مش عارف تذاكر .. ونفسك متسهرش ادام النت وتسهر عشان مذاكرتك ؟ يبقى دوس كليك هنا

[Wild_Angel]

بكل بساطه
كنت قاعده افتح الكتاب
لقيت نفسى بفتح الكمبيوتر والساعة جرت ورا الساعة
واليوم ضاع
ومفيش مذاكرة
والايام تجرى ومفيش مذاكرة برضة
طب وبعدين فاضل كام يوم على الامتحان يا عم الكمبيوتر انت

وسبحان الله جاء الفرج

قولت أشوف حبيبي يمكن يقول كلام يشجعنى بيه :
اللهم صلى وسلم على سيدنا محمد وعلى اله وصحبه اجمعين

نفتتح كده أجمل كلامه ونشوف

قال رسول الله صلى الله عليه وسلم :

من سلك طريقا يلتمس فيه علما سهل الله له طريقا إلى الجنة ،
وإن الملائكة لتضع أجنحتها رضا لطالب العلم ،
وإن طالب العلم يستغفر له من في السماء والأرض حتى الحيتان في الماء ،
وإن فضل العالم على العابد كفضل القمر على سائر الكواكب ،
إن العلماء هم ورثة الأنبياء إن الأنبياء لم يورثوا دينارا ولا درهما إنما ورثوا العلم فمن أخذه أخذ بحظ وافر


الراوي: أبو الدرداء المحدث: الألباني - المصدر: صحيح ابن ماجه - الصفحة أو الرقم: 183
خلاصة حكم المحدث: صحيح

يعنى طول ما انت رايح كليتك او مدرستك او حتى الكورس بتاعك كأنك واخد طريق للجنة عدددددل

وتخيل بقى ان الملائكة ربنا مسخرهالك كمان
لا وكمان ان كل اللى فى الارض والسماء بيستغفروا ليك
ويا سلام لو ربنا وهبك العلم ومنّ عليك من فضله حيكون لك شأن أخر
سبحان الله بجد كل كلمة فى الحديث حتلاقيها بتخليك عايز تقوم تذاكر ليل ونهار

خلى نيتك دوماً فى أى شئ بتعمله أنه لوجه الله

بالنجاح والتوفيق دوماً
أترككم فى رعاية الله وحفظه

[KAREEM]

تذكرة طيبة منك
وفعلا حاجة تحفز الواحد جدا
جزاكى الله كل خير

[Ahmed Waheed Shalaby]

موضوع مهم جدا بس انا الحمد الله تخرجت وخلاص ماعدش فية مذاكرة

بس فية تثقيف واستطلاع لما هو جديد

ربنا يوفق كل الطلبة اللى عندهم امتحانات

جزاكى الله خيرا

[smart girl]

شكرا يا ويلد انجل على الموضوع الحلو اوى دة واسمحيلى ااقول ان المذاكرة دى من وجهة نظرى بصراحة حاجة وحشة اوى بس الحمدلله الواحد خلص وخيلص وعايزة اقول اضافة ان انواع الهروب مش بس الكمبيوتر فى كمان الاكل ان كل شوية نروح لثلاجة ونعد ناكل كحجة عشان منذكرش وفى بردة النوم وفى التليفون اننا نقول حكلم زملتى عشان اسئلها على حل السؤال ونعد نكلم ب6 ساعات وفى الشور كل شوية كحجة لحد منبوش وفى حاجات كتيرة اوى بس كلها حلها زى مانتى قولتى

[esraa]

جزاكى الله خيرا يا اسراء


جعله الله فى ميزان حسناتك


تذكرة طيبه

[حنين الحياة]

جزاكي الله كل خير....وبجد كلنا كنا محتاجين الموضوع ده

[Wild_Angel]

جزانا الله وإياك يا كريم

ربنا يوفقك يا احمد لما يحبه ويرضاه وربنا مع الجميع

سعيدة جدا بأضافتك يا سمارت جيرل حقيقي اللى عايز يضيع وقته بيلاقى مليون طريقة
الوقت كالسيف ان لم تقطعه قطعك
سعيدة لمشاركتك

جزانا وإياكي يا إسراء يا حبيبتى ربنا يكرمكم جميعاً ويجعلكم من المتفوقين

جزانا الله واياكم يا حنين ربنا معاكى بأذن الله وبالتوفيق

جزاكم الله الفردوس الاعلى وربنا يوفقنى ويوفقكم جميعاً

[mohamed ali]

الف شكر ياوايلد على الكلام الجميل والنصائح

وجزاكى الله كل خير

[Wild_Angel]

جزانا الله وإياك يا محمد
وبالتوفيق والنجاح بأذن الله
وربنا ييسرلكم جميع اموركم يارب

[ALY ELSAYED]

بشكرك جدا يا انجل

علي مواضيعك الي بتيجي في وقتها

الواحد فعلا مش جيله نفس انه يركز في مزاكرته خاالص

مش عارف ده شيطان ولا ايه بالظبط

ربنا يهدينا يارب