ياباشا المتهم مات ... ارمية فى صفيحة الزبالة مع زمايلة

[مشتاقه للجنه]

حسبى الله و نعم الوكيل و دى مش اول مره تحصل فى اسكندريه من حوالى ست سنين حصلت حادثه مع شاب عنده عشرين سنه كان اسمه يوسف كان ماشى هو و واحد صاحبه و معاهم كلب الضابط ضرب الولد بالرصاص و قال انه كان قصده يضرب الكلب و كانت قضيه كبيره و كان الضابط من قسم المنتزه و اهل الولد هجموا على القسم و كسروه و مع ذالك اهل الولد معرفوش ياخده حق الولد وجزاء يوسف و خالد عند الله خير و جزاء الظالمين العقاب الاليم و احنا مش لازم نسكت لحد لما يحصل خالد ويوسف مره تانيه

[الورده البيضاء]

حسبى الله و نعم الوكيل و دى مش اول مره تحصل فى اسكندريه من حوالى ست سنين حصلت حادثه مع شاب عنده عشرين سنه كان اسمه يوسف كان ماشى هو و واحد صاحبه و معاهم كلب الضابط ضرب الولد بالرصاص و قال انه كان قصده يضرب الكلب و كانت قضيه كبيره و كان الضابط من قسم المنتزه و اهل الولد هجموا على القسم و كسروه و مع ذالك اهل الولد معرفوش ياخده حق الولد وجزاء يوسف و خالد عند الله خير و جزاء الظالمين العقاب الاليم و احنا مش لازم نسكت لحد لما يحصل خالد ويوسف مره تانيه

انا اول مرة اسمع عن حكاية يوسف دى

يارب يتحكوا بقى ويعملوا حاجة
وميبقاش كلة كلام وبس

[Wild_Angel]

اولا انا بحييكي يا أمل على نشر القضية
انا تتابعت القضية وأتألمت لانهم كمان حاولوا يشوهوا صورته بانه هربان من الجيش وعاطل وكلا من ده
والجروب اللى بأسمه فى الفيس بوك اصلا جايبين شهادة تأدية الخدمة العسكرية وجواز سفره مختوم انه مش مطلوب للتجنيد
بالاضافه الى اوراق تؤكد انه كان صاحب مكتب استيراد وتصدير هو واخوه تقريبا
حسبي الله ونعم الوكيل
وعلى فكرة هو متعذبش فى القسم الضرب كله كان فى الشارع
اللى تاعبنى ازاى الناس تشوف واحد بيتضرب ومتحووش عنه

لو حد من الشباب هنا كان فى الموقف ده كان حيعمل ايه .؟؟!! كان برضه لسه الخوف حيفضل مسيطر علينا
لازم كلنا نتحرك
وبلاش حد من البنات بجد يطلع اى مظاهرات .. عشان احيانا الامن المركزى بيكونوا اغبياء وبيضربوا البنات
أدعوله بجد .. ربنا يرحمه ويغفرله ويجعله فى منزلة الشهداء
بس ارجوكى يا امل بس تشيلي الصورة من التوقيع .. هذا الشاب واجبنا عليه اننا دعيله بالرحمه وكلنا تقريبا شوفنا صوره فى النت
واكيد هو لو كان موجود مكنش حيحب صورته مشوه للدرجة الفظيعه تبقى منتشرة وكمان رحمة بأخواتك اللى بيذاكرو وعندهم امتحانات حاليا

اللهم أدخله الجنه واجعل قبره روضة من رياض الجنه
اللهم أنك الغفور الرحيم .. الجبار المنتقم

[حسام المصرى]

هفترض انه حشاش
و لا
حرامى
ولا ولا ولا

هل يستحق هذا العقاااااااب
شوفوا الصوره


مفيش ابشع من كده

يعنى المفروض فى الاول والاخر
ده بنى ادم
ومهما كان هو غلطان
فى قانون فوق الجميع
ولا القانون على الشعب والحكومة لا
هو ده قانون الطوارئ
ولسه ياما هنشوف
من تعذيب فى الاقسام
لتزوير
الخ
اجعل كلامنا خفيف عليهم

[حسام المصرى]

اها وصحيح

بلاش مظاهرات
لان دلوقتى فى ضرب بالرصاص الحى
ولا نسيتوا

[MUHAMED SAMY]

حرام يا مصر

فعلا الهمجية والبلطجة بقت فى كل مكان

منه لله السبب فى كده
وغيره الموضوع ده
من يومين
جنب مسجد الفارسى الل ف بحرى
لقيت ناس بتشيل راجل قلت يمكن تكون رجله مقطوعة
والله كنت بفر اروح اشيل معاهم
لكن مع التركيز نعاهم
لقيت ان رجله لا مقطوعة ولا حاجة دوووووووول بيشدوه من جوه سور حديد اللى بيفصل بين الشاطئ والشارع
يعنى البشوات بيشدو الراجل كانهم عايزين جسمه يخترق الحديد
ويضربه رجله فى الحديد
ولما خلصو تعذيب
بيعدوه من فق الصور (عبارة عن اسياخ مدببة)
وده كده علنى فى الشارع وقريب من نقطة شرطة كمااااان
حسبى الله ونعم الوكيل

[mo_medya]

خالد سعيد
مجرد شاب مصرى
ممكن كلنا من صورته نعرفه لو ما كناش نعرفه؟
كفاية إنه إنسان
عند كتابتى لهذا الموضوع تذكرت الفيلم الجديد لأحمد حلمى وهو فيلم عسل أسود
وتحديدا عندما قال أنا مصرى وليه حقوق مصرية؟
كان نفسى أشوفه قودامى وأقوله حقوق إيه يا أبوحقوق؟
ده أنت فى مصر ... يعنى كل حاجة تحصلك طبيعية
تتهزىء طبيعى تضرب طبيعى تتبهدل طبيعى
كل ده عااااااااااااااااادى ده أنت فى مصر
ولكن أن تصل المسأله إلى هذه الدرجة العالية من القساد المؤسسى والادارى فى الحكومة
فى قطاع مهم من أهم قطاعات الدولة
أن يكون اللى المفروض إنهم حاميها بقوا هم أكتر من الارهابيين؟
نعم فإرهاب رجل الشرطة أرهاب قوى لأنه يحمل فى باطنة سلطة
وخصوصا فى ظل تطبيق قانون الطوارىء
القانون اللى ذلنا
واللى ما وافقشى عليه إلا المستفيدين منه
اللى هما قاعدين على كراسيهم ومش عايزين يسيبوها
خالد ده اتقتل علشان كان معاه فيديو الظابط وهو بيوزع تقسيمة الحشيش والفلوس على رجال الشرطة المخلصين لأنفسهم عفوا للبلد وقانون الطوارىء
خالد ده شاب عادى
وعلى فكرة خالد ده لو بتاع حشيش وإلا تاجر مخدرات كانوا خافوا يقربوا ناحيته علشان الصيع ما بيسبوش حق حد
لكن علشان هو كويس ومسالم العملية كانت سهلة
وعلشان أهله طيبين والحكومة حتعرف تخوفهم وتخليهم يسكتوا غصب عنهم وعن اللى جابوهم
قامت قواتنا وشرطتنا الباسلة بسحل وجه هذا الشاب والتنكيل به
علشان هو معاه فيديو يأذيهم
وسايبين المخدرات والحشيش والبودرة فى انحاء محافظة إسكندرية
الواحد من دول واقصد الحشاشين بيدخل القسم ومعاه الحشيش وبيطلع براءة
وبيتعامل أحسن معاملة
ما هو بيقول يا باشا ويا بيه وبيرش رشه على المخبرين والعساكر
إنما الغلبان فى البلد دى بيأخد على دماغه
اللى حصل لخالد سعيد حيتكرر مرة واتنين و3 ....
لو استمر الصمت
الدول المتقدمة اللى بنتكلم عليها
يقدر عسكرى يمد إيده على مواطن هناك
لقد هانت علينا أنفسنا
إيه كله خايف على لقمة العيش؟
طوز فى لقمة العيش اللى متغمسة بذل

خالد سعيد هى حالة مصرية متكررة
ومأساة يعيشها شعب كامل
فما كفاهم ما فعلوه
لكنهم باتوا بتشويه سمعته
من الآخر
حتى لو هو قاتل
ومسكوه بأداة الجريمة
يعملوا فيه كده

يجب محاكمة كل من اشترك فى جريمة القتل هذه؟
وخصوصا المسئوليين؟
يجب على الشرفاء التدخل لايقاف هذه المهزلة
مهزلة شاب مصرى حدثت بالفعل
وستحدث غدا إن لم هناك وقفة حقيقية

يا سيادة الرئيس
أوجه نداء خاص جدا لك
وأثق تمام الثقة
أن كلامى وصوتى سيصل

هل برنامجك الانتخابى الجديد سيضمن لى أن ما حدث لخالد لن يحدث لى أو لأى أحد من أقاربى؟
وإن كانت الاجابة نعم
فلم حدث ذلك فى الماضى وحاليا رغم توليك رئاسة مصر

يا سيادة الرئيس
أطلب من فخامتكم التدخل
لإنقاذنا من براثن الارهاب الحكومى الذى يتمتع بسلطة القانون

إنى أتكلم من منطلق حرص مواطن مصرى
ألم تقسم أنك ستحترم القانون والدستور

فبإسم القانون والدستور
أطالب بإقالة وزير الداخلية
وأطالب بتطبيق القانون والدستور

فمصر اليوم ليست فى حاجة إلا للإمان من الداخل
أهدى لقطة الفيديو التنالية لكل مواطن شريف فى مصر
ولا تنسوا
إن الله يمهل ولا يهمل

[eslam mamdouh]

كان نفسى اوقل لحضرتك دلوقتى الف شكر على الموضوع القيم

لكن والله الواحد من اللى شافه من الزل والهوان مش عارف حتى ممكن يكتب يقول ايه


حتى لا يخرج عن حدود الادب فى الكتابه وحتى لا يقول اى لفظ خارج


لكن للاسف الذل والمهانه وصلوا الى اعلى درجاتهم

خالد للاسف مش الاول ومش هيكون الاخير

طلو ما البشوات الظباط شايفيين نفسهم اعلى من الكل هيفضل الوضع على الحال ده

لازم من وقفه .........لازم الصوت يوصل.ياريت كمان ما يكونش صوت..لازم تكون صرخه من القلب.......يدفع قدامها اللى اقترف الجريمه الشنعاء دى التمن غالى اوى اوى

اتمنى من ربنا بجد بجد ان اللى حصل ده ما يعديش على خير


للضابظ اللى عمل كده حتى ولو كان ابوه مين وضهره مين


بجد لازم يكون فى حقوق فى للمواطن المسكين فى البلد دى

لكن لاسف


اللى يخاف يداس بمعنى الكلمه

[حنين الحياة]

حسبنا الله ونعم الوكيل....ربنا يرحمه برحمته وان شاء الله هناخد حقه بأذن الله....بس انا حاسه ان الفيديو فيه حاجه غلط اكنهم عارفين انهم بيتصورا وفرحانين اوي من التصوير والي صور الفيديو ده اكنه معاهم بالضبط ده بيجيب كل تحركاتهم وفعلهم صح ولا لأ...

[mo_medya]

والدة خالد سعيد شهيد مصر تتحدث لراديو أمواج...

رابط التحميل

الفيديو الآتى لجنازة خالد
والفيديو الثانى لموقف عمرو أديب
الذى لم يتصف بالشفافية
كان مع العايمة
ولم يتصف كلامه سوى بالانحياز
وأنصحه بعد الكلام اللى قاله
يتفرج على فيلم
هى فوضى