الدعم الفنى للعاملين بالمساحة البحرية

**Mohamed Hashem** · 06-25-2009, 11:38 PM

لا شكر على واجب .. ربنا يوفق الشباب جميعا
ولما مشروعك ابقى افتكرنا ننسخه هديه .. يمكن يفيد حد تانى من بعدك ويجعله الله فى ميزان حسناتك

**eng.ahmedsalem** · 06-26-2009, 08:51 AM

المشاركة الأصلية كتبت بواسطة Mohamed Hashem

لا شكر على واجب .. ربنا يوفق الشباب جميعا
ولما مشروعك ابقى افتكرنا ننسخه هديه .. يمكن يفيد حد تانى من بعدك ويجعله الله فى ميزان حسناتك

دا طبعا شئ اساسي حضرتك ساعتدني كتير في المشروع يبقي اكيد في نسخه لحضرتك وللمنتدي مخصوص من المشروع لما يخلص علي خير انشاء الله

**Mohamed Hashem** · 06-26-2009, 03:42 PM

المشاركة الأصلية كتبت بواسطة eng.ahmedsalem

طيب كان ليا خدمه صغيره انا كنت عاوز خرائط تفصيليه وطبوغرافيه بمقياس رسم كبير وواضح عن ساحل البحر المتوسط ومنطقه خليج نعمه هو انا شوفت هنا في المنتدي حاجات كتير منها برامج للخرائط فحضرتك ايه رايك ؟؟؟؟؟
لو عندك خرائط للمواقع دي رايت او برامج توضح كل تفاصيل المناطق دي

وبما ان حضرتك مساح بحري كنت عاوز اعرف معلومه وهيا

الحدود البحريه المصريه لكل من البحر الاحمر والبحر المتوسط كام كيلو متر داخل البحر
بمعني اخر الحدود الاقليميه المصريه في البحر كام كيلو من اسكندريه مثلا
والبحر الاحمر كام كيلو من الغردقه؟؟؟

شكرا .............

المشاركة الأصلية كتبت بواسطة eng.ahmedsalem

دا طبعا شئ اساسي حضرتك ساعتدني كتير في المشروع يبقي اكيد في نسخه لحضرتك وللمنتدي مخصوص من المشروع لما يخلص علي خير انشاء الله

بص الحقيقة انى لم اطلع على كل الخرائط هنا ولكن اسمح لى لو عاوز خرائط من الآخر لخط الساحل مع الاعماق بدون تفاصيل البر مثل تضاريس وتوزيعات الخ ... مفيش غير خرائط الادميرالية البريطانية وهى بتغطى السواحل المصرية كلها ولو تحب تشتريها فى توكيل ملاحى قدام باب عشرة - فى اسكندرية طبعا - مش فاكر اسمه والله لكن روح هناك وقول فين المكتب اللى بيبع الخرايط وكتب الملاحة البحرية حتلاقى ميت واحد يدلك والخريطة ثمنها 53 دولار ولكن ممكن طبعا تدفع بالجنيه المصرى دا مجرد تسعير لأنها تستورد من الخارج

أما حدود المياه الإقليمية المصرية فهى اترفعت من 12 ميل بحرى الى 18 ميل حاليا والميل البحرى = 1852 متر
مع العلم بان مفيش حاجه اسمها امام الاسكندرية لان المياه التى امام الاسكندرية مياه داخليه خارج نطاق المياه الاقليمية وخط المياه الاقليمية يوازى خط الساحل ويتعرج مع تعرجاته بحيث يحافظ على المسافة 18 ميل بحرى وهى ممنوع فيها الدخول بدون طلب اذن من السلطات المصرية بحق المرور البرئ وفى بعد كده منطقة الاستغلال الاقتصادى وبصراحه مش فاكر هى قد ايه ولكن يسمح فيها بالمرور بدون اذن ويمنع فيها الصيد واستخراج النفط والمعادن .. ما بعد ذلك اعالى بحار
ويعتبر خليج السويس بكامله مياه داخلية لان الاراضى المصرية تحيط بضفتيه بحر احمر وسيناء .... ياااااااااااااااه فكرتنى بمادة القانون البحرى من سنة 1997 شكرا لك
وشكرا لك مقدما على هديتك بارك الله فيك
تمنياتى لك بالتوفيق لك

الموضوع: الدعم الفنى للعاملين بالمساحة البحرية

أدوات الموضوع

عرض

العرض المتطور

الكلمات الدلالية لهذا الموضوع

المفضلات

المفضلات

ضوابط المشاركة