طلق مراتة عشان كيس شيبسى وازازة بيبسى

[الورده البيضاء]

السلام عليكم ورحمة الله وبركاتة

شوفتوا الراجل عمل اية فمراتة اية؟؟؟؟؟؟
طلقها عشان كيش شيبسى وازازة بيبسى
اة والله مش مصدقين؟؟؟؟؟؟
طب تعالوا اسمعوا حكايتهم

وانا واقفة فطابور العيش فى الفرن الصبحية
الفرن كانت زحمة اوى وانا مش متعودة اوقف فى الطابور :D
الاقيلكم كل واحدة ماسكة ودن التانية وشغالة دودودودودودو
لفت انتباهى اتنين بيتكلموا
مكنتش باتصنت عليهم والله
ههههههههههههه
بس صوتهم كان عالى اوى
مطولش عليكم

ام ابراهيم: شوفتى ياام مصطفى؟

ام مصطفى :خير ياام ابراهيم


ام ابراهيم: ابن ام محمد طلق مراتة

ام مصطفى : لية يااختى كف الله الشر

ام ابراهيم : بيقولوا يااختى مراتة مش وراها غير اكل
الشيبسى وشرب البيبسى

ام مصطفى: بنات اخر زمن

تدخل فى النص ام جاد

ام جاد: لا يااختى مطلقهاش عشان كدة
دا طلقها عشان مبتخلفش

ام مصطفى: حقة يااختى مهو برضو حقة انة يتهنى بخلفة والعيال تجرى تحت رجلية ويعيش حياتة

وجة دورى عشان اجيب العيش واخدت عيشى ومشيت

لاحول ولا قوة الا بالله العلى العظيم
بقى عشان ربنا مكرمهاش انها تنجب اطفال يطلقها؟؟؟؟
طب لية الراجل ميحطش نفسة مكانها لقدر الله
هيكون احساسة اية اما يكون مش بينجب وزوجتة تسيبة
ولا كمان مش يسيبها بهدوء وكل واحد يروح لحالة لا بيسوء صورتها قدام الناس
انا استفذتنى الحكاية وحبيت اشوف ارائكم فيها
واتمنى اشوف ارائكم
وربنا مايحرمنا من نعمة الاطفال

[alex]

أم ابراهيم دى طويلة شوية كدا وامحوية

لو هيا تبقى جارتنا عشان هيا مورهاش حاجة غير سيرة الناس

بس بجد حاجة تضايق

سنكس على التوبك

[KAREEM]

اوعى يكون كيس الشيبسى
وازازة البيبسى اللى كنتى
قاعدة تاكلي وتشربى فيهم
على سلم القسم النهاردة
هما دووووووووووووول ؟؟؟؟؟
ربنا يستر على ولايانا

[الورده البيضاء]

أم ابراهيم دى طويلة شوية كدا وامحوية

لو هيا تبقى جارتنا عشان هيا مورهاش حاجة غير سيرة الناس

بس بجد حاجة تضايق

سنكس على التوبك

لالالالالالالالا مش هى يااليكس
طلعت واحدة تانية :D
ميرسى لمشاركتك

[الورده البيضاء]

اوعى يكون كيس الشيبسى
وازازة البيبسى اللى كنتى
قاعدة تاكلي وتشربى فيهم
على سلم القسم النهاردة
هما دووووووووووووول ؟؟؟؟؟
ربنا يستر على ولايانا

اللهم امين
ههههههههههههههههههههههههههههههههههههه
ماخدتش بالك انت من الشوكولاتة
ههههههههههههه
شكلك كانت عينك فازازة الكانز
ميرسى لمشاركتك
ومصيرك يجيلك يوم واسيحلك فية عالمنتدى
يافاضحنى
هههههههه

[alaa eid]

اولا بشكرك كتيييييييييير علي موضوعك الجميل دا
بصي بقي بصراحة بيغيظني الرجالة ان لو كان العيب من الست علي طول يسييبها ع العكس ممكن الست تستحمل الراجل لو كان عنده مشكلة اشمعني بقي
مفروض يكون في رضا من الناحيتين باللي كتبه ربنا ليهم بس ربنايهدي الرجالة
وفي رجالة والله بيقدروا وبيستحملوا
وربنا يكرم كل من حرم من نعمة الولد ويكرم كل انسان بالاطفال

[الورده البيضاء]

وربنا يكرم كل من حرم من نعمة الولد

اوبااااااااااا
ومالهم البنات يالووووووول
طب والله احيانا الواحد بينجب ولاد وبنت واحدة
والبنت بتبقى افضل من الولاد

[الورده البيضاء]

اولا بشكرك كتيييييييييير علي موضوعك الجميل دا
بصي بقي بصراحة بيغيظني الرجالة ان لو كان العيب من الست علي طول يسييبها ع العكس ممكن الست تستحمل الراجل لو كان عنده مشكلة اشمعني بقي
مفروض يكون في رضا من الناحيتين باللي كتبه ربنا ليهم بس ربنايهدي الرجالة
وفي رجالة والله بيقدروا وبيستحملوا
وربنا يكرم كل من حرم من نعمة الولد ويكرم كل انسان بالاطفال

ربنا مايحرم حد من نعمة الاطفال
الف شكر لمرورك ياجميل
بس تعرفى اللى يغيظك اكتر.... ان فترة جوازهم لاتتعدى السنة
على فكرة دى قصة حقيقية
ميرسى لمشاركتك ياقمر

[surv_amr_blal]

انا عايز اعرف بقى كيس الشيبسى اللى كانت بتاكلة كان كرانشى ولا شيبسيكو وكان بالجبنة ولا بالكباب
لان بصراحة كدة لو كان كرانشى يبقى عندو حق يطلقها علشان كرانشى مش حلو
هههههههههههههههههههههههههههههههههههههههههههههههههه ههههههههههه
لا بجد موضوع حلو

[الورده البيضاء]

انا عايز اعرف بقى كيس الشيبسى اللى كانت بتاكلة كان كرانشى ولا شيبسيكو وكان بالجبنة ولا بالكباب
لان بصراحة كدة لو كان كرانشى يبقى عندو حق يطلقها علشان كرانشى مش حلو
هههههههههههههههههههههههههههههههههههههههههههههههههه ههههههههههه
لا بجد موضوع حلو

ميرسى لحضرتك
ممكن نعرف راى حضرتك فى الموضوع؟؟؟
اية رايك فرد فعل الزوج