ياباشا المتهم مات ... ارمية فى صفيحة الزبالة مع زمايلة

[محمد عبد العظيم حامد]

حسبي الله ونعم الوكيل في قانون الطواري في البشوات ولاد البشوات ظباط الشرطه اللي المفروض انهم يحموا المواطنين مش يضربوهم ويهينوهم ويقتلوهم كمان
والموقف ده بيفكرني بقصيده جتك القرف للشاعر علي سلامه
على حد علمي ..احنا واسرائيل حبايب..

فيه سلام ومفيش حرب ...

طب الظباط والعساكر دول بيعملوا ايه في ميدان طلعت حرب ...!!

ده بنت وولد نازلين يشوفوا بلوزة تليق على ايشارب ..!!

بيحلموا وبيغنوا ..اجمل ما في غناهم انه طالع من القلب ..

من امتى العشق كان بيموت من الخوف ..

ومن امتى الحلم كان بيخاف من الضرب ..

يا كابتن يا باشا خليك ابن بلد ..

هوه انت معندكشي اخوات .. صبيان ولا بنات ؟؟!!

يعني انتو كل عليتكو ظباط ..يعني انتم أصحاب اكاديمية الشرطة ؟؟!!

واصحاب الشوارع.. والميادين و المحلات ..واصحاب البلد ؟؟!!

طيب .. طب انا هاخرم من التحرير لدار القضاء العالي ..

هاكل كشري واخش السيما .. مالك بقى ومالي ..؟؟!!

معايا بطاقة وخلصت الجيش .. بتسمي ده اكل عيش ؟؟!

يبقى عرفتك ..

طب عريني .. فتشني .. قطعلي هدومي وافحصني وخلصني ..!!

لا انت اول ولا اخر واحد ...

عارف ..؟؟

انا مرة القطر عدى وداسني وما موتش ...!!!!

عشق الحياة مهوش ترف ..!!

عرفت ايه معنى الشرف ..؟؟!!

جتك القرف..!!

جتك القرف..!!

الشاعر علي سلامة- ساقية الصاوي -28/11/2006