كل دول تركوا المنتدي..طب هيدخلوا تاني وينورونا ....لا.لا..طب ليه محتاجين رأيكم بشدة

[Heba Bebo]

بسم الله الرحمن الرحيم

انا اليومين اللى فاتوا كنت كل مافتح المنتدى كانت الصفحة محتوها(ان الموقع اللى انتا

عايزه غير مقروء لدى على الرغم ان عند العديد من اصدقائى كان بيفتح
دية مشكلة)

اسباب عدم اقبال العضاء ونشاطهوم من وجهة نظرى

1-عدم التطوير الداعم للمنتدى (زى ماقولتى)

هيتطور اصبر بس:11ight:

2-ياريت ياجماعة خاصة المشرفين اما تحذفو اى موضوع تبعتوا رسالة
انا اعرف واحد مشاركات بسبب هذا الموقف واصبح الان يطلع دون مشاركة

معلش ساعات بعض الافراد بيضعوا مشاركات غير لائقة فالمشرف بيتضايق ويمسحها

ويقوم النت فاصل عنده فينسي يبعت للشخص رسالة

3-غياب بعض مشرفين الاقسام يودى الى ان تكون اقسامهم ميتة بمعنى الكلمة

ودي مشكلة باقي المشرفين انهم يتابعوا المقسم معاه في غيابه:closedeyes:

4-الصراحة فى سبب مينفعش اقولة حصل معاية وكان يخلينى مدخلش على المنتدى
خالص او حتى لو دخلت حيكون للا طلاع فقط

خلي قلبك طيب يا راجل يا طيب وانساه
:cc_canadian:

5-ديمقراطية فى الراى او تقديم اى اقتراح

الف شكرررررررر على الموضوع الهايل منك ياهبة و بالتوفيق انشاء الله

عفوا يا عمنا وانت من انشط الاعضاء اللي قوموا موضوعات كتيرة جدا:clap:

نوووووووووووووووووووووووووووورتنا يا محمد:cc_canadian:

[Ahmed Hosny]

السلام عليكم ورحمة الله وبركاته
بجد والله تسلم ايدك وفعلا انا عايز اقول حاجة بس ياريت محدش يزعل منى
انا ملاحظ ان المنتدى نايم فعلا ده اولا
ثانيا فين طلاب الفرقة الرابعة انا مش عارف دول هم المفروض اكبر ناس فى قسمهم
وهم اللى هيمدوا الطلبة بالمواد العلمية
بجد والله احنا مفتقيدنهم طب انا عايز اقولكم على حاجة وبردو محدش يزعل منى

فاكرين المنتدى ايام اسلام ممدوح وايمن جمال ونهى شعبان وحسن محمد .................
وده مش معناه انى بقلل من الادارة "حاشا لله " وانما كان فى تعاون
ياريت تتقبلو وجهة نظرى

[Marwa Mahmoud]

وحشتنى مواضيعك الجميلة دى يا هبة بس انتى وحشتينى أكتر يا حبيبة قلبى

بجد المنتدى وحشنى جداااا جداااا ويارب ارجع معاكوا من تانى

ونتجمع دايما على الخير يا رب

[darling]

اولا احب اشكرك يا هبه انا شايف ان فى اهتمام من القلب بالمنتدى ....
اولا احب اقول ان المنتدى شدنى جدااا لدرجة انى ماعنتش بدخل على المنتديات اللى كنت بتابعها باستمرار وانا شايف ان المنتدى مش مجرد منتدى عادى ....
احنا كلنا هنا اخوات وكل واحد هنا بيقدم مواضيع تخدم وتفيد الكل ...
افتكر ان احد الاعضاء فى السعوديه حاليا افتكر كلامه وهو بيقول ان الحاجه والحيده اللى مهونه عليه غربته هو المنتدى ده اللى بيحسسه انه مش فى غربه يا ترى ده ليه ؟؟؟؟
ده لانه شايف انه بين اخواته وعلى اتصال دايم بيهم ....
انا طبعا يشرفنى انى فى المنتدى هنا معاكم .....
واحب اقول بالنسبه لتوقف المنتدى لايام (ماعتقدش ان لو ليا واصدقاء وانا بحبهم و بقابلهم دايما فى مكان معين وهما سافروا لفترة اعتقد لما يرجعوا هروحلهم وانا نفسى اشوفهم اكتر من الاول مش هسيبهم واقول خلاص ) ياريت تطبقوا الفكره دى بس على الناس اللى بيحبوا المنتدى وبيهتموا لامره .

[geography_man2010]

احنا فعلا بنحبه واكيد فى ظروف هىى الى بتمنعنا

[محمد الفرارجي]

الأول سلام عليكم وعايز أحيكي عالموضوع الجميل ده طبعا بصوا بقى وهنتكلم بصراحة طبعا:

1- المنتدى موضوع إنه بيقع ومفيش ميعاد محدد لجوعه بيبقى فعلا محبط ومش بيخليني أتابع لأني مش عارف هوه شغال وألا مش شغال.

2- موضوع الشللية ما اعتقدش إنه لسه موجود في المنتدى وفيه فريق ضد فريق أو غيره فدي تقريبا انتهت من فترة خلاص وكلنا عارفين ده كويس.

3- موضوع الردود أنا مش مقتنع إن جودة الموضوع بالردود طيب ما أنا في يوم اشتركت أنا والمهندس محمد هاشم في موضوع في غاية التفاهة عشان نبرهن للناس إن العبرة في الموضوع مش بالردود وقعدنا طول الليل مشاركات لحد ما أخد كل واحد فينا نجمة زيادة وطبعا بلاش نجيب اسم الموضوع.

فالعبرة بقيمة الموضوع العلمية والثقافية ومدى المتابعة فيها.

4- بالنسبة للموضوعات إللي بيحذفها المشرفين وأنا منهم.

بيبقى فيه حاجة إسمها شروط أو قوانين الكتابة في القسم لو كل واحد كلف خاطره يشوفها قبل ما يكتب هيريح ويستريح.

فمثلا أنا في المساحة الأرضية ما يجيش واحد يكتب لي مقالة شكر أو يكتب لي عن سؤال مش محله أويكرر موضوع بعينه بنفس العنوان أو يكتب في غير التخصص .
كل ده بيخليني إما أحذف المقالة أو أنقلها.

النقل هنا بأسيب اللينك بتاعها موجود في القسم لمدة شهر مثلا وبينكتب جنبها أتوماتيك إنها منقولة لقسم كذا .
طيب أنا مشغول جدا وفيه أوقات بأدخل القسم لمدة مش بتزيد عن نص ساعة كل فين وفين لو كل واحد هشيل موضوعه هبعت له رسالة عالخاص مش هعرف لا أشيل ولا أبعت.

طيب إيه الحل؟

- باختصار شديد يتعمل أمر معين باظهار رسالة عالخاص لصاحب الموضوع بأي حركة تمت على موضوعه ويبقى خلصنا من الموال إللي بيزعل الناس مننا.

5- موضوع تغيير شكل المنتدى طبعا العبرة مش بالشكل لكن التغيير كويس برضه وكل ما كان بسيط كل ما كان أفضل بالطبع.

6- هوه بس عايزين نقرب من اهتمامات الناس أكتر شوية نشوف همه عايزين إيه في حدود المسموح ونعمله . عايزين تفاعل أكتر فعلا.

وحقيقي الادارة الجديدة ما شاء الله عليها وباين قوي في المستوى في الفترة الأخيرة؟.

ونفسي بجد نقعد مع بعض ونحط خطة لمدة 6 شهور بالتفصيل ونقول هنعمل فيها إيه.

ربنا يوفق الجميع
سلام عليكم

[حنين الحياة]

فينك ياهبه من زمان وحشتينا يابنتي...

انا هتكلم بصراحه جدا:الي بيحصل بجد بعضنا لما يجي يكتب موضوع تعب فيه بجد وما يلقيش ردود عليه ولو لقي ردود يلاقيها بسيطه جدا فيحبط الكاتب فيقرر انه مش هيكتب تاني وممكن ينسحب من المنتدي

وكمان التركيز علي بعض الاعضاء دون الاخرين وده طبعا بيزعل بعضنا

وروح الاخوه بقيت تقل كمان
وطبعاالمنتدي محتاج للتحديث عشان يجذب اعضاءه

وسلامي للجميع

[alaa eid]

اولا بشكرك ياهبة علي الموضوع الجميل دا
ثانيا كانت الايام اللي فاتت المنتدي فعلا في حالة ركود وكسل كبير
بس دلوقتي الحمد لله بدأنا نرجع تاني وفيه مشرفين واعضاء بشوفهم بيدخلوا تاني
يارب يفضل منتدانا دايما في تقدم مستمر

[Hend Elhabet]

السلام عليكم ورحمة الله وبركاته
بجد والله تسلم ايدك وفعلا انا عايز اقول حاجة بس ياريت محدش يزعل منى
انا ملاحظ ان المنتدى نايم فعلا ده اولا
ثانيا فين طلاب الفرقة الرابعة انا مش عارف دول هم المفروض اكبر ناس فى قسمهم
وهم اللى هيمدوا الطلبة بالمواد العلمية
بجد والله احنا مفتقيدنهم طب انا عايز اقولكم على حاجة وبردو محدش يزعل منى
فاكرين المنتدى ايام اسلام ممدوح وايمن جمال ونهى شعبان وحسن محمد .................
وده مش معناه انى بقلل من الادارة "حاشا لله " وانما كان فى تعاون
ياريت تتقبلو وجهة نظرى

[B]

السلام عليكم اولا
اولا شكرا ليكي يا هبه ع الموضوع بجد حلو وف وقته
ثانيا يا احمد انت عندك حق مشاركات الفرقة الرابعة فعلا مش كتير ويمكن ده له اسباب كتير اوى تختلف من شخص لاخر فينا
بس يعنى المنتدى مش طلاب الفرقة الرابعة بس لا وانتو كمان والفرقة الثانية والاولى والخريجين والعاملين ف مجال نظم المعلومات وف مجال الخرائط والمساحة والدكاترة والمعيدين يعنى المنتدى قائم علينا كلنا
بس ده طبعا لا يعنى اننا مناخدش ملاحظتك دى برضو ونخلي بالنا منها ونحاول فعلا نشارك بشكل اكبر شوية
وشكرا ليك على ملاحظتك
وشكرا ليكي يا هبه وعاوزة اقولك ان من اسباب تغيبي لفترة عن المنتدى (على المستوى الشخصى يعنى) الدراسة والكلية مش اكتر يعنى ممكن اقول انه سبب الانشغال زى ما قولتى ف بعض الاسباب
(معليش مشغول):D:D

[/B]

[Mohamed Hashem]

أولا - لازم أعبر عن إعجابى الشديد بالموضوع لأهميته فى هذا الوقت وحساسيته لدى البعض ..
ثانيا - أحلى جملة عجبتنى

كتابة موضوع أفضل مليون مره من نقله أو نسخه من منتدى هل نقل الموضوع لة تأثيرعلى نجاح المنتدى؟؟

وأعتقد ان دى هى مربط الفرس .. النقل يضعف المنتدى .. وقلنا أكثر من مرة هذا الكلام
أغلب المنتديات العربية محتواها واحد لأنه منقول .. لأن الإقتباس أسهل حاجه .. للأسف ..
بالمناسبة محمد الفرارجى قال مرة .. دول عربيات نقل ... هههههه فعلا والله مجرد سيارات للنقل
لكن فى رأيى .. الموضوع المنقول لا يساوى سوى كليك .. كليك .. صوت نقر الماوس فى كوبى بيست
مش متخيل ان العضو الذى ينقل .. يتصور أن هذا الموضوع الذى قرأه .. لم يقرأه غيره ..
هل تتخيل أنك وحدك اللى بتلف فى المنتديات تدور على حاجه جديدة .. هل تخيلت ان جوجل بيشتغل على جهازك انت بس ..؟؟؟؟؟ هل جربت مرة .. انك تألف من دماغك بدل اللف .. تتفاعل مع محيطك وتكتب بدل النقل ..
الأدهى ان الكاتب - بعد النقل - يزعل من قلة الردود
ولما يحصل تكرار فى المواضيع - ودا منطقى جدا جدا ونتيجة طبيعبة - يزعل لما موضوعه يتحذف !!!!!!!
أفضل ليا ألف مرة أن أكون قارئا جيدا من أن أكون كاتبا ناقلا . ..
المنتدى دا أعتبره زى المجلة أو الجريدة العلمية المتخصصة .. حد شاف محرر مستنى لما الأهرام تطلع .. يأخذ مقالة ينشرها فى الأخبار .... !!!
ياريت كل النقل يرخص ملاكى .. وحتلاقى المنتدى قبلة للزوار والمسجلين
أنا مرخص ملاكى .. احم سورى .. خلصت كلامى
برافو يا بيبو .. ومرحبا بك فى عالم الملاكى
صورة بقى علشان أبعت لك الرخصة