بالعند فى الخنازير .. نجحنا بجموع كبير

**حسام المصرى** · 03-02-2010, 03:45 AM

كمان مرة بالله عليكم زغردوا ...

البنت نجحت فى التيرم الاول بالشهادة الإبتدائية

رغم الدراسة النصف كم .. أقصد النصف وقت .. أنا فرحان .. كنت الصبح فرحان

دلوقتى بقى إتشقلب حالى

أنا سرحان , قلقان , حيران .. إيه ده ,و عدينا كده رغم دور المدارس الضئيل ,, بسهوله إلى حد ما ؟؟ طيب مستغرب ليه الدروس لهفت من المرتب شئ وشويات وصحيح البنت تعبت ولكل مجتهد نصيب

وصحيح كانوا مدرسين أكفاء

بس يا ترى بيشتغلوا فى مدارسهم بنفس الكفاءة ؟

ولما المدرسين بيشتغلوا بكفاءة كده ,, العيال بياخدوا دروس ليه ؟

وفيه دروس من أصله ليه ؟ .. دى هيه الحكايه كلها ساعتين أسبوعياً لكل مادة ,, يعنى وقت مناسب للمدرس فى المدرسة يقوم بمهامه مع الطلبة على أكمل وجه

فى الشارع مدرسة حكومية عليها زحام .. النتيجه ظهرت ,, الواد مبسوط ,, إقتربت ,, ثم سألت .. نجحت ؟.؟ ايوه والتقدير كويس ,, مبروك يا حبيبى ,, المدرسين عندك كويسين ؟ .. طوح الواد إيده فى الهواء محاولاً الإنفلات من يدى ,, إيه يا عم؟؟ مدرسين المدرسة ما أعرفهمش ,, دول الخصوصى همه اللى كويسين

أقول لكم أوعوا تزعلوا معايا ,, ولا يهمكوا ,, انا بقى اللى أشغل نفسى ,, و أطق كمان

ساكتين ليه ,, زغردوا ... لولولولولولى
بس قولوا

رأيكم فى النتائج السنادى هل فعلا قرار حكومى بنجاح الطلبة كلهم ولا انا متهيألى

ورأيك ف الدروس الخصوصية و الشرح فى المدرسة يا ترى زى الدروس ولا الطلبة نفسهم مش عايزين

**mohamed ali** · 03-02-2010, 04:28 AM

بسم الله الرحمن الرحيم

جميل اوى ياحساااام اللى انتا بتناقش قضية هاامة زى

دى بص باعم انا من راى انا البلد

عمرها محتقدم طول ما الواد يجى لابوة ويقولو

انا عايز درس لية ياحبيبى اصل المدرس مبيشرحش

فى المدرسة لالالالالالا الاب الذكى هو

اللى يروح المدرسة وشوف كلام ابنة صح ولا غلط

وهل المدرس صح بيشرح ولا
__________________________________________________ ____
فى هذه الحالة فى نوعين من الاباء:

1-اب يكبر دماغة ويدى ابنة دروس

2-واب يمانع ويودى ابنة المدرسة ويساعده من خلال الكتب الخارجية
او المجموعات والمعاهد

اثر كلا الابوين على الطفل (نمط تفكير الطفل مستقبلاً)

الاول ابنة مستقبلا حيكون نمط تفكيره محدوداو ضيق التقكير

التانى ابنة مستقبلاً حيكون منفتح التفكير ومعلومات اكبر بفعل القراءه

مرحلـــــــــــــــــــــــــــــة الجامعة

الاول- سوف يعتمد على الكورسات لانة معتمد على محدودية المعلومة
او (انجز يامان مش عايزين ووجع الدماغ )

التانى - سوف يعتمد على الكتب بطبيعتة لانة متعود
على القراءه من صغره

(انا اما دخلت الجامعة لاقيت ان التانى هو اللى يكسب )

الـــــــــــــــــــــــــــــناتج

الاول-ممكن ميشتغلش بشهادتة

(بيفكرنى بزويل قال كان فى احدى البرامج قال ان الشركات بتعوز افراد ذو
امكانيات معينة ولكن اللى بتخرج ليس لدية هذه الامكانيات وبالتالى يحدث

فجوه "فجوه الحاجة"ودى اللى تخلق البطالة )

التانى-سهل علية جدا ان يطور نفسى بسهولة جدا لانة اتعود من صغره على

القراءه وتفتح العقل

الطفل اللى انتى سئلتة ده يكون من النوع الاول

الصراحة انا احترت من الموضوع دة

انا طولت معلش ياحسااااام انتا سبقتنى فى عرض الموضوع

كان شغلنى لقتره كبيرة جدا لان التعليم هومفتاح التقدم

البلد

**alaa eid** · 03-03-2010, 10:06 AM

اولا يا حسام احيييك علي الموضوع الجميل دا
ثانيا بقي احنا اللي ادينا فرصة للمدرسين يعملوا كدا كله دلوقتي الدروس والهبل دا
انا لما كنت في ثانوي كان لاخر يوم والله المدرسين بيشرحوا في المدرسة وغير كدا كان ممكن نروح للاستاذ في اي وقت ومش بيتأخروا برده يا حسام بيرجع للمدرسة وادارتها لو كانت ادارة المدرسة كويسة هتلاقي المدرسين يخافوا ويشرحوا
ودلوقتي الطفل علشان بياخد دروس من كي جي وان تلاقيه مافيش اعتماد علي الذات كله علي المدرس هذاكر علشان المستر مش بيذاكر علشان تحقيق هدف معين ودا التعليم في مصر
ربنا يصلح حاله
ميرسي ليك كتيير

**MUHAMED SAMY** · 03-04-2010, 02:27 AM

باشا الدراسة فى مصر فاشلة اخر حاجة...
يقولك تعليم اكاديمى ولما تتخرج هتعرف الشغل ماشى ازاى

الموضوع: بالعند فى الخنازير .. نجحنا بجموع كبير

أدوات الموضوع

عرض

العرض المتطور

بالعند فى الخنازير .. نجحنا بجموع كبير

الكلمات الدلالية لهذا الموضوع

المفضلات

المفضلات

ضوابط المشاركة