خاص بمادة الكمبيوتر

[م.ايمان عبدالعزيز]

السلام عليكم ورحمة الله وبركاته

ازيكم يا جماعة ان شاء الله تكونو بخير

اولا انا وصلتنى رسالة من الاخ امير بخصوص ان مشاركة المهندسين هنا قليلة

ولكن انا لسة عارفه المنتدى من فترة قريبة

وعموما انا هبلغ المهندسين بالموقع الى ان يتم اضافة اخبار المعهد والمحاضرات في الموقع الرسمي للمعهد

المهم بالنسبة لمادة الحاسب الآلى (البيزيك ) اللى انا بديها

هقول ااهم النقاط اللى تركزوا عليها في المذاكرة وهى بالترتيب:-

أولا برامج الاعداد:-

1- الاعداد المتتالية باستخدام الحلقة التكرارية for
2- الاعداد الزوجية والاعداد الفردية ومجموعها ومتوسطها
3- المقارنة بين الاعداد

ثانيا : برامج الزوايا

1- جمع الزويا وطباعة المجموع والمتوسط
2- التحويل من دائري الى ستينى والعكس
3- ايجاد الانحراف والطول بدلالة احدثيات نقطتين
4- ايجاد احداثي نقطة بدلالة طول وانحراف من نقطة معلومة

ثالثا: برامج المثلث

1- حل المثلث بدلالة 3 اضلاع
2- حل المثلث بدلالة ضلعين وزاوية
3- حل مثلث بدلالة زاويتين وضلع
4- تصحيح زوايا مثلث
( وطبعا فى كل حالة ممكن يطلب منك الطريقة اللى تحسب بيها الزاوية وهما 3 طرق قانون ظل الزاوية- قانون جيب التمام - قانون الجيب)

طبعا ممكن يجيلك سؤال بيجمع بين اكتر من برنامج
وبعد كد انا هبقي اشرح هنا اى برنامج تطلبوه من دول

اتمنى الافادة للجميع

[Amir Elshazly]

مشاركه مميزه جدا يابشمهندسه

بشكرك ع التواجد

وان شاء الله نشوف اكبر عدد من المهندسين فى الموقع

وبصراحه حضرتك قولتلى ع المفيد فى الماده اوانا هحاول اجمع الحاجت دى واعملها موضوع هنا فى اقرب وقت ان شاء الله

وان شاء الله نشوف مشاركات من دى كتيير لانها بصراحه جامده جدا ولمة الماده لان حضرتك عارفه ان فيه ناس كتيير بتخاف من البيزك بس بعد

بالمشاركه دى اكيد هيبقى فيه تغيير ان شاء الله

[هبه محمود]

شكرا ليكي جدا يا بشمهندسه والله من غيرك مش عارفين هنعمل ايه
وجزاكي الله عنا كل خير

وشكرا ليك يا امير علي مبادرتك بدعوه المهندسين للمشاركه في المنتدي
ويلا انا هستني بقي لما تجمع الحاجات دي وتنزلها هنا
علشان كلنا نستفيد بيها وجزاك الله كل خير

[Amir Elshazly]

شكرا ليكي جدا يا بشمهندسه والله من غيرك مش عارفين هنعمل ايه
وجزاكي الله عنا كل خير

وشكرا ليك يا امير علي مبادرتك بدعوه المهندسين للمشاركه في المنتدي
ويلا انا هستني بقي لما تجمع الحاجات دي وتنزلها هنا
علشان كلنا نستفيد بيها وجزاك الله كل خير

تسلمى ياهبه وان شاء الله الحاجات دى تحت التجيهز وهتكون موجوده باقرب وقت ان شاء الله

[Mando-s90]

الف شكر يا بشمهندسه وياريت مننحرمش من مشاركاتك
وجزاكى الله خير

[Mohamed Gaber Aly]

اولا ارحب معكم جميعا بالمهندسه ايمان عبدالعزيز

وشكرا جزيلا على هذا الموضوع الذى سيفيد طلبه المعاهد المساحيه ويفيدنا جميعا

ولو امكن شرح طريقه تصحيح زوايا المثلث

ثانيا شكرا للزميل امير على هذه الاضافه المميزه للمنتدى

فى انتظار المزيد من الموضوعات والمزيد من الضيوف المميزين للمنتدى

[م.ايمان عبدالعزيز]

السلام عليكم ورحمة الله

اولا بشكركم على المجهود دة والشغل اللى في المنتدى ما شاء الله كويس جدا

بس عايزة اقول حاجة مهمة الاول قبل ما اوضح لمحمد برنامج تصحيح الزوايا فى موضوع جديد

"الامتحانات يا جماعة في شهر ستة مش في شهر خمسة زى

ما هو منشور في موقع هيئة المساحة

والكلام دة من الوزارة ...اخر معاد للدراسة المفروض 3/6/2010 ولكن لسة ما اتحددش موعد الامتحان بالظبط"

[shtewy]

شكرااااااا لمساعدتك لينا واهتمتامك بينا

[zeiad_yosf]

[align=justify]الف شكر يابش مهندسه على الافاده

[/align]