يوميات عم سباعى (البطاقة السحرية)

[mandour90]

فى يوم السما فيه صافية والهوا عمال يروح ويجى على عم سباعى وهو قاعد فى البلكونة بيشرب الشاى الخفيف ابو نعناع (بتاع مطروح)وهو بيسمع اغانى للست نانسى عجرم وجت اغنية (لو سالتك انت مصرى تقولى اية) راح عم سباعى يفكر فى السؤال وقال لو انا مصرى فين نصيبى منها اشمعنى الاغنياء هما بس اللى ليهم فى مصر وانا لآ!!!!!!!!!!!!!!
انا عاوز حقى زى ما قال الفنان الكبير هانى رمزى.
المهم قال انا ارووح اسال الحاج عربى( شيخ المسجد) وقالوا انا عاوز حقى فى مصر زى الناس الاغنياء اللى بيروحوا مارينا اعمل اية؟؟؟
الحاج عربى : طيب ما انتى بتاخد حقك ما المدارس والمستشفيات ومراكز الشرطة والتموين....الخ .
قام ضحك عم سباعى : وقالو بس لو دول بتوعى ابقى حر فى انى اشيل اللى مساكهم (الحكومة يعنى ) .
رد الحاج عربى: وقالوا طيب ما انت تقدر تعمل كدة ببطاقة الانخابية بتاعتك .
بردوا ضحك عم سباعى : (بس ضحكة كبير اوووى سمعت اخر الشارع) وقالوا ازاى ؟؟؟؟؟؟؟؟؟؟
الحاج عربى: المرة اللى جاية متنتخبش الحزب اللى ماسك الحكومة وانتخب حزب تانى
عم سباعى : هو فى معارضة فى مصر ما الاحزاب التانية زى الحزب الحاكم(الوطنى) واكتر .
الحاج عربى: جرب وربك خلق الكويس والحرامى
عم سباعى : فكر كدة شوية وقالوا ما الانتخابات بتتزور كل مرة هو حد يقدر يقول لآ
الحاج عربى: بص يا سباعى انت ممكن تخدع بعض الناس كل الوقت او تخدع كل الناس بعض الوقت ولكن مبنفعش تخدع كل الناس كل الوقت.

روح عم سباعى وهو حيران يروح يدور على مالوا ولا يقول وانا مالى بلا بهدله!!!!!!!!!!!!

[MUHAMED SAMY]

موش فاكر هو إحنا اتكلمنا فى الموضوع ده فى الكلية؟؟

أنا شايف التغيير فى مصر صعب

انا شايف الطبقة المطحونة(اللى منهم الشباب)
طموحهم انهم يتجوزو
لو عليهم يشتغلو 24 ساعة فى اليوم

الناس دى موش فاضية بجد للسياسة والتفكير فى حال البلد(وعندهم عذرهم)

نوع تانى ممكتن يكون فاضى شوية ينتمى لحزب ايا كان(أو دراسته تساعده على كده)

أخرون مكبرين دماغهم

حال معظم الناس فى مصر
(تاكل تشرب تتفرج على كورة )

التغيير فى مصر صعب إن لم يكن شبه مستحيل

بس أنا إن شاء الله هشارك فى الانتخابات!!

مكتوب على ظهر البطاقةإن فى غرامة!!

مقدرش أقول إن مصر وحشة لانى مرحتش غيرها
لكن أنا بحب التغيير
وإن شاء الله فى أفضل فرصة هروح

[mohamed ali]

يعم الواحد قلبه تعب من الكلام ده الواحد وصلت بيه الحال انو مكبر دماغه

وهو ده اللى عايزينه وعايز اسئلك سوال يامندور انتا وسامى لو اترشح مثلا للرئاسه جمال ومنافسه البرادعى

وانتا داخل لجنة الانتخابات عايز تنتخب البرادعى - صاحب فكره التغير فى مصر - ولقيت واحد من الجزب الوطنى قالك انتخب

جمال واديك 50.000 حتعمل اييييييييييييه

[حنين الحياة]

حسبنا الله ونعم الوكيل ...مش عارفين نتغير ولا عارفين نغيرفي حاجه واحنا شغلين كلام بس من غير عمل ولو حد اشتغل نقري عليه الفاتحه...ارد علي سؤالك يا بشمهندس محمد علي في ظل الوضع ده المعظم هياخد 50 الف ويروح ويقول بلا انتخابات بلاقرف ربنا يخلهلنا ....بس بردو ما نحطش عليه كل حاجه الي معاه

[m.alghrbawy]

عشان خاطرى يا عم سباعى لو وصلت لحل تانى تبقى عرفتى عشان ممكن اى حاجه تحصل عادى ( ولكن مبنفعش تخدع كل الناس كل الوقت )
ومش عشان انتا فكر فالكل هيفكر فيه ناس موفره فكرها ..
ولو انت جربت برده مش كله هيجرب لان فيه ناس خيفه تطلع من الكهوف

[mandour90]

موش فاكر هو إحنا اتكلمنا فى الموضوع ده فى الكلية؟؟

أنا شايف التغيير فى مصر صعب

انا شايف الطبقة المطحونة(اللى منهم الشباب)
طموحهم انهم يتجوزو
لو عليهم يشتغلو 24 ساعة فى اليوم

الناس دى موش فاضية بجد للسياسة والتفكير فى حال البلد(وعندهم عذرهم)

نوع تانى ممكتن يكون فاضى شوية ينتمى لحزب ايا كان(أو دراسته تساعده على كده)

أخرون مكبرين دماغهم

حال معظم الناس فى مصر
(تاكل تشرب تتفرج على كورة )

التغيير فى مصر صعب إن لم يكن شبه مستحيل

بس أنا إن شاء الله هشارك فى الانتخابات!!

مكتوب على ظهر البطاقةإن فى غرامة!!

مقدرش أقول إن مصر وحشة لانى مرحتش غيرها
لكن أنا بحب التغيير
وإن شاء الله فى أفضل فرصة هروح

جميل اووى يا سامى انك حتنزل الانتخابات اللى جاية بس فى حاجة عاوزك تعرفها

مين قالك انك لازم تشترك فى حزب او انك لو نزلت الانتخابات تبقى بتشارك فى السياسة

هو دا الفكر بتاع الثورة والاعتقالات ومصلحة الدولة العليا والامن القومى كل الكلام دا غلط

وللاسف اننا كلنا مشينا وراه طبعا الغطل مش عندك ولا عندى الغلط عند المثقفين اللى عارفين كدة ومش بيقوله

حاجة يا سامى الانتخابات دى هى اللى بتوصل مشاكلك الاجتماعية و المعيشية و كل المشاكلك للحكومة علشان تحلها

فا مينفعش تقولى اشوف اكل عيشى احسن دا هو دا اللى حيجبلى اكل العيش

[mandour90]

يعم الواحد قلبه تعب من الكلام ده الواحد وصلت بيه الحال انو مكبر دماغه

وهو ده اللى عايزينه وعايز اسئلك سوال يامندور انتا وسامى لو اترشح مثلا للرئاسه جمال ومنافسه البرادعى

وانتا داخل لجنة الانتخابات عايز تنتخب البرادعى - صاحب فكره التغير فى مصر - ولقيت واحد من الجزب الوطنى قالك انتخب

جمال واديك 50.000 حتعمل اييييييييييييه

بصراحة ومش بقولك كلام وخلاص عمرى ماحوافق ع 5000.000

مش 50.000 بس مش وطنية بس وعلشان مصر لآ علشان دا حرام وانا الحمد لله مش عاوز ابنى حياتى حرام وبعدين لما انا وانت وكل المنتدى ان شاء الله ينزلوا الانتخابات حنبقى عاملين زى دائرة الورديان اللى انتخبت مرشح الاخوان وسقطت مرشح الوطنى اللى سرف كتير وكان له نفوذ جامدة اوووى

[mandour90]

حسبنا الله ونعم الوكيل ...مش عارفين نتغير ولا عارفين نغيرفي حاجه واحنا شغلين كلام بس من غير عمل ولو حد اشتغل نقري عليه الفاتحه...ارد علي سؤالك يا بشمهندس محمد علي في ظل الوضع ده المعظم هياخد 50 الف ويروح ويقول بلا انتخابات بلاقرف ربنا يخلهلنا ....بس بردو ما نحطش عليه كل حاجه الي معاه

ليه بس يا حنين نقرا الفاتحة عليه ليه ما احنا بنتكلم اهو وغيرنا بيتكلم بس لو ملتزمين بالادب احنا بس اللى اتعودنا على الكسل والاتكالية
اما حكاية ال50.000 الف فدورنا بقى مدام احنا فاهمين الحل فين نقول للناس ان ال50.000 دول حيجى يوم ويخلصوا ومتلقيش حاجة بعديها وانهم اصلا حرام وحتتسال يوم القيامة عليهم وعلى صوت
الساكت عن الحق شيطان اخرس

[mandour90]

عشان خاطرى يا عم سباعى لو وصلت لحل تانى تبقى عرفتى عشان ممكن اى حاجه تحصل عادى ( ولكن مبنفعش تخدع كل الناس كل الوقت )
ومش عشان انتا فكر فالكل هيفكر فيه ناس موفره فكرها ..
ولو انت جربت برده مش كله هيجرب لان فيه ناس خيفه تطلع من الكهوف

والله طول ما فينا النفس يبقى الامل موجود ان شاء الله بس نبدا بنفسنا وبلاش نقول محدش حيقوم ونعتمد على بعض
وان شاء الله كله يجرب
وشكرا لمرورك

[MUHAMED SAMY]

محمد على اه هاخد ال 50000 الف
بصراحة كده يبقى الراجل
خدمنى
وحقق جزء من امنياتى
بس هو يدهوملى