حجاب أمريكيه سبب فى إسلام أستاذ جامعى أمريكى

[Mimi]

كل مسلم فينا لازم يبقى عارف ان أقل تصرف أحمق منه ممكن يحرم اللي قدامه من نعمة الاسلام وأقل تصرف كويس منه ممكن يهديه لطريق الحق والبنت دي انا فخورة بحكمة تصرفها ورجاحة عقلها

وبالمناسبة حبيت احكي قصة صغيرة للمناسبة دي

كان في امام مسجد عايش في لندن وكان كل يوم في ساعة معينة بيركب باص عشان يوصل للمسجد دا لانه كان بعيد عن منطقته وكان سائق الباص دا عارفه لانه كل يوم بيركب معاه
المهم في يوم من الايام ركب الاماام دا الباص وبعدين دفع الأجرة كالعادة وكان ليه باقي ..فرجعله الباقي زايد 20 سنت ..20 سنت يعتبرو ولا حاجة يعني ميعملوش حاجة يعني ..فالامام دا باه باه يقول في نفسه ارجعهم للسائق ولا أخليهم معايا وخلاص ..يعني هما هيعملو ايه دول ميعملوش حاجة ويمكن حتى دا يعتبر رزق من عند ربنا ارفضه ليه

المهم فضل يحاور نفسه كدا وخلاص باه تناسى الموضوع ومفكرش فيهم بس وهو نازل من الباص لقى نفسه بيطلع ايده من جيبه وبيدي للسائق باقي الـ 20 سنت الزيادة دول وقاله دول زيادة في باقي الاجرة
فبص لقى السائق بصله وابتسم وقاله انا تعمدت اديلك الباقي زيادة ، فاستغربه الشيخ وسأله ايه السبب يعني ؟ قاله انا عرفت انك شيخ في المسجد اللي في الحي دا وانا معرفش حاجة عن الاسلام بس الفضول خدني في اني اتعرف على الدين الغريب دا واللي شاغل كل العالم ، فعملت الحركة دي وراهنت نفسي انك لو خدتهم مش هروح الجامع ودا وهنسى فكرة ان اعرف حاجة عنكم وعن دينكم ..بس لامانتك دي انا هروح المسجد وابحث عن دينك واشوف هو بيتكلم عن ايه

الشيخ لما سمع الكلام دا نزل من الباص مش قادر يقف على رجله وكان هيقع من طوله فسند على عمود وباه يبكي جامد وباه يقول : يا الله يا الله كنت هبيع ديني بـ 20 سنت .. الحمد لله الحمد لله

شفتو باه ياجماعة تصرفاتنا ممكن منكنش حاسين بيها بس تأكد ان في حد مراقبك ورابط تصرفك بدينك وزي ما قالنا رسولنا عليه افضل الصلاة والسلام : أحسنكم دينآ أكرمكم أخلاقآ

وشكرآ مرة تانية ليكي ياحبيبتي