حبيبتى عمياء صماء بكماء ( المسابقة )

[KAREEM]

الحقيقة اجماعة انا اشتركت فى المسابقة دى

ومكنتش اعرف انى حنشغل بحاجات كتير

عشان كدا مكنتش فاضى اكتب حاجة

بس دلوقتى ممكن اكون روقت شوية

حاولت اكتب حاجة كدا ( مش قصيدة حتة )

فبدأت كويس لغة عربية وبعد كدا لقيت نفسى

بكتب بطلاقة وارتجال ناتج عن تجربة صادقة

لذلك استشرت صديقى العزيز دووووولة

ووريته القصيدة فعجبته وقاللى نزلها على ضمانتى

فياجماعة اللى مش حيعجبه القصيدة يبقى مش انا

محمد عادل هو اللى قاللى والله

ولو عجبتكو مستخسروش فى اخوكو بقى الجايزة

عشان انا سمعت ان الباشمهندس محمد جابر

حينزل علاوة فى مرتبات الشهر الجديد للعضو اللى يكسب

فى المسابقى دى

حبيبتى

ليست كأى محبوبة

فهى عمياء صماء بكماء

عمياء لا ترى رجل غيرى

صماء لا تسمع الا همسى

بكماء لا تنطق الا باذنى

أحبتنى وكنت اعتبرها مجرد اخت وزميلة

حتى احببتها وبقيت حالتى منيلة بستين نيلة

بسهر من بالليل للصبح وبصطبح بطبق بليلة

امى اللى عاملها لى ما هى دى حبيبتى الجميلة

حبيتها قبل حبيبتى من يوم ما قالت لى

(يا اختى كميييلة)

جيت اقول لها بحبك قالت اخوات مينفعش

قلت لها حدفع مهرك واجيب شقة وعفش

مش عارف ليه بقى قلبت عليا الوش

حاسس انها بتحبنى وانا احساسى مبيخيبش
مكسوفة ليه لو فى قلبك حاجة متخبهااااش

بس هى توافق وحتشوف احلى اياااااام

حقلب دمعتها ضحكة ونظرتها ابتسااام

واملى حياتها بالامل والحب والحنااااان

وكمان رز ولحمة وسمك وفرااااااااخ

عشان الكلام دا لوحده حيأكلنا البتنجااان

مستعد اقوم واعلن للعالم كله انى بحبها

بس خايف عليها اكتر كمان من نفسها

مستنى لما تيجى الفرصة واروح واتقدم لها

ساعتها اكون مالى جيبى وكلمتى اكون قدها

واجيب امى واخويا وعمى وابوها واختها

وانتو كمان معزومين ما الفرح حيكون وقتها

حبايببى كلهم ملموين وفرحانين باللى بحبها

قدرت احقق حلمى وأثبتت انى استحـقـها

ونعيش فى سهول وجبال وهضاب ورياح

ونأقلم نفسنا على اى وضع وتوكالنا ع الفتاح

ولما الاذان يأذن نقووم حى على الفلاح

حياتنا حتكون مليانة حب ومودة وكفاح

وزى ما ربنا عايز حنرضى ونعيش ونرتاااااااح

يارب نولنا اللى فى بالنا واخطبها بعد النجاح

ربنا يستر من الردود اللى جااااااااااية