شوف الناس وصباعك ... بـيــــن عنيك ؟؟ ومتشوفهومش وصباعك أدامك

[Wild_Angel]

كلنا بنشوف ناس ساعات نلاقيهم بيحكموا على ناس لمجرد شكلهم أو لبسهم
وتلاقى ناس متدينه كمان ممكن تتكلم بهذا الاسلوب على اعتبار أنها عارفه أنها أحسن من أى حد لمجرد أنها متدينه
فى الموضوع ده حنحاول نلاقى حل للحكاية دى


هناك حاجتين مرتبطة بالموضوع ده لما بيكون في مرض في القلب
من رحمة ربنا
يخليك في موقف معين عشان يظهر المرض ده قدام عنيك عشان تعرف المرض ده وتعالجوه

ولما واحد يقف قدام ربنا وربنا بيحاسبوه انه كان متكبر أو كان بيحكم على الناس او كان سريع الغضب
وربنا يقوله انت كنت كدة
يقوله يارب طب ليه ما ورتنيش يقوله انا وريتك انك كنت كدة
"وما كان الله ليضل قوما بعد إذ هداهم حتى يتبين لهم "

فربنا بـيُـبـين الصفه الوحشة عشان يعالجوها وابليس كان فيه صفة سيئة
وربنا بينها له
ابليس كان عايش في وسط الملائكة وكان صالح وقتها كما يحكي عن ابليس
لكن كان جواه مرض
فمش معنى ان فيه انسان صالح في الظاهر إنه يكون قلبه خالي من الأمراض
فمن رحمة ربنا ان الانسان لما يقرب من ربنا يقوله خد بالك في حاجات بتبعدك عنى
الملائكة كلهم سجدوا الا ابليس قال أنا "أنا خير منه"
ودى محور الموضوع
الحكم على الغير اني اقول أنا خير منه سواء في الدين او في الأخلاق أو في اي حاجة
ودي كسوة إبليس اللي بيحاول إبليس يلبسها لكل واحد والحكم على الغير هو كسوة ابليس

بعضنا حاطط اوصاف لكل واحد أول ما بيشوف إنسان بيعمل تصرف معين يروح مطلع الوصف ده عليه
يعني اشوف واحد بيتصرف تصرف معين اقول إنه بلدي او اللفظ المشهور إنه بيئة
أو مش من مستوانا عشان توصف الإنسان ده.


وفي مجتمع المتدينين
ابليس بيسعى انه ينشر الصفة دي فيه لأنها ضربة قاضية
لأن ذنوب الجوارح بتزيد السيئات
لكن ذنوب القلب مالهاش حل غير ان المرض ده لازم يتعالج
...

إيه الحاجات اللي تعالج عدم الرضا؟ إيه الحاجات اللي تعالج الحسد؟ إيه الحاجات اللي تعالج الكبر؟؟
كسوة إبليس انا خير منه خلقتني من نار وخلقته من طين ... يا إبليس مين قالك إن النار أحسن من الطين؟
الشخص اللي بيحكم على الغير معاقب إنه يحجب عن عيوب نفسه
:إنت لو حطيت صوباعك قدام عنيك وبصيت عليه هتشوف نفسك ومش هتشوف الناس هتشوف الناس مزغللين
لكن لو حطيت صوباعك بين عنيك وبصيت على الناس هتشوف الناس
ومش هتشوف نفسك هتشوف صوباعك مزغلل"
الشخص اللي بيحكم على الغير كدة، ياما تبص على نفسك وتشوف عيوبك وتنشغل بإصلاحها
وماتاخدش بالك من الناس وما تحكمش على الناس او العكس ماتاخدش بالك من نفسك

أهم شئ لو حسيت أن المرض ده حيدخل قلبك قول الدعاء ده دوماً
عن شَدَّاد بْن أَوْسٍ رَضِيَ اللَّهُ عَنْهُ قال : كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُعَلِّمُنَا أَنْ نَقُولَ :
( اللَّهُمَّ إِنِّي أَسْأَلُكَ الثَّبَاتَ فِي الْأَمْرِ ، وَأَسْأَلُكَ عَزِيمَةَ الرُّشْدِ ، وَأَسْأَلُكَ شُكْرَ نِعْمَتِكَ ، وَحُسْنَ عِبَادَتِكَ ، وَأَسْأَلُكَ لِسَانًا صَادِقًا ، وَقَلْبًا سَلِيمًا ، وَأَعُوذُ بِكَ مِنْ شَرِّ مَا تَعْلَمُ ، وَأَسْأَلُكَ مِنْ خَيْرِ مَا تَعْلَمُ ، وَأَسْتَغْفِرُكَ مِمَّا تَعْلَمُ إِنَّكَ أَنْتَ عَلَّامُ الْغُيُوبِ )
والحديث صححه الألباني في السلسة الصحيحة رقم 3228 وحسنه شعيب الأرنؤوط في تحقيق المسند .

نبدأ نقول بعض القصص
والقصص منقوله عن صاحب الندوة

القصة الاولى

في يوم من الأيام واحد عايش في بلاد الغرب حب انه يدخل في الاسلام وهو عنده 60 سنة
ذهب لأحد الشيوخ قاله انا عايز ادخل في الاسلام قاله ماينفعش لأنك عندك 60 سنة
قال ليه هو ربنا مش غفور رحيم وبيقبل الناس ليه ما ينفعش ادخل في الاسلام بعد 60 سنة
راح لشيخ آخر قاله انا عايز أدخل في الاسلام ورحت سألت شيخ قالي ماينفعش عشان انت عندك 60 سنة
قاله قول لا اله الا الله محمد رسول الله فقالها
قاله مبروك انت كدة دخلت في الاسلام وراح للشيخ اللي قاله مينفعش يدخل في الاسلام عشان عنده 60 سنة قاله انت ليه قلتله كدة؟ قاله يعني هو بقاله 60 سنة عايش براحته مع الستات والبنات وفي الأخر يسلم ويدخل الجنة معانا !!

زمان كان عندنا في مصر اننا عايزين مايكونش فيه فرق بين مسلم ومسيحي في التعامل لأن ربنا اللي أمرنا بكدة
"يا أيها الناس إنا خلقناكم
من ذكر وأنثى وجعلناكم شعوباً وقبائل لتعارفوا".

القصة الثانية

كنت بتعشى في احد المطاعم في الساحل الشمالي السنة اللي فاتت وواحد جالي يسألني "هل جائز الصلاة بتيشيرت كت؟"
قلتله هو جائز بس مكروه النبي عليه الصلاة والسلام قال"لا يصلين احدكم وليس على عاتقه شيء"
قلتله بتسأل ليه؟
قال لأننا كنا بنصلي الفجر في المسجد جماعة إمبارح في الساحل الشمالي وواحد دخل يصلي وهو لابس بنتاكور(بنطلون قصير) و تيشيرت كت الشيخ طرده من المسجد، يعني واحد في الساحل الشمالي وبيصلي الفجر في المسجد في جماعه ده واحد جامد جداً طرده عشان جاي الجامع بتعنا إحنا - مش بتاع ربنا المسجد ده- بتيشيرت كت.

والمشكلة الأكبر لما بنت مش محجبة تدخل الدرس هي أكيد – اكيد - لو بتحب ربنا كانت اتحجبت، مين قال انه أكيد مهو اكيد إنت لو بتحب ربنا مكنتش اتكلمت عليها.
الحكم على الغير بيخلي الانسان يدخل في خصائص الله سبحانه وتعالى "إن الحكم الا لله".

القصة الثالثة

النبي بيحكي إن في واحدة كانت بترضع إبنها فمر واحد امامها شكله مهم
قالت اللهم إجعل إبني مثله فترك الطفل ثدي امه وقال اللهم لا تجعلني مثله وده من اللي اتكلموا في المهد وبعدين مر عليها واحدة بتعيط والناس بيضربوها وبيشتموها وبيقولولها يا فاسقة يا زانية وهي تقول حسبي الله حسبي الله
فقالت المرأة اللهم لا تجعل ابني مثلها فترك الابن ثدي امه وقال اللهم اجعلني مثلها
فقال أما الأول فمشرك بالله وأما الأخرى مظلومة ،فلا تحكم بالظاهر.

م ن ق ول عن ندوة للاستاذ /مصطفى حسنى

[elkomy nasser]

شكرا ............ لك

[Wild_Angel]

جزاك الله خيراً أشكرك لمرورك

[MUHAMED SAMY]

فعلا الموضوع ده حيوى جداااا
وانا شخصيا
قد حكمت كثيرا على ناس من أول مرة
فمن الممكن ان نحكم على شخص ويكون عنده ظروف مغيراه
متضايق
فهمت انا الموضوع خطأ

اللهم أغفر لى
( اللَّهُمَّ إِنِّي أَسْأَلُكَ الثَّبَاتَ فِي الْأَمْرِ ، وَأَسْأَلُكَ عَزِيمَةَ الرُّشْدِ ، وَأَسْأَلُكَ شُكْرَ نِعْمَتِكَ ، وَحُسْنَ عِبَادَتِكَ ، وَأَسْأَلُكَ لِسَانًا صَادِقًا ، وَقَلْبًا سَلِيمًا ، وَأَعُوذُ بِكَ مِنْ شَرِّ مَا تَعْلَمُ ، وَأَسْأَلُكَ مِنْ خَيْرِ مَا تَعْلَمُ ، وَأَسْتَغْفِرُكَ مِمَّا تَعْلَمُ إِنَّكَ أَنْتَ عَلَّامُ الْغُيُوبِ )

جعل الله تلك المواضيع المفيدة
فى ميزان حسناتك

[Wild_Angel]

جزاك الله خيراً يا محمد
وجعلك الله ممن يسمعون القول فيتبعون أحسنه
وتقبل الله دعاءك

[sweet girl]

الله يا وايلد الله
بجد توبيك رااااااائع وجميل جدا
جزاكى الله خيرا وجعله فى ميزان حسناتك

[Wild_Angel]

ربنا يخليكي يا هند يارب
ويجزيكِ خير ويرزقك رحمة الله ومحبته ونوره في قلبك
كل عام وأنتِ بخير

[KAREEM]

حقيقى الموضوع دا خطير جدا
والواحد لو مخلاش بالو منه ممكن يقع فيه من غير ما يحس
ربنا يكرمك ع التذكرة الطيبة دى
ويفتح عليكى بالخير فى مزيد من امثال هذه المواضيع

ربنا يجعل هذا الكلام الطيب فى ميزان حسناتك

[esraa marey]

الله يا ويلد موضوع مهم جدا وفعلا حقيقى الصراحة الواحد كتير بياخد فكرة معنية بتصرفات الناس من غير ما اعرف هما ايه 0 ربنا يكرمك يا ويلد ويارب اهدنيا كلنا لحسن الظن0

[Wild_Angel]

آمين يارب يا إسراء
يارب أرزقنا حسن الظن بك وحسن الظن بالناس
جزاكِ الله الجنة