ليه أموت والنفق موجود

[MUHAMED SAMY]

موضوعى ممكن يكون غريب شوية
بس واقعى!!!


ليه أموت والنفق موجود

من كتر كمية الحوادث اللى شفتها
كان لازم أكتب الموضوع ده!!

معظمنا من أهل الأسكندرية وإن لم يكن فربما قد جاء إليها
تقريبا كل يوم موش أقل من حادثتين تلاته على طريق الكورنيش
سواء عربيات مع بعض
بسبب السرعة الجنونية



او عربيات مع بنى ادمين
وده اللى هركز عليه
معظم الحوادث دى بتكون بسبب
عبور المشاه للطريق
للى بيكون من 7 حارات فى بعض المناطق(للاتجاه الواحد)



بيتهيئلى لو ساحر موش هيعرف يعدى؟؟


وأنا شايف من منطلق اننا جغرافيين
لازم يكون لينا دور فى حلة تلك المشكلة

وتقريبا الانفاق على الكورنيش مبتغطيش
المطلوب منها
(نفق 45،اسكندر إبراهيم،سيدى بشر"المحروسة"{فى سان سيفانو هنا},جليم,نادىالمهندسين,{فى ستانلى هنا}رشدى,سيدى جابر,كيلوباتر,سبورتنج،الابراهيمية,كامبشيزار,الشاطب ى"نادى الاتحاد"الشاطبى"المستشفى المجمع")

مووش عارف بقى نسيت حاجة ولا إيه

المهم أنما شايف الانفاق
قليلة



وبصراحة ملهاش لازمة؟؟
ياراجل

لو عليا انا مكنتش اتنفذت اساسا (سعر إنشاء النفق كام"اكيدكتير")
بس يالا اتنفذت خير

ويقولك نعمل فى النفق مول طب وماله
هى الناس لاقيه تاكل فول؟؟



وياسلام لو النفق النور قاطع فيه(ليل نهار موش هتفرق)
الناس بتمشى تخبط فى بعض(ياريت يجى على كده بس)
ربنا يخلى الموبيل ابو لمبة(كشاف يعنى)
والناس اللى شغالة فى لنفق ربنا يديهم الصحة سنهم كبير
يعنى لو حصل مشكلة(هيعملو ايه)؟؟؟

الموضوع ده بصراحة فكرته فى دماغى من شهرين تقريبا
لكن زادت
لما رحت مطروح؟؟
(رحت مطروح حسيت انها احسن من اسكندرية وبورسعيد نفس النظام)
ما علينا

المهم رحت مطروح
موش اروبا ولا حاجة
ولقيت الاشارات الالكترونية
وتقريبا موجودة فى الجيزة كمان



موش دى الالكترونية طبعا
بس دى حتة كده نحن نختلف عن الاخرين
اوعى وشك!!

دورت على صور للاشارات الالكترونية لمطروح موش لاقى




بصراحة الاشارات ام تايمر دى
تحل اى مشكلة
وبيتهيئلى بدل 13 نفق(تقريبا يعنى)
يكون فى 30 اشارة(عايزة واحدة عند ش شعراوى)
30 يامه اه فعلا يامه
طب ممكن نوقف شاب من خيرة شباب مصر
(بتوع الامن المركزى) بيتهيئلى مفيش اكتر منهم
العدد فى اللمون
لما يبقى فى ناس يشغل الاشارة يوقف العربيات الناس تعدى...بيس
او نسبها إلكترونية احسن
ده عساكر المرور وامناء الشرطة بيعذبونا
خصوصا فى اشارة الشاطبى وسيدى جابر!!
اه الكترونية احسن


"واما عن الاسعاف"


ده حالها


ده قديما

وده حديثا


عربيات فولكس جامدة بجد

بس للاسف المشكلة ان اسكندرية صيف شتاء
زحمة
انا اخر مرة فاكر ان الحادثة تقريبا عن المحروسة
والاسعاف
فى ميامى موش عارف يتحرك

اما عن تجربة
الموتوسيكلات




وانا اللى فكرت انها اتنفذت بجد
ساذج






مقلتلكمش انا موش طلع تلكلفة
الاربع انفاق
ستصل تكلفتها إلي 64 مليون
يعنى النفق الواحد=ممممممم احسبو انتو
والعهدة على الراوى
مينفعش نجيب بيهم طائرات إسعاف؟؟

والطائرة تكون مجهزة
طبعا الدنيا زحمة هتقف فيييين؟؟
ممكن يكون بيها حامل رباعى يتحط عليه المصاب
4 متر مثلا
ينفع ولا فاشلة الفكرة

وبالنسبة للانفاق قصدى اشارات المرور
تتوزع توزيع صح
وانا قلت

30 اشارة وده فى حالة عدم وجود انفاق اساسا
لكن بوجود 13 تقريبا وواحد تانى عن ابو هاشم وبتاع سبورتج الجديد
ممكن نقول محتاجين 10 إشارات إلكترونية

ياريت واحدة عند مثلث برمودا(سان ستيفانو يعنى)
موش يعملو للاجانب والشعب لا

وواحدة عند ستانلى وربنا كان فى تاكس هيشطنى مرة
لكن الحمد لله
بعديها بقيت انزل رشدى وارجع ماشى لحد النفق اللى عند مؤمن
ومن هنا بناشد اى حد اى حد
لو فى نفق
متفكرش تعدى من فوووووق
لانك كده هتطلع فووووووووق
طبعا الأعمار بيدى الله
لكن فى انك عربية تشوطك
يحصلك عاهة_عندك اسرة مين هيصرف عليهم
لسه شاب هتبقى عاجز
طبعا مفيش حد بيهرب من قدره(الدعاء بيغير القدر)
لكن احنا نعمل اللى علينا

لو بتركب قطر
والله لسه شايف حادثة من اسبوع تقريبا واحد اتقطع رجله عن محطة المنتزة
(والله انا وقعت من القطر مرة بس ربنا ستر الحمد لله)
تاخد بالك جدا وانت بتركب وانت بتنزل
ده مبيتفهمش!!
TAKE CARE

مليارات.. خسائر سنوية

قدم يحيى المسيرى عضو مجلس الشعب- المجلس التشريعى- عن دائرة المحلة بمحافظة الغربية، استجوابًا إلى كل من الدكتور أحمد نظيف رئيس مجلس الوزراء واللواء حبيب العادلى وزير الداخلية والمهندس محمد منصور وزير النقل والدكتور حاتم الجبلى وزير الصحة واللواء عبد السلام المحجوب وزير التنمية المحلية، حول زيادة حوادث الطرق والقطارات، التى شهدتها مصر فى الآونة الأخيرة.

وكشف النائب البرلمانى فى استجوابه عن أن خسائر الاقتصاد بسبب الحوادث بلغت 4 مليارات جنيه سنويًا حسب تقرير مركز المعلومات، كما أن تكرار هذه الحوادث يضر بقطاع السياحة بصورة مباشرة بسبب وفاة عديد من السائحين الأجانب، وعدم وجود أمان مرورى، وسوء حالة الطرق.

بالإضافة الى أن المعلومات الصادرة عن مركز المعلومات ودعم اتخاذ القرار بمجلس الوزراء، تؤكد أن الحكومة وشركات التأمين دفعتا 918 مليون جنيه تعويضات عن حوادث الطرق خلال عام 2007 وحده، منها 518 مليونا كتأمين إجباري و400 مليون كتأمين تكميلي.

وفى النهاية يارب اى حاجة من دى
تتنفذ ومكنش حاسس انى بحلم
بالمدينة الفاضلة

واسيبكم مع فيديو
للاسكندرية