الدعم الفنى للعاملين بالمساحة البحرية

[Mohamed Hashem]

لا شكر على واجب أخ حمدان .. انت اخ وعضو ومساعدتك واجب علينا ونتمنى من الله اننا نكون بنقدر نفيدك
بالنسبة للمساحة البحرية .. ليه تقول ماليش فرصة فى البحرية .. عندك فرصة طبعا بس عاوز اراداة قوية وعزيمة وكل حاجة باذن الله تتحقق ان شاء الله .. شوف يا سيدى المتخصص فى المساحة البحرية لابد ولابد ولابد يكون خريج شعبة المساحة والخرائط قسم الجغرافيا .. (طبعا ممكن كمان يكون هندسة مساحة شبرا او هندسة مدنى بس دا مش مجالنا) ثانيا ممكن تاخد كورسات وممكن لأ ودا حسب الفرصة التى ستتاح لك فى العمل فانا مثلا بمجرد تخرجى عام 1993 اشتغلت فى شركة مساحة بحرية ولذا تخصصت فيها وبعد اربع سنين اخدت كورسات عام 1996 علشان التخصص يبقى خبرة وشهادة زى الاجانب (منظمة IMCA) ما بيقولوا: لابد ان تكون كفء competent ودا بييجى من العمل الحقيقى والخبرة فتبقى qualified وبعدين تدرس ما تعلمته لصقل خبراتك بمعلومات مظبوطة فتبقى certified
لو حبيت تعمل كده حتبقى هايل
بالنسبة للمساحة البحرية انصحك تتدرب الاول فى اى شركة ولو بدون مقابل وتعالى معانا فى القسم البحرى وحتلاقى معلومات كتيرة مفيدة جدا حديثة جدا تكاد تكون مقدمة كورس حقيقى وبجد بجد مش حتلاقيها فى منتديات تانية ابدا
وبعد ما تتفسح فى القسم حتلاقى اسئلة تانية اكيد وحتلاقينى مستنيك ...
مرحبا بك فى اى وقت ومستنى تقولى لى اخبارك وقررت ايه