جمال مبارك موش هيرشح نفسه

[MUHAMED SAMY]

جمال مبارك




فى لقائه بشباب الجامعات بمعسكر إعداد القادة

لم أرشح نفسى ونحاول مواجهة التزوير





سأل أحد الطلاب جمال مبارك فى لقائه مع شباب الجامعات فى معسكر إعداد القادة عن تزوير الانتخابات لصالح رجال الحزب الوطنى، فرد عليهم قائلا، "تردد وجود لخبطة، وإذا كان هناك قصور سنحاول أن نعالجه، وأشار ردا على سؤال آخر حول "البلطجية" بأن بعض الأخطاء التى حدث فى الحزب الوطنى تكررت من الأحزاب الأخرى ومن المرشحين، مؤكدا أن أى شخص يخطئ من الحزب يتم محاسبته حسابا يسيرا، قبل أن تحاسبه الحكومة، وسأل أحد الطلاب عن التوريث، فقال أنا لم أرشح نفسى وحاليا اهتمام الحزب هو انتخابات مجلس الشعب.

وتناول جمال مبارك أزمة مياه النيل، وأكد على العلاقة القوية بين مصر ودول حوض النيل وقال، مهما حصل لن يسمح أحد بوجود كيان صهيونى يدخل بيننا وبين هذه الدول
لافتا إلى الحاجة إلى ضرورة مساعد هذه الدول اقتصاديا وأعتبر أن الإعلام هو الذى "كبر الموضوع".

وسأله بعض الطلاب عن مشكلة مصر والجزائر فرد، "متزعلش أهم حاجة رجعنا كرامتنا بالذوق والأدب، ونحن والجزائر شعب واحد وأشقاء ولن نفتح الموضوع مرة أخرى"،(زى ما قال الريس منتخب مصر كويس) وتناول مشكلة سيناء وقال إن التطوير فى شمال سيناء يحتاج إلى جهد أكبر، لافتا أن من تناولوا قضية رفح كانوا يرغبون فى وجود مشاكل داخل مصر وأن "منى عينهم" أن رفح تكون لفلسطين وأشاد باتفاقية السلام التى عقدها الرئيس الراحل أنور السادات مؤكدا أن العرب يرغبون الآن فى تنفيذ بنودها ولا يستطيعون.

وتناول جمال الجانب الاقتصادى ونصح الشباب بالبحث عن العمل الخاص وقال لهم، أحسن تشوفوا الوظائف الخاصة لأن الأمل فيها كبير وفيها الفرص أكبر بسبب نسبة الشركات العالمية الكبيرة، مؤكدا أن مصر تحسنت اقتصاديا بشكل كبير؟؟؟

وأن الدولة تحاول أن تنهى مشكلة البطالة

وواصل جمال إلى مركز إعداد القادة فى الثانية عشر ظهرا واستمر حتى الساعة الثالثة والنصف واستمع فى البداية إلى عشرين طالبا من كل الأفواج لمدة نصف ساعة، وكان معه الدكتور هانى هلال وزير التعليم العالى والدكتور محمد كمال أمين التثقيف بالحزب الوطنى، ثم اجتمع بباقى الطلاب وأكد على احترامه لجميع الأحزاب، وأن الجميع سواسية مطالبا الشباب بعدم الانسياق وراء الشعارات وأن يسألوا ويناقشوا فلا يقتنعوا بحزب لمجرد شعاراته، وعندما يطرحون زيادة المرتبات فعلى الشباب أن يسأل أين هى الميزانية؟ ومن أين سيأتى الحزب بالموارد؟.


واشتكى بعض الطلاب من الإسكندرية، وقالوا إنه فى عام 1995 طلب زميل لنا من الرئيس مبارك أرضا لإقامة المعسرات عليها ووافق الرئيس، وفى الفترة الأخيرة إحدى الجهات السيادية حصلت على هذه الأرض ووعد جمال الطلاب بحل المشكلة، وناقش جمال مع الطلاب فرص العمل بعد التخرج ومشكلات الصعيد، مؤكدا أنه تم حل مشكلة الصرف الصحى فى أماكن كثيرة، وأن المياه وصلت إلى ثلاثة أرباع أنحاء مصر، وفى نهاية اللقاء سمح لجميع الطلاب بالتصويرمعه (عشان الفيس بوك ممكن) وكان قد قال لهم فى بداية اللقاء

"أى حد عايز يقول حاجة فى نفسه يقولها".

"ياريتنى كنت حااضر"

[BIMG]http://www10.0zz0.com/2010/08/01/20/382558022.jpg[/BIMG]


هل هذه الصورة صحيحة؟؟

[mohamed ali]

ياعم ده كلالالالالالالالالام انتا حتصدق

[KAREEM]

ههههههههههههههههههههههههههههه
الاخبار اللى زى دى بينتصحو بيها
اللى ضغطهم واطى يقروها عشان بتعلى الضغط
ههههههههههههههههههههههههههههههههههههه

كومينتاتك جامدة ياسامى والفيسس معبرة اوى

واوعى حد يصدق انه مش حيرشح نفسه
كل دى سياااااااسة والله وبيلعبو بينا
ولو مرشحش اكيد محضرين حد تانى

[MUHAMED SAMY]

فى حاجة غريبة بجد
هتجننى
لما اشوف فى الشارع يفط
ومكتوب عليها موش عارف شباب مين
بتحب جمال مبارك
(الناس بتقول الكلام ده من قلبها)

ولا العيب فينا احنا ولا ايه؟؟

[esraa marey]

مش حيرشح نفسه 0 ع فكرة دا الاحسن له لاته بيلعب من تحت لتحت وبيعمل الى عايزه من غير مايكون ظاهر0 وديه فعلا سياسة اولا يا اما بيسكتونا كدا وخلاص 0او وده الى ممكن حيصل مجهزين واحد تبعهم حيترشح يعنى مش حتفرق كلهم واحد0 يعنى سواء اترشح هو او لا فالسياسة واحدة0 شكرا ع الموضوع0

[smart girl]

مش عارفة فكرتنى بالفيلم بتاع محمد هنيدى ههههه الى كان اسمة فى طة عدوى السريئوسى كان بيشتغل مذيع وراح للمسجون يسجل معاة (مش فاكرة اسم الفيلم اية للاسف) فقالة المسجون : (وعشان يعرف ناس مهمين .....حسبى الله ونعم الوكيل... حسبى الله ونعم الوكيل )
بحيك على المتابعة

[MUHAMED SAMY]

بلد حالها غريب
اللهم ولى من يصلح

[حنين الحياة]

وحدوه يا شباب....لا الله الا الله وان لله وان اليه راجعون والله كنا طيبين وسكر وعسل كمان....في ايه يا شباب ماله يعني لما يرشح نفسه ولا مش هيرشح هو يعني هيسألكم وهياخد رأيكم عشان يعرف هتوفقوا ولا مش هتوفقوا...ده انا موافقه انه يتولي الحكم ولو مش هيرشح نفسه انا هرشحه وكلكم فاهمين

[alaa eid]

بصراحة حاسة الكلام دا كذب وهيرشح نفسه في الاخر ربنا يستر علينا
بشكرك علي الموضوع

[MUHAMED SAMY]

مش عارفة فكرتنى بالفيلم بتاع محمد هنيدى ههههه الى كان اسمة فى طة عدوى السريئوسى كان بيشتغل مذيع وراح للمسجون يسجل معاة (مش فاكرة اسم الفيلم اية للاسف) فقالة المسجون : (وعشان يعرف ناس مهمين .....حسبى الله ونعم الوكيل... حسبى الله ونعم الوكيل )
بحيك على المتابعة

هههههههههههههههه
فعلا عندك حق البلد مايشة
بالوسايط والفلوس
واحيانا بالمجهود
شكلهم هيقبضو علينا ياسمارت