الاستفادة من الخبرات

[Horiaa Swedan]

الله ينور يا قمرايه موضوع رائع فعلا

بس انا حطلعه بره الكل يشوفه عشان تعم الفائده

بص بالنسبه لحكايه تجيبى تقدير فدى سهله جدا محتاجه منك مجهود شويا

اولا تحضرى المحاضرات كامله مكمله وتكتبى لو انتى من الناس اللى بتقدر تكتب وتفهم فى نفس الوقت

وتروحى تبيضى المحاضره اول باول

واخر كل اسبوع حيكون عندك تقريبا حصيله محاضره من كل ماده تروحى قرياهم كلهم قرايه بس

كل اسبوع او كل اسبوعين تقرى كل اللى فات علشان بس تكون الصوره واضحه فى ذهنك وتعرفى الموضوع بيتكلم عن ايه

بعد كده انتى مش محتاجه غير لما تنزل الكتب وانا عارفه انها بتبقى متاخر تربطى بين الكتاب والمحاضره وتقرى الزياده اللى فى الكتاب لان كلام الكتاب بيقى هو هو المحاضره بس على توسع فى معاده بعض الدكاتره بدون ذكر اسماء

كده باذن الله تضمنى تقدير وترتيب على الدفعه كمان انا كنت بعمل كده والحمد لله كنت من اوائل دفعتى

بعد كده من اول تانيه تبدائى تسالى زميلك اللى فى تالته ورابعه بس مش اى حد نقى ناس بتفهم واساليهم على المواد والمجال بتعهم عشان تقدرى تحددى انتى عايزه تنتمى لانهو شعبه بدون متجرى وراء لقب مساحه او مهندس او كلام فارغ ده

انا ممكن اكون مهندس بس بقالى فى هندسه 20 سنه فى هندسه وممكن ادخل حاجه بحبها مهما كانت واكون ناجح فيها

وفى تالته بعد متحددى شعبتك انتى محتاجه حبه كورسس كده

بالنسبه للبنات اقولهم كورسس المساحه ملهوش لازمه
الاحسن يخدو جى اى اس
كاد
اتوكاد
سيرفيرل
لاند
البرامج دى حتفدهم اوى

طبعا الشباب محتاجين البرامج وكمان يدربوا عملى
ميزان
توتل
تيدوليت

طبعا دى كوسات المجال بتعنا اضافه ليها طبعا محتاجين ICDL
وكمان كورس انجلش لان اللغه مهمه جـــــــــــــــــــــــــــــــــــــــــــــــــ ـــــــــــــــــدا

طبعا الكورسات فى الاجازه لان الدراسه مش مستحمله كورسات كمان

كده باذن الله الشغل مضمون والحياه حتكون بيس

ويلكم بيكى ياقمرايه واتمنى اشوف مشاركات الفعاله دى ديما