نقاش جــــــــــــــاد بين الولد والبنت

[alex]

والولاد المحترمين دول بردوه الى بيدخلوا عربيه الحريم فى الترام ويستخفوا دمهم ويقولو هههههههه اسف ماختش بالى وبعدين افرد ان البنت الى ركبت فى عربية الرجاله اختك ومتاخره والترام ح تمشى اضترت تركبها يا اخى تزاولهل بردوه بعنيك

انا اجيلك يمين تجيلى شمال ........... اجيلك شمال تجيلى يمين ........

بصى انا حقولك ليه المعاكسة زادت الايام دى وممكن الولد يعاكس اى بنت

سواء كانت محترمة او لا عارفة ليه الولاد بيعملوا كدا ؟؟؟؟

عشان تعبهم مبيجيش على الفاضى ....حتقوليلى يعنى اية ؟؟؟؟

حقولك انه بيقول لنفسة دى الاحسن منها جت واتكلمت دى معوجة ليه ..

ما فلانة كانت عاملة محترمة هيا كمان وشفت بقت ازاى

يعنى بمعنى اصح الولد مبقاش باقى على حاجة وبيقول ممكن تيجى سكة

لان فى بنات قبليها عطوله الثقة دى ......

اسف للاطالة

[مشتاقه للجنه]

لافى كتير تعبهم بيجى على الفاضى ومفيش حاجه اسمهه معوجه اسمهه مؤدبه ومينفعش الولد ميكنش باقى على حاجه عارف ليه لانه عنده اخته وامه وبنت عمه وبنت خاله وحيبقى عنده زوجه وبنت وعلى فكره مش حتغلبنى فى الكلام كده كده ادم حيستسلام

[yousef]

انا كان نفسي ارد انا كمان واعقب علي الموضوع بس لاقيت اتهامات وكلام بيتقال وخلاص ومش عارف يعني ليه كده اللي بيتكلموا عن الولاد محملنهم كل حاجه وحشه .........وصح الولاد كلهم وحشين والبنات غلابه ومؤدبين ههههههه وحكايه الترام حاله عامه بقي وانا مش واخد بالي؟

[blue_sky]

انا كان نفسي ارد انا كمان واعقب علي الموضوع بس لاقيت اتهامات وكلام بيتقال وخلاص ومش عارف يعني ليه كده اللي بيتكلموا عن الولاد محملنهم كل حاجه وحشه .........وصح الولاد كلهم وحشين والبنات غلابه ومؤدبين ههههههه وحكايه الترام حاله عامه بقي وانا مش واخد بالي؟

أنت كنت عايز تطرح موضوع وتهجم على البنات بس معلش جيت في الوقت الغلط دورك دلوقتي أنك تنفي الأتهامات دي وتدافع عن الولاد و تصحح وجهة نظر البنات وتقول كل اللي في نفسك

[blue_sky]

الظاهر أن في سوء تفاهم بس أنا ماخصتش حد بكلامي وكلامي دايماً بيكون للجميع وأنا مش بتحامل على الولاد ولا أي شخص بعينه وقولت أن المفروض كل واحد يبدأ من نفسه لا قولت ولد ولا بنت ولما خصيت حد في الكلام كنت بتكلم بأدب وده لما كنت بكلم أستاذ alex وكنت بتكلم بإحترام عشان حد يقول كلام مالوش لازمة زي اللي أتقال ده

وعلى العموم ده مش هيأثر معانا ستمروا يا شباب ويا بنات

[ALY ELSAYED]

يا شباب معلش هما زعلانين عشان مفيش حد بيعاكسهم بس

[/IMG]

المعاكسه
يلا نخش ف الموضوع بقي على طوول ونشوف بطل موضوعى انهاردة
ميدو شياكة ماشي فى الجامعة بكل تناكة مش سايب تانا ولا نانا ولا حتى بهانة :d

ولما اتسئل فى موضوع المعاكسة ال دلوقتى بقي يوصل لتحرش الجسد كمان
كان رده

المعاكسة واجب قومى وحق تجاه اى مزة نازلة الشارع وتاعبة نفسها ومتشيكه وحاطه ميكب ونازلة تقول للارض اتهدى ما عليكى ادى ... عايزين ايه من الشباب يعنى ... مش لازم يشجعوا المنتج المحلى ... وكمان لما البنت دى تتعاكس والشباب يقرفها فى الشارع اكيد هتتربى وهتتعلم الادب وتنزل الشارع بعد كده محترمة ... ما هو لو محترمة والله ماكنش حد قرب ناحيتها .
بس فى مشكلة ...
البنت اللى لبسها كويس ولابسة خمار بتتعاكس ليه .؟؟؟
ايه اللى بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو و تنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...
طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...
طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....
طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ...
طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة

[blue_sky]

تسلم يا أستاذ علي بس أبئى أسألنا ميدو شياكة ده أيه هي مواصفات البنت المحترمة عنده ؟
ده المفروض يبئى أسمه ميدو مشاكل مش شياكة


ودلوقتي حان وقت الهجوم للشباب اللي عتده موضوع عايز يطرحه يتفضل

[blue_sky]

ودلوقتي في أنتظار الهجوم لفريق الولاد واللي هيقوم بيه
الأستاذ احمد وحيد

[Ahmed Waheed Shalaby]

ودلوقتي في أنتظار الهجوم لفريق الولاد واللي هيقوم بيه
الأستاذ احمد وحيد

شكرا ياسمسمة على اختيارك ليا

الموضوع جميل بجد وانا قريتة واتصفحت المشاركات اللى فية

بس ياريت كل طرف ياخد كلام التانى بروح رياضية لاننا مش ملايكة

ومفيش حد كامل احنا كلنا اولاد وبنات لينا مميزات وفينا عيوب

ولازم ادم وحوا يستحملوا بعض لان دى سنة الحياة

وهما اللى موكلين بعمار الارض هما الاثنين مش واحد من غير التانى

اما عن الموضوع اللى عايزكم تناقشوة هو

طلبات البنات اليومين دول من العرسان

البنات عايزة كل حاجة شقة وعربية ومعرفش اية واية.............

لازم تسهلوها شوية علشان الدنيا تمشى

[blue_sky]

شكرا على مشاركتك يا استاذ احمد
منورنا
بالنسبة للطلبات دي بئى هو أكيد لازم يكون في طلبات عشان يعرف أنها حاجة غالية مش لأي حد كده وخلاص ولازم يكون جدير بيها

بس الشقة دي طبعاً شئ أساسي أمال هيقعدوا فين في الشارع ولا يتبهدلوا في إيجار حديث

أما المبالغة في الطلبات دي بئى حاجة مش مرغوب فيها

يسروا ولا تعسروا