كل دول تركوا المنتدي..طب هيدخلوا تاني وينورونا ....لا.لا..طب ليه محتاجين رأيكم بشدة

[geography_man2010]

احنا فعلا بنحبه واكيد فى ظروف هىى الى بتمنعنا

[محمد الفرارجي]

الأول سلام عليكم وعايز أحيكي عالموضوع الجميل ده طبعا بصوا بقى وهنتكلم بصراحة طبعا:

1- المنتدى موضوع إنه بيقع ومفيش ميعاد محدد لجوعه بيبقى فعلا محبط ومش بيخليني أتابع لأني مش عارف هوه شغال وألا مش شغال.

2- موضوع الشللية ما اعتقدش إنه لسه موجود في المنتدى وفيه فريق ضد فريق أو غيره فدي تقريبا انتهت من فترة خلاص وكلنا عارفين ده كويس.

3- موضوع الردود أنا مش مقتنع إن جودة الموضوع بالردود طيب ما أنا في يوم اشتركت أنا والمهندس محمد هاشم في موضوع في غاية التفاهة عشان نبرهن للناس إن العبرة في الموضوع مش بالردود وقعدنا طول الليل مشاركات لحد ما أخد كل واحد فينا نجمة زيادة وطبعا بلاش نجيب اسم الموضوع.

فالعبرة بقيمة الموضوع العلمية والثقافية ومدى المتابعة فيها.

4- بالنسبة للموضوعات إللي بيحذفها المشرفين وأنا منهم.

بيبقى فيه حاجة إسمها شروط أو قوانين الكتابة في القسم لو كل واحد كلف خاطره يشوفها قبل ما يكتب هيريح ويستريح.

فمثلا أنا في المساحة الأرضية ما يجيش واحد يكتب لي مقالة شكر أو يكتب لي عن سؤال مش محله أويكرر موضوع بعينه بنفس العنوان أو يكتب في غير التخصص .
كل ده بيخليني إما أحذف المقالة أو أنقلها.

النقل هنا بأسيب اللينك بتاعها موجود في القسم لمدة شهر مثلا وبينكتب جنبها أتوماتيك إنها منقولة لقسم كذا .
طيب أنا مشغول جدا وفيه أوقات بأدخل القسم لمدة مش بتزيد عن نص ساعة كل فين وفين لو كل واحد هشيل موضوعه هبعت له رسالة عالخاص مش هعرف لا أشيل ولا أبعت.

طيب إيه الحل؟

- باختصار شديد يتعمل أمر معين باظهار رسالة عالخاص لصاحب الموضوع بأي حركة تمت على موضوعه ويبقى خلصنا من الموال إللي بيزعل الناس مننا.

5- موضوع تغيير شكل المنتدى طبعا العبرة مش بالشكل لكن التغيير كويس برضه وكل ما كان بسيط كل ما كان أفضل بالطبع.

6- هوه بس عايزين نقرب من اهتمامات الناس أكتر شوية نشوف همه عايزين إيه في حدود المسموح ونعمله . عايزين تفاعل أكتر فعلا.

وحقيقي الادارة الجديدة ما شاء الله عليها وباين قوي في المستوى في الفترة الأخيرة؟.

ونفسي بجد نقعد مع بعض ونحط خطة لمدة 6 شهور بالتفصيل ونقول هنعمل فيها إيه.

ربنا يوفق الجميع
سلام عليكم

[حنين الحياة]

فينك ياهبه من زمان وحشتينا يابنتي...

انا هتكلم بصراحه جدا:الي بيحصل بجد بعضنا لما يجي يكتب موضوع تعب فيه بجد وما يلقيش ردود عليه ولو لقي ردود يلاقيها بسيطه جدا فيحبط الكاتب فيقرر انه مش هيكتب تاني وممكن ينسحب من المنتدي

وكمان التركيز علي بعض الاعضاء دون الاخرين وده طبعا بيزعل بعضنا

وروح الاخوه بقيت تقل كمان
وطبعاالمنتدي محتاج للتحديث عشان يجذب اعضاءه

وسلامي للجميع

[alaa eid]

اولا بشكرك ياهبة علي الموضوع الجميل دا
ثانيا كانت الايام اللي فاتت المنتدي فعلا في حالة ركود وكسل كبير
بس دلوقتي الحمد لله بدأنا نرجع تاني وفيه مشرفين واعضاء بشوفهم بيدخلوا تاني
يارب يفضل منتدانا دايما في تقدم مستمر

[Heba Bebo]

اولا بشكرك ياهبة علي الموضوع الجميل دا

ثانيا كانت الايام اللي فاتت المنتدي فعلا في حالة ركود وكسل كبير
بس دلوقتي الحمد لله بدأنا نرجع تاني وفيه مشرفين واعضاء بشوفهم بيدخلوا تاني
يارب يفضل منتدانا دايما في تقدم مستمر

عفوا يا لولو يا عسل


ربنا ما يجيب ولا ركود ولا كسل

ماهم بيدخلوا يقدموا استقالتهم ويمشوا
:dots:



ربنا معاهم ومعانا


ونورتيني

[sweet girl]

يااااااااااه يا بيبو
وحشتينى اوووووى ووحشتنى موضوعاتك وكلامك الجميل
ووحشونى كل الاعضاء والمنتدى كله
بس بما انك كاتبه موضوع جميل زى ده
فهفضفض معاكى شويتين
يعنى بالنسبه ان الاعضاء بطلوا يدخلوا
فده لانهم اكيد مشغولين وانتى عارفه الحياه وخاصه فالدراسه
بس اقولك بصراحه يا هبه
السنه اللى فاتت كنت ببقا مشغوله جداااا وبرجع من كليتى خلصاااااااااانه
مع ذلك كنت بقعد ع المنتدى ولازم لازم افتحه كل يوووووم حتى لو هموت من التعب
لكن فالفتره اللى فاتت حسيت ان المنتدى مبقاش زى الاول
من فتره قريبه يابيبو وبعد ما غيبت عن المنتدى كتير
لما فتحته حسيت بغرابه وملل
يعنى حسيت المكان جديد
ولاقيت ماشاء الله الاعضاء الجدد كتير جدا
والمشرفين كمان اغلبهم اتغير
لما جيت اسجل دخول
قولت ان اكيد الناس نسيتنى خلاص
وطبعا الاعضاء الجداد مش عارفنى اصلااااااااااا
فحسيت انى هبقا غريبه ومش هحس بالروح اللى كنت بحس بيها
فمسجلتش دخول وقفلت الصفحه
بس امبارح فكرت فانى ارجع من تانى واتاقلم على التجديد اللى حصل
يعنى بصراااااااحه اشتاقتلكم اوى
ووحشتني الايام الجميله اللى كنت بقضيها معاكو
لان انا الاول فعلا كان يومى بيبقا ما بين الكليه والمتطلبات اللى ورايا والمنتدى
بشكرك اوى يا بيبو يا حبيبي على التوبيك الرائع ده واللى خلانى اقول اللى جوايا
وياااااارب نكون متجمعين دايما
جزاكى الله خيراااااااا

[Heba Bebo]

يااااااااااه يا بيبو
وحشتينى اوووووى ووحشتنى موضوعاتك وكلامك الجميل
ووحشونى كل الاعضاء والمنتدى كله
بس بما انك كاتبه موضوع جميل زى ده
فهفضفض معاكى شويتين
يعنى بالنسبه ان الاعضاء بطلوا يدخلوا
فده لانهم اكيد مشغولين وانتى عارفه الحياه وخاصه فالدراسه
بس اقولك بصراحه يا هبه
السنه اللى فاتت كنت ببقا مشغوله جداااا وبرجع من كليتى خلصاااااااااانه
مع ذلك كنت بقعد ع المنتدى ولازم لازم افتحه كل يوووووم حتى لو هموت من التعب
لكن فالفتره اللى فاتت حسيت ان المنتدى مبقاش زى الاول
من فتره قريبه يابيبو وبعد ما غيبت عن المنتدى كتير
لما فتحته حسيت بغرابه وملل
يعنى حسيت المكان جديد
ولاقيت ماشاء الله الاعضاء الجدد كتير جدا
والمشرفين كمان اغلبهم اتغير
لما جيت اسجل دخول
قولت ان اكيد الناس نسيتنى خلاص
وطبعا الاعضاء الجداد مش عارفنى اصلااااااااااا
فحسيت انى هبقا غريبه ومش هحس بالروح اللى كنت بحس بيها
فمسجلتش دخول وقفلت الصفحه
بس امبارح فكرت فانى ارجع من تانى واتاقلم على التجديد اللى حصل
يعنى بصراااااااحه اشتاقتلكم اوى
ووحشتني الايام الجميله اللى كنت بقضيها معاكو
لان انا الاول فعلا كان يومى بيبقا ما بين الكليه والمتطلبات اللى ورايا والمنتدى
بشكرك اوى يا بيبو يا حبيبي على التوبيك الرائع ده واللى خلانى اقول اللى جوايا
وياااااارب نكون متجمعين دايما
جزاكى الله خيراااااااا

اللهم صلي علي النبي

انا اول مرة افرح بالموضوع ده لاني فعلا حسيت انك قلتي اللي جواكي وارتحتي




عندك حق يا هنودة فعلا الفترة اللي فاتت كانت راكدة جدا بس التغيير في اي مكان بيبقي تابع له سكون

ياتري مين اللي جاي وليه الناس الحلوة مشيت ؟

ومرمر فينها والناس الخضر دول



بس دعينا نتفائل

ونقول ان مرمر لها حياة جديدة وجميلة ربنا ييسرها لها وسايبة رجالة


وربنا يهنيها ف حياتها ويسعدها


ولولو برضه بتدخل بس لها ظروف

وحسن واصدقائنا اللي بنوا المنتدي علي كتفهم عارفة كل ما يفتحوا صفحة المنتدي ويلاقيه شغال ويلاقي موضوعاته بتتجدد والحمد لله بيفرح وبيقول وحشتوني وهو كمان او هي وحشتنا جدا


روحهم معنا بافكارهم الحلوة ولازم المنتدي يستمر بناس حلوة برضه وتلك الايام


لان ع راي الحاجة اطاطا

هو في حاجة يبني بتفضل ع حالها



ع العموم ردك طمني وفحني انك ف الاخر فتحتي الصفحة ورجعتلنا وهديتي قلبنا


المهم انك متمشيش واعرفي ان لو ظروف اعترضتك انتي ف قلوبنا وعقلنا لحد ما ترجعي ممكن ترجعي متلاقيناش

بس الناس الجديدة اللي بتقرا مشاركاتك وتشوف شهادة تقديرك اللي كرمتي بها وبتاعتي اللي انا عملتهالك وانتي تستاهل ذهب واغلي كمان


فهتفرحي وهم كمان هتلاقيهم عارفينك

نورتينا يا هنودة

[Mohamed Hashem]

أولا - لازم أعبر عن إعجابى الشديد بالموضوع لأهميته فى هذا الوقت وحساسيته لدى البعض ..
ثانيا - أحلى جملة عجبتنى

كتابة موضوع أفضل مليون مره من نقله أو نسخه من منتدى هل نقل الموضوع لة تأثيرعلى نجاح المنتدى؟؟

وأعتقد ان دى هى مربط الفرس .. النقل يضعف المنتدى .. وقلنا أكثر من مرة هذا الكلام
أغلب المنتديات العربية محتواها واحد لأنه منقول .. لأن الإقتباس أسهل حاجه .. للأسف ..
بالمناسبة محمد الفرارجى قال مرة .. دول عربيات نقل ... هههههه فعلا والله مجرد سيارات للنقل
لكن فى رأيى .. الموضوع المنقول لا يساوى سوى كليك .. كليك .. صوت نقر الماوس فى كوبى بيست
مش متخيل ان العضو الذى ينقل .. يتصور أن هذا الموضوع الذى قرأه .. لم يقرأه غيره ..
هل تتخيل أنك وحدك اللى بتلف فى المنتديات تدور على حاجه جديدة .. هل تخيلت ان جوجل بيشتغل على جهازك انت بس ..؟؟؟؟؟ هل جربت مرة .. انك تألف من دماغك بدل اللف .. تتفاعل مع محيطك وتكتب بدل النقل ..
الأدهى ان الكاتب - بعد النقل - يزعل من قلة الردود
ولما يحصل تكرار فى المواضيع - ودا منطقى جدا جدا ونتيجة طبيعبة - يزعل لما موضوعه يتحذف !!!!!!!
أفضل ليا ألف مرة أن أكون قارئا جيدا من أن أكون كاتبا ناقلا . ..
المنتدى دا أعتبره زى المجلة أو الجريدة العلمية المتخصصة .. حد شاف محرر مستنى لما الأهرام تطلع .. يأخذ مقالة ينشرها فى الأخبار .... !!!
ياريت كل النقل يرخص ملاكى .. وحتلاقى المنتدى قبلة للزوار والمسجلين
أنا مرخص ملاكى .. احم سورى .. خلصت كلامى
برافو يا بيبو .. ومرحبا بك فى عالم الملاكى
صورة بقى علشان أبعت لك الرخصة

[Mohamed Hashem]

لا كلامك مش غلط يا هبه
كل ما هنالك ان المنتدى بالنسبة لى الناس اللى فيه
حاجه كده زى انا بحب بلدى لان اتولدت فيها واتربيت فيها وكمان فيها ابويا وامى و اهلى واصحابى .. الخ
لو مفهاش كل ده يبقى مش حيكون فى حاجه تخلينى احبها
على العموم مش مختلفين ... بس يظهر انك قرأتى آخر مشاركة ليا فقط .. فى واحده تانية كمان قبلها على طول . . شوفيها
بالمناسبة
نشر المنتدى .. حيكون بقوة وإختلاف وتجديد مواضيعه اللى بتطلع للباحث فى محركات البحث
إحنا كده بنعمل دعاية للفيس بووك
وعلى رأى القائل
تقبلوا مرورى

[eslam mamdouh]

موضوع ممتاز فوق الوصف يا استاذه هبه

الواحد مش عارف يقول شكرا او اى كلمه وجزاكم الله كل خير

موضوع ممتاز جدا ومكناقشه فكره وقضيه بشكل مميز ورائع جدا فوق الوصف

لكن الاسباب كتيييييييييير اوى

فى منها مثلا الشغل....او الدراسه .....او ان اصحابى خلاص سابوا المنتدى وحاسس انى بقيت وحيد فى المنتدى
او حاسس انى بكتب الموضوع بلاقى ان مفيش اهتمام به ومفيش ردود

وفى ناس بيدخلوا المنتدى بيدوروا على حاجه معينه فيه معلومه برنامج او ما شابه ولما بياخدوه خلاص بينقطعوا عنه لفتره.....

ممكن كمان ناس بيدخلوا ليهم مكانه علميه عاليه لكن لما بيلاح0ظوا ان المنتدى فيه نواحى ترفيهيه اعلى من الازم بيكون ده سبب لعدم التردد عليه........

لكنه فى النهايه مش المعيار الاساسى عدد اااعضاء فى المنتدى

لكن المعيار هو ما يقدمه كل عضو من معلومات نشاط كل عضو فىلا المنتدى وتفاعل الاعضلء مع الموضوعات الموجوده


لكن فى النهايه بيكون السبب الاساسى هو مشاغل مش اكثر....لان طبيعه شغل اخصائ المساحه والخرائط هو التنقل.............اغلبهم لا يعملون فى الاسكندريه وبييجوا كطل فين وفيين



شكرا جدا جدا يا استاذه هبه على الموضوع الرائع المميز ده

وجزاكى الله كل خير