كل دول تركوا المنتدي..طب هيدخلوا تاني وينورونا ....لا.لا..طب ليه محتاجين رأيكم بشدة

[Mohamed Hashem]

السلام عليكم ورحمة الله وبركاته

بجد والله تسلم ايدك وفعلا انا عايز اقول حاجة بس ياريت محدش يزعل منى
انا ملاحظ ان المنتدى نايم فعلا ده اولا
ثانيا فين طلاب الفرقة الرابعة انا مش عارف دول هم المفروض اكبر ناس فى قسمهم
وهم اللى هيمدوا الطلبة بالمواد العلمية
بجد والله احنا مفتقيدنهم طب انا عايز اقولكم على حاجة وبردو محدش يزعل منى
فاكرين المنتدى ايام اسلام ممدوح وايمن جمال ونهى شعبان وحسن محمد .................
وده مش معناه انى بقلل من الادارة "حاشا لله " وانما كان فى تعاون

ياريت تتقبلو وجهة نظرى

ليه يا احمد نزعل ؟
تحب أكمل لك القايمة ؟ كمان : مرمر - ميرامار - ميمى - أيمن جمال - محمود سليم - موبوتو - زوما - اوليفيا نادر - مروة مجدى - رانيا اسماعيل ..... الخ
انا برضه وحشتنى الايام دى

[Heba Bebo]

ليه يا احمد نزعل ؟
تحب أكمل لك القايمة ؟ كمان : مرمر - ميرامار - ميمى - أيمن جمال - محمود سليم - موبوتو - زوما - اوليفيا نادر - مروة مجدى - رانيا اسماعيل ..... الخ
انا برضه وحشتنى الايام دى

كلام تمام و100 100

بس احنا بنواجه مشكلة اخونا حسن مشغووووووووول في عمله ربنا يكرمه

وهو كان انسان مش هقدر اوفيه حقه

وشخصية محبوبة

فمش بيدخل عشان حياته اللي لازم كان يسيبنا في يوم م الايام وهيرجع تاني بعد الاستقرار

والحال هيمشي علي كل من سبق ذكره

يبقي احنا نكرمهم اننا نكبر المنتدي اكتر واكتر لان دول الاساس


واما يستقروا ويعودوا لنا هيلاقوا حلو يفرحوا به

وسئ لاقدر المولي يعدلوه

كلامي غلط يا هندسة


اما الفرق 1 .2 .3 .4

فبيدخلوا

بس مش يدونا

لا للاسف

يدوروا علي شئ واخر رد عندهم مشكور او لو رد

مش بيدخل تاني

الا قلة منهم احمد حسني محمد علي

والمشرفين اللي لم يتخرجوا بعد

دول بيعطونا اكثر مما ياخذوا

ياريت نحاول ننشر المنتدي الجميل عن طريق صفحة الفيس بوك اللي موجودة في الاعلانات اللي فوق

يبقي كده بنحب المنتدي فعلا

:11ypt::11ypt::11ypt:

[Mohamed Hashem]

لا كلامك مش غلط يا هبه
كل ما هنالك ان المنتدى بالنسبة لى الناس اللى فيه
حاجه كده زى انا بحب بلدى لان اتولدت فيها واتربيت فيها وكمان فيها ابويا وامى و اهلى واصحابى .. الخ
لو مفهاش كل ده يبقى مش حيكون فى حاجه تخلينى احبها
على العموم مش مختلفين ... بس يظهر انك قرأتى آخر مشاركة ليا فقط .. فى واحده تانية كمان قبلها على طول . . شوفيها
بالمناسبة
نشر المنتدى .. حيكون بقوة وإختلاف وتجديد مواضيعه اللى بتطلع للباحث فى محركات البحث
إحنا كده بنعمل دعاية للفيس بووك
وعلى رأى القائل
تقبلوا مرورى

[eslam mamdouh]

موضوع ممتاز فوق الوصف يا استاذه هبه

الواحد مش عارف يقول شكرا او اى كلمه وجزاكم الله كل خير

موضوع ممتاز جدا ومكناقشه فكره وقضيه بشكل مميز ورائع جدا فوق الوصف

لكن الاسباب كتيييييييييير اوى

فى منها مثلا الشغل....او الدراسه .....او ان اصحابى خلاص سابوا المنتدى وحاسس انى بقيت وحيد فى المنتدى
او حاسس انى بكتب الموضوع بلاقى ان مفيش اهتمام به ومفيش ردود

وفى ناس بيدخلوا المنتدى بيدوروا على حاجه معينه فيه معلومه برنامج او ما شابه ولما بياخدوه خلاص بينقطعوا عنه لفتره.....

ممكن كمان ناس بيدخلوا ليهم مكانه علميه عاليه لكن لما بيلاح0ظوا ان المنتدى فيه نواحى ترفيهيه اعلى من الازم بيكون ده سبب لعدم التردد عليه........

لكنه فى النهايه مش المعيار الاساسى عدد اااعضاء فى المنتدى

لكن المعيار هو ما يقدمه كل عضو من معلومات نشاط كل عضو فىلا المنتدى وتفاعل الاعضلء مع الموضوعات الموجوده


لكن فى النهايه بيكون السبب الاساسى هو مشاغل مش اكثر....لان طبيعه شغل اخصائ المساحه والخرائط هو التنقل.............اغلبهم لا يعملون فى الاسكندريه وبييجوا كطل فين وفيين



شكرا جدا جدا يا استاذه هبه على الموضوع الرائع المميز ده

وجزاكى الله كل خير

[Heba Bebo]

بصراحه موضوع واسلوب مشرف جدا

وانا بيؤسفني تدني المنتدي في الفتره الاخيره

وكان محسسني بالياس

لكن الحمد الله ان الصحوه رجعت تاني ويارب تثبت

اما عن اسباب هجره الاعضاء من المنتدي فهي كثيره

منها افتقد الروح الاسريه وانعدام الانشطه الاجتماعيه بين الاعضاء

لان دي كانت بتزيد الروح الاسريه بين الاعضاء وان شاء الله حيكون في يوم اجتماعي قريب جدا

غياب العديد من المشرفيين عن متابعه اقسامهم وده بيؤدي الي رقود الاقسام

الغياب الاداري الغير متضح الملامح ولا الاسباب والخمول التنفيذي في صياغه الفكار

بصراحه يا هبه انا مكنتش عايز ارد عشان عارف اني حلبخ هههههههههه

بس كفايه عليكم كده

لان المنتدي حيكون اقوي من اي وقت الايام القادمه

واحنا مادين ايدينا لاي حد عايز يقف معانا ويشاركنا مش حنقول لحد تعالي

شكرا ليكي جدا يا هبه

جزاكي الله كل خير

والله سعيدة بردك يا علي علي الموضوع


انا معاك في كل كلمة قلتها


يمكن اللي اعرفه هعلق عليه


حتة الانشطة الاجتماعية هي اكيد بسبب انشغال در سيد ف مشروعات جديدة

واحنا ف اخر اجتماع كان في مناقشة ليوم جديد ونتجمع فيه

واكيد هتتنفذ

بس يمكن الدكتور منتظر الافراد ام يعودوا من مشروع التخرج




هم جم كلهم باين

:cc_rip:


وحتة الغياب الاداري فالاعتمادية كلها علي الباشمهندس محمد جابر علي الله يعينه برضه



فإنشاء الله المنتدي قائم بيك وبكل المشاركين فيه

ومنورني ردك وتشجيعك ليا ولغير علطول

[Heba Bebo]

وحشتنى مواضيعك الجميلة دى يا هبة بس انتى وحشتينى أكتر يا حبيبة قلبى

بجد المنتدى وحشنى جداااا جداااا ويارب ارجع معاكوا من تانى

ونتجمع دايما على الخير يا رب

والله اقولك ايه بس
:cc_rip:
نفسي ترجعيلنا تاني بس انا عارفة ان هي ظروف ربنا يعينك


شرفتيني في الموضوع البسييييييييييييط ده


اتمني لكي رضا الرحمن دائما

[Heba Bebo]

اولا احب اشكرك يا هبه انا شايف ان فى اهتمام من القلب بالمنتدى ....

ربنا يكرمك ويجازيك خير احنا بنحب المنتدي فبنعطيله ومش منتظرين منه الا التقدم

اولا احب اقول ان المنتدى شدنى جدااا لدرجة انى ماعنتش بدخل على المنتديات اللى كنت بتابعها باستمرار وانا شايف ان المنتدى مش مجرد منتدى عادى ....
احنا كلنا هنا اخوات وكل واحد هنا بيقدم مواضيع تخدم وتفيد الكل ...

ده هدفنا والله

افتكر ان احد الاعضاء فى السعوديه حاليا افتكر كلامه وهو بيقول ان الحاجه والحيده اللى مهونه عليه غربته هو المنتدى ده اللى بيحسسه انه مش فى غربه يا ترى ده ليه ؟؟؟؟
ده لانه شايف انه بين اخواته وعلى اتصال دايم بيهم ....
انا طبعا يشرفنى انى فى المنتدى هنا معاكم .....

واحنا يزيدنا كل شرف ومحبة بيك

واحب اقول بالنسبه لتوقف المنتدى لايام (ماعتقدش ان لو ليا واصدقاء وانا بحبهم و بقابلهم دايما فى مكان معين وهما سافروا لفترة اعتقد لما يرجعوا هروحلهم وانا نفسى اشوفهم اكتر من الاول مش هسيبهم واقول خلاص ) ياريت تطبقوا الفكره دى بس على الناس اللى بيحبوا المنتدى وبيهتموا لامره .

كلامك جميل وانضمامك لينا اجمل يا مصطفي


ربنا يكرمك ويجعل محبتك دائمة لينا


واحنا ف خدمتك وتحت امر اي شخص في اي وقت علي قدر الاستطاعة نورتني وشرفتني



وماتغيبش عننا بقي:11ypt:

[Soma]

فكرة عرض الموضوع بجد فكرة ممتازة جدا ميرسى جدا يا هبة
هو فعلا حسيت بركود غريب فى المنتدى مش حاسة بالتعاون والقرب بين الاعضاء زى زمان عارفة الاول ماكنتش بسيب المنتدى بس بعد كدة انشغلت بدراستى كان وريا امتحانات ورا بعض عشان الكورسات وبعديها الكلية بس كنت بحاول ادخل بعض الاوقات كنت بحس بملل غريب حاسة انه مش ده المنتدى اللى كنت واخدة عليه مش عارفة اوصفلك بالضبط واوقات الاقى المتتدى مش بيفتح عندى خالص واتكررت معايا كتير جدا فمبقتش افتح الكمبيوتر اصلا
وكمان السؤال على بعض يعنى العضو لما يغيب شوية ويلاقى الناس بتسال عنه ده يحسسه ان فعلا ليه اصحاب بيحبوه وفاكرينه دايما وانه مهم فى المنتدى زى كل الاعضاء وحاجة تانية فى اعضاء كلامهم لاذع ممكن ميكونوش بيقصدوا بس ياريت كل واحد يخلى باله من طريقة كلامه عشان بتوجع اوى الحكاية دى
والاهتمام بالاعضاء الجدد يعنى مش نرحب بيهم وبس كدة نساعدهم مثلا فى ناس مش بتعرف ازاى تنسق مثلا ونقرب منهم عشان ميسبوش المنتدى
وفعلا عدم الاهتمام بالمواضيع بيدايق جدا حتى لو الموضوع مش حلو الناس تقول رايها فيه بصراحة عشان بجد مش بحب المجاملة بحب النقد البناء بحيث اعرف ايه غلطى ومكررهوش تانى
عارفة كنت ناوية فى موضوع ليا مستنية بس اخلصه ومدخلش تانى عشان فى ناس متابعة معايا وحابين الموضوع فقلت اكملوا بس عشانهم وعشان حابة انى اكمله معاهم بس بعد كدة رجعت فى فكرتى دى لما لقيت المنتدى بدأ يرجع تانى من حالة الركود دى
ارجو ان كلامى ميكونش ضايق حد احنا قولنا نتكلم بصراحة صح ولا ايه
جزاكى الله كل خير يا هبة

[دكتور / السيد الزغبى]

حقيقى احييكى يا استاذة هبة على هذا الموضوع واحييى كل الزملاء الذين قاموا بالرد فجمعيكم شخصيات محترمة لها كل التقدير وها نحن نعمل سويا وباستمرار على تطوير هذا المنتدى وفقنا الله الى مافيه الخير

[Ahmed Waheed Shalaby]

فى اعتقادى ايضا ان المنتدى موجود فية صندوق محادثة

الصندوق دة يا جماعة غير مفعل ومهجور وصراحة منظرة وحش من غير محادثات موجودة فية لانة فى اول المنتدى

واعتقد ان تفعيلة باى صورة وتطويرة حيكون لية اثار ايجابية لما الزائر يدخل ويشوف ان فى تواصل ونقاشات دائرة فى المنتدى حيحس ان المنتدى شغال تمام

واكيد حيسجل وحيتفاعل ياريت تتقبلوا وجهة نظرى ويكون فية تفعيل لصندوق المحادثات