ياحبى اللى كان

[منتصر فتحى]

يا حبى اللى كان





قلبك باع الهوى
قلبى منه انكوى
لو فى ايديك الدوا
قلبى هيرفض يطيب
قلبك غدر هجر
سابنى وسط المطر
يا اللى قلبك حجر
ابعد عنى وغيب

قلبى رافض يكون
عاشق اسير مجنون
وانت قلبك يخون
يا اللى طبعك عجيب
قلبى عطاك الفرح
وانت عطيته الجرح
من غير عتاب وشرح
ما بقتش خلاص حبيب

قلبى اللى عاش عشانك
نفسه يدوق من حنانك
تسقيه ليه من هوانك
وتشمت فيه عزول
قلبك كان انانى
باعنى وباع زمانى

ولايمكن مره تانى
يحصل بينا قبول

واضح وحاجه باينه
قلبك فى دنيا تانيه
وما عاش لغيره ثانيه
وسقانى م الاحزان
ياما قلبك خدعنى
وكان رافض يسعنى
واما اشتريته باعنى
يا حبى اللى كان