هنا تبدأ الحياه .. ياللا نعيشها بكل جمالها سوا فى نادى الرابطة

**ميرا مار** · 12-25-2008, 01:52 PM

كل اعضاء النادى
كل سنة وانتو طيبين وبخير ويحقق لكم ربنا كل ماتتمنوا ..
كمان كل الامة الاسلامية راس السنة الهجرية يوم الاتنين القادم..
اللهم اجعلها سنة مباركة على الجميع وحقق لنا الخير وللامة الاسلامية كلها

وعواتنا وقلوبنا مع اخواننا فى فلسطين..اللهم انصرنا وانصرهم على اعدائنا..امين

**ميرا مار** · 01-03-2009, 01:19 AM

ها يا جماعة طبعا مشغولين فى الامتحانات..
ربنا معاكم ويارب الكل ينجح..
طب بمناسبة سنة جديدة
ياريت نقول لبعض

اتعلمنا ايه من سنة فاتت من عمرنا

**ميرا مار** · 01-04-2009, 04:16 PM

انا اتعلمت كتير..
اولها ..الشئ الوحيد اللى المفروض تكون واثق ومتاكد منه هو وجود الله عز وجل
غير كدا خللى دايما عندك شك ولو 1 %
لان دا ساعات يحطك على اول الطريق الى الابداع

**Mimi** · 01-04-2009, 04:21 PM

كل عام وكل المسلمين بخير وكل الامة الاسلامية بخير

انا عن نفسي اتعلمت ياميرا ابقى صريحة مع نفسي اكتر

**Hassan Mohamed** · 01-04-2009, 04:24 PM

انا تعلمت ان الصبر مفتاح النجاح ... وإن الاخلاص في العمل هو الغاية لتحقيق الهدف

**ميرا مار** · 01-04-2009, 04:25 PM

اه والله درس جميل فعلا ..
تصدقى عندك حق ساعات الواحد بيكدب على نفسه ويحطها فى مشاكل هو فى غنى عنها..
بس يا ترى
فى موقف معين علمك الدرس دا؟؟

**ميرا مار** · 01-04-2009, 04:26 PM

الصبر؟؟
هو فعلا الصبر جميل بس قصدك الصبر مع ايه؟؟
ماهو ماينفعش يكون لوحده
بس فهمنى وجهه نظرك..

**Mimi** · 01-04-2009, 04:29 PM

اه في ، وبعدين الحمد لله اتعلمت منه اني كنت ظالمة نفسي لما مكنتش صريحة معاها وعرضتها لمواقف قاسية كتير

بعدين قررت اصاحبها واعيش طول عمري مدايقهاش تاني واعمل حاجة غصب عني وابقى دايما صريحة معاها

**ميرا مار** · 01-04-2009, 04:33 PM

المشاركة الأصلية كتبت بواسطة judy

اه في ، وبعدين الحمد لله اتعلمت منه اني كنت ظالمة نفسي لما مكنتش صريحة معاها وعرضتها لمواقف قاسية كتير

بعدين قررت اصاحبها واعيش طول عمري مدايقهاش تاني واعمل حاجة غصب عني وابقى دايما صريحة معاها

والله برافو عليكى

انا بقى دلوقت اتعلمت منك درس..
لانى كنت عايزة اقول لنفسى كدا بس ماكنتش فاهمة نفسى شوية
بس لما انت اتكلمتى
حطيتى ايدى على نقطة مهمة..
باشكرك جدا جدا
لانى فعلا كنت باعامل نفسى وحش
واعامل الناس حلو على حساب نفسى
لكن انت عندك حق
يسلم لسانك والله
وشكرا ع الرس الغالى

**Mimi** · 01-04-2009, 04:38 PM

ربنا يخليكي ياميرا والله الحلو فيكي انك بتخلينا كلنا نستفيد من دروس بعض

يعني مش بتطلبي بس كل واحد يقول هو اتعلم ايه لكن بتطلبي مننا كلنا نشوف كل الدروس اللي كلنا اتعلمناها ونستفيد من بعض

وانا كمان استفدت من درس اللي استفدتيه انتي وحسن

ربنا ما يحرمنا من بعض

الموضوع: هنا تبدأ الحياه .. ياللا نعيشها بكل جمالها سوا فى نادى الرابطة

أدوات الموضوع

عرض

الكلمات الدلالية لهذا الموضوع

المفضلات

المفضلات

ضوابط المشاركة