعب

**Mohamed Hashem** · 08-29-2010, 08:19 PM

موضوع يعنى ايه مساح بحرى
شارح فيه جوانب كتيره للمساح البحرى
ومتطلبات العمل
وبشكل عام مفيش مجال ساهل
ومفيش عمل صعب
فهمتنى ؟

**Eng_Ahmed23** · 08-31-2010, 02:48 AM

على فكرة ارجوا قراءة هذا والكلام دة مش ببمساحة البحرية للارضية فقط
هذا توضيح هام لكل مساح ومهندس مساحة **
انا خريج اداب مساحة واتفاخر بذالك لشئ واحد لانى فى النهاية خريج كلية ليس معهد
واسم كلية رفع من شانى بدل ما اكون مساح اصبحت اخصائى مساحة اى متخصص فى المساحة اى مهندسسسسسسسس مساحة
دة ميمنعش ان يوجد فرقة غبية قللت من شان خريجى اداب مساحة واشتغلوا مساحين بحثا عن العمل خلوا الى يسوا والو مايسوش يتكلموا علينا كلام وحش
احب اكتب حاجة واحدة حتوضح وحتقفى اى واحد بيتكلم كلمة مش فاهم معناها
كلية اداب مساحة ———————— اخصائى مساحة (مهندس مساحة) لانها كلية اى تعليم عالىى ولان يوجد ترابط وثيق بين علم المساحة وبين نظم المعلومات الجغرافية وعلم الخرائط
زى الدكتور بيكتب على اليفطة بياعتة دكتور ——-اخصائى —-
معهد المساحة ———————– مساح لانة معهد اى تعليم فوق المتوسط
هندسة شبرا ———–مهندس مساحة لانها تعليم عالىىىىىىىىى
هندسة مدنى ----------مهندس مدنى فقط وليس مهندس مساحة
ملحوظة / حد سال نفسة سؤال دة قبل كدة لية هندسة شبرا بها قسم المساحة الوحيد فى مصر مع ان جميع كليات الهندسة بها تعديل مستمر فى اقسامها كانوا على الاقل حطوا القسم دة فى اكبر جامعات مصر زى عين شمس او القاهرة او اسكندرية مش شبرا

انا ارد عليكوا علشان هما لما وضعوها لاقوا انهم كانوا على خطا لان المفروض المهندس المساحة لابد ان يكون على دراية بعلم الجغرافيا والخرائط ونظم المعلومات الجغرافية التى توجد فى كلية الاداب جغرافية لان مهندس المساحة لابد ان يكون على دراية كاملة بالتربة التى يعمل عليها والمفروض والاعدل والاولى بهذة الدراسة طلاب الجغرافية
وعلى فكرة الكلام دة مش كلامى دة كلام دكاترة من كلية هندسة شبراااااااااااااااااااااااااااااااااااااااااااااا
وانا عارف الكلام دة مش داخل مخ طلاب الهندسة
لانهم لا بسمعوا ولا يبصروا الا الهما عايزين يسمعوا او يشفوا
وعلى فكرة انا اعرف مهندسين مساحة شغالين فى شركات ضخمة للمقولات والبترول خريجى اداب مساحة وخرائط
واعرف ايضا مساحين خريجى اداب مساحة وخرائط
انا كلامى لو فية غلطة واحدة ارجوا الرد عليا
مهندس مساحة خريج اداب مساحة / احمددددددددددددددددددددددددددددددددد
وانا مش عايز حد يزعل منى علشان دى الحقيقة
هذا هو عدل الله

**Mohamed Hashem** · 08-31-2010, 12:13 PM

قرأت ما كتبته أكثر من مرة .. ولقد كان صعبا متابعة ما كتبته .. ربما لانك لم تقرأه أنت بعد أن انتهيت منه
ولا أعرف من أين أتيت بتلك الثقة لتؤكد أن كلماتك جاءت للتوضيح ولوضع النقاط على الحروف برغم ما جاء بها من مغالطات وأخطاء هجائية ونحوية
يا أستاذ أحمد يا خريج الآداب .. كلنا هنا خريجو كلية الآداب .. فلست وحدك هنا
لترى نفسك فى خندقا وحيدا تحارب ضد من أسميتهم " اللى يسوا واللى ما يسوا"
ولقد عافت نفسى الرد عليك بنفس طريقتك ولكن لابد أن أنبهك إلى ضرورة الالتزام وضبط النفس إذا ما تحول الحوار لنقاش .. من فضلك راجع قوانين المشاركه فى القسم فى المواضيع المثبته
ما علينا
ذكرنى أسلوبك فى التفكير و قذفك للكلمات يمينا ويسارا
ببنو إسرائيل .. عندما أمرهم سيدنا موسى بأن يذبحوا بقرة
فسألوا عن لونها
يا سيدى الفاضل .. يا خريج كلية الآداب الموضوع هنا ليس مجال للتنافس والتفاخر بين التخصصات وبعضها
لقد كنت واضحا فى كلامى قلت "من حقه نقابيا" ألا تعلم أن لديه نقابه تسمى نقابه المهندسين ؟ ألا تعلم أن الكلية التى تخرج منها تسمى كلية الهندسة ؟ هل لديك نقابه تستطيع أن تعطى مسما وظيفيا لك ؟
إذا كان هناك مشكلة فليست فى كلية الهندسة ولا فى الالقاب التى تبحثون عنها وأنتم ما زلتم فى بدايه الطريق ولا خبرات لكم
المشكلة هى وضع قسم الجغرافيا وما يهتم به من علوم ديناميكية مثل علم الخرائط فى قلب كلية تعنى فى المقام الأول بالدراسات والعلوم الانسانية مثل كلية الآداب
أنصحك بأن تهتم بأن تسأل عن أى شئ يصب فى خبراتك فى الفترة الحالية
كى تصبح فى النهاية مديرا على المهندس والمساح والأخصائى وخلافه
كما أنصحك ألا تكتب بالأحمر ثانية إلا إذا كنت متأكدا مما تكتب

**حسين جاد** · 09-01-2010, 01:41 PM

المهندس هو خريج هندسة فقط ...... والمساح هو خريج اداب او معهد مساحة
ده اللى احنا نعرفه ومعترف به

**حسين جاد** · 09-01-2010, 01:21 PM

السلام عليكم ورحمته الله وبركاته
انا يا جماعة خبرتى صفر فى المساحة البحرية وبصراحة انا عندي شغل فى السويس محتاج فىه جهاز اسمه سونار لقياس الاعماق وطبعا gps علشان اعمل قطاعات فى المياه
لو حد يفدنى اكون متشكر جدا او يجي يعمله
وكل عام وانتم والامة الاسلامية بخير