قول للظالم لا والف لا

[منتصر فتحى]

ليه الخوف سكن القلوب

ليه بنهرب بين الدروب

ليه بقينا كلام وسكوت

ليه بقينا نخاف الموت

عايزين نقول للظالم لا

ونقول من جوا قلوبنا كلمة حق

ونقول حرام عليكم

مات الحنان

ماتت الضحكه الجميله

مات الامان

لاحد امتى ظلمكم ممدود

لاحد امتى الطريق مسدود

خالص هصرخ وهتعلم

وعن حقوقى اتكلم

وقف وسط الميدان

واعمل فارس الفرسان

هعمل عرابى وسعد زغلول

واعمل صلاح الدين

واقتل بايدى الغول

هخلص بلدى م الظالمين

وربنا معايا وبقول أمين

يارب وفقنى ووفق المسلمين

وازرع فيا شجاعه

ابقى صلاح الدين

قول للظلم لا

الظلم شر وسبب كل الجروح

نار بتحرق كل حلم جميل

بسببه دم الضحايا مسفوح

ياخسارة انتشر اوى وشاع

وبقىسم بيجرى مع الدم

فى العروق ويروح

وبقى هو دايما اصل بنعرفه

والعدل ياعنى حلاوة روح

* * *

طفى شموع الامل فى عين الناس

محى ابتسامه الرضا وضيع الاحساس

ولكل ظالم مفترى بقى دليل مبراس

لكن ؟؟؟؟؟

لامتى هيكون الظلم سايدنا

قول لا باعلى صوتك ماتخافش من ظالم

ده عدل المولى سايدنا

توكل على الله وصلى على المصطفى سيدنا

سكوتك عار احنا مش منافقين

اتكلم باعلى صوتك وخليك من الصامدين

واضرب الظلم بقوة وحجارة من سجين

وقوله كفاى ظلم يا حاقد يا مستهين

يانعيش بعزة نفس يانموت شهداء

واحفادنا بعد مليون سنه هيكونوا لينا فاكرين

قول للظلم لا لا لا لا لا