حواء تستضيف ادم

[Marwa Magdy]

حواء تستضيف آدم .. مرحبا بآدم

"*"*"*"*"*"*"*"*"*"

الموضوع واضح من عنوانه
وهو ان حواءحتستضيف ادم فى الموضوع ده
و اللى حيكون عضو او مشرف او اداره
و حنوجهلوا بعض الاساله
ونتعرف على شخصيته وما يدور في عقله وفكره

حختار انا اول ضيف حيكون معانا
و بعد ما يجاوب على الاساله حيختار هو الضيف اللى حيكون مكانو و يبعتلوا رساله
باللينك الموضوع

وهكذا ..

نبدأ بالاسئلة

1-هل تعتبر نفسك ادم الذي يعجب حواء ويلفت انتباهها؟؟

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

3-هل يبكي ادم لحواء؟؟ ومتى ؟؟

4-ماذاتعني لك المراة العاملة ؟؟

5-ماذا تفعل عندما تقول لك حواء ( آحبك ) بصدق ؟؟

6-ماذاتريد من المراءة ان تفعل عندما تكون هي المخطئة ؟ وماذا تفعل عندما تكون أنت المخطئ؟؟

7-متى تشعر بأنك اضعف شخص بالوجود أمام حواء؟ ومتى تشعر بالقوة ؟

8-كيف تريد من حواء معاملتك في قمة عصبيتك ؟؟ وكيف تعاملها في قمة عصبيتها؟؟؟

9-مالذي يغضبك في حواء ؟ ومالذي يعجبك فيها؟؟

10-حواء حنونة ورومانسية/حواء جميله / حواءجادة وصارمة/ حواء عملية / حواءثريه

أيهما تتمنى؟؟

11-متى يكون ادم سبب في بحث حواء عن أمان غيره ؟؟

12-متى تشعر بتأنيب الضمير؟؟

13-هل تشعر بأنك مثالي ؟؟

14-كيف تتعامل مع حواء عند رفض طلب لك ؟؟

15-وقع شجار بينك وبين حواءك ادى الى زلة لسان منها جرحت كبرياءك ورجولتك فخرجت

وعادت تحمل لك هدية هل تسامحها ؟؟

16-حين تهدي لك حواء هدية ولا يعجبك ذوقها ماهي ردة فعلك؟؟

17-ماهي احتياجات ادم التي تغفل عنها حواء؟؟

18-حوآء دائما تتصف بالرقة لكن ماهو الموقف الذي يجعلها تتحول الى أنثى شرسة بنظرك ؟؟

19-دائما الأنثى متهمه بعشقها للمال ما هو رأيك؟؟

20- أهمس بما تريد لحبيبتك** فماذا تقول؟؟

من تختار بعدك ليكون ضيفا على حواء؟

و الضيف الاول معانا حيكون

Baybars

يلا جاوب يا زوما

[Zooma]

بصى هو فكرة حلوة بصراحه

طب هو الاجابه ف مده قد ايه ؟

[Marwa Magdy]

المفروض ان الاجابه بتكون ع طول علشان الموضوع يشتغل و ما ينمش
يعنى اى حد يدخل يجاوب يجاوب بسرعه مش لازم يعد مده عقبال ما يجاوب
علشان نسمح لاكبر قدر ممكن من الاعضاء يجاوبوا

[KAREEM]

جامد الموضوع يا مروى
الله ينور

وفاى انتظار اجابات البنىءادم دا يرد ع الاسئلة
سورى قصدى ْادم
وملقتيش غير حاااااازم يا مروى
يا ساتر ياساتر يا اووووووختى

فى انتظار اجابات ثقيييييييلة زيك كد يا زووووومتى

[Marwa Magdy]

انت مش اخد بالك يا كيمو ولا ايه
د انا مختاره حازم ف التوقيت ده بالذات علشان نغلس عليه


منورنى والله اكيمو على طول

[الورده البيضاء]

اووووووووووووووووووووة
جامد جداااااااااا ياميرووووووو
والله كمان لو الشباب حد فيهم يعمل توبيك مشابه
هتولع نار
هههههههههههههه
فى انتظار اجابات حازم
بس ياترى الاسئلة انتى بس اللى هتوجههيها لادم ولا كل العضوات؟؟؟؟؟
ومدة الاسئلة قد اية؟؟؟؟؟
يوم ؟
يومين؟؟
تلاتة؟؟؟؟؟
كدة يعنى

[Marwa Magdy]

احازم
هى الاساله صعبه ولا ايه


ههههههههههههههههههههههههههههههههه
فين الاجابه ياعم الحج

[Zooma]

ماشى ماشى اهو هجاوب اهو

[Marwa Magdy]

اووووووووووووووووووووة

جامد جداااااااااا ياميرووووووو
والله كمان لو الشباب حد فيهم يعمل توبيك مشابه
هتولع نار
هههههههههههههه
فى انتظار اجابات حازم
بس ياترى الاسئلة انتى بس اللى هتوجههيها لادم ولا كل العضوات؟؟؟؟؟
ومدة الاسئلة قد اية؟؟؟؟؟
يوم ؟
يومين؟؟
تلاتة؟؟؟؟؟
كدة يعنى

ماهى الاساله دى هى اللى حتتوجه ل كل ادم موجود ف المنتدى يا امل
حتكون موحده يعنى

اما بقى بالنسبه للمده فانا ما ردتش احدد مده معينه لان مافيش حد حيلتزم بيها
بس ياريت يجاوبوا بسرعه بس

ميرسى يا امل يا حببتى على مشاركتك

[Zooma]

حواء تستضيف آدم .. مرحبا بآدم

"*"*"*"*"*"*"*"*"*

نبدأ بالاسئلة

يلا بينا

1-هل تعتبر نفسك ادم الذي يعجب حواء ويلفت انتباهها؟؟
وانا ايش عرفنى انا اكيد طبعا كل حواء وليها صفات معينه تكون ف شريك حياتها ممكن اعجب واحده والتانيه لا. بس
انتى لو عندك عروسه اوك موفق امروة

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟
بصى الكلام ده تلاقيه ف الناس ايلى مخها ع قدها انا عن نفسى طالما مش مرهق م الشغل ولا حاجه واعد فاضى وشايفها ياعينى تعبانه ف التنضيف وكده بدل ما انا اعد بتفرج ع الماتش مثلا او بلعب لا اقوم اساعدها عادى جدا

3-هل يبكي ادم لحواء؟؟ ومتى ؟؟
اه اكيد بس بينى وبين نفسى امتى دى مش عارف

4-ماذاتعني لك المراة العاملة ؟؟
هتعنى ايه يعنى عادى بس بما ان دى اسئله ليا فهتكلم عن نفسى شغل للمراة ماشى موافق عليه بس مايكونش فيه تعب ليها ولا يكون فيه اختلاط بناس كتير وم طبقات مختلفه لانه اكيد هيحصل بسببه مشاكل طب وليه بقى فانا مش ممانع
واهو تسلى وقتها برضه ف الوقت ايلى اكون فيه
انا ف الشغل اما مع اول مولد فخلاص بقى
مالهوش لازمه الشغل تنتبه للتربيه بقى

5-ماذا تفعل عندما تقول لك حواء ( آحبك ) بصدق ؟؟
زى ما بقولوا كده يوم المنى

6-ماذاتريد من المراءة ان تفعل عندما تكون هي المخطئة ؟ وماذا تفعل عندما تكون أنت المخطئ؟؟
تعتذر اكيد يعنى وبرضه اكيد هتقبله لان مافيش حد مابيغلطش بس مع تكراره دى حاجه تانيه
انا زى ما بحب لما هى تغلط تتأسف نفس النظام عليا برضه لو غلط اتأسف

7-متى تشعر بأنك اضعف شخص بالوجود أمام حواء؟ ومتى تشعر بالقوة ؟
لو حصل لا قدر الله وان شاء الله عمره مايحصل انى اظلمها معايا واظلمها هنا شامله كل حاجه.
اشعر بالقوة لما اشوف فرحتها ف عنيها
واكون انا السبب ف كده

8-كيف تريد من حواء معاملتك في قمة عصبيتك ؟؟ وكيف تعاملها في قمة عصبيتها؟؟؟
تكون هااااااااااااااااااااااااااااديه الى ابعد الحدود تاخد منى للاخ
وبعد كده لم اهدى او يعدى الوقت تقولى ع فكره انا زعلانه من
عشان وعشان وعشان لما كنت متعصب.
انا نفس النظام برضه

9-مالذي يغضبك في حواء ؟ ومالذي يعجبك فيها؟؟
اغلبيه حواء متسرعين وايلى بيعجبنى فيهم
هما نص الدنيا يعنى

10-حواء حنونة ورومانسية/حواء جميله / حواءجادة وصارمة/ حواء عملية / حواءثريه

أيهما تتمنى؟؟

حنونه و جميله و جاده و عمليه
"رومانسيه دى هتيجى م الحنان لوحدها"

11-متى يكون ادم سبب في بحث حواء عن أمان غيره ؟؟

بصى حواء معروفه انها بتيجى للهايفه وتتصدر فمثلا لو ادام مشغول عنها بشغله مثلا او مش بيقولها كلمه حلوة كل يوم مش معيشها الجو الرومانسى بتفكر بقى بانها مش ف دماغه وع اساسها مش حاسه بالامان بس برضه ده مايمنعش
ان ادام لازم يد حواء حقها يعنى المفروض يفصل بين
الشغل والبيت بمجرد انو قفل باب البيت ودخل جوه

12-متى تشعر بتأنيب الضمير؟؟

لما اكون ظلمت حد او فهمت موضوع غلط
واخدت قرار ع اساسه

13-هل تشعر بأنك مثالي ؟؟
الحمد لله بس مش ب 100 % يعنى

14-كيف تتعامل مع حواء عند رفض طلب لك ؟؟
اعرف منها السبب ليه واحاول اقنعها مافيش فايده وهى دماغها
ناشفه كطبع معظم حواء
اكبر انا دماغى بس برضه مش مع التكرار

15-وقع شجار بينك وبين حواءك ادى الى زلة لسان منها جرحت كبرياءك ورجولتك فخرجت

وعادت تحمل لك هدية هل تسامحها ؟؟

بس هى تعملها بس وهى ملهاش دعوة ده لو عملتها وجابت هديه اصلا
بينى وبينك حواء بتاعت الزمن ده مش رومانسيه اوى برضه
بس لو حصلت مرة تانيه ولا هديه ولا غيره ف كلام تانى وقتها

16-حين تهدي لك حواء هدية ولا يعجبك ذوقها ماهي ردة فعلك؟؟
همثل انها عجبتنى ع الاقل اراعى شعورها بس هو ف الاغلب هتعجبنى يعنى لانها منها فالواحد مش بيبص للماده بيبص للجوهر وقتها

17-ماهي احتياجات ادم التي تغفل عنها حواء؟؟
اهتمامها بيه

18-حوآء دائما تتصف بالرقة لكن ماهو الموقف الذي يجعلها تتحول الى أنثى شرسة بنظرك ؟؟

الخيانه

19-دائما الأنثى متهمه بعشقها للمال ما هو رأيك؟؟
ماهى عشان مش حاسه بقيمته بيجلها
ع الجاهز الهانم
لكن تعالى بقى لواحده بتشتغل هتلاقيها ميته
ع القرش

20- أهمس بما تريد لحبيبتك** فماذا تقول؟؟
تقرب منى وتشوفنى بحبك ليه ...
وتعرف ايه بيعجبنى تكتر فيه ....
وماتخليش كلام الناس يأثر فيك ...
تبص ف عينى تفهمنى هاقولك ايه....
وتعرف قد ايه عايزك ومحتاج ليك

من تختار بعدك ليكون ضيفا على حواء؟

ممممممممم نختار اول واحد فرح فيا
كـــــــــــــــرييييييييييييييييييييييم

انا كده خلصت وياريت اكون ضيف خفيف ليكم واى حد عايز يسأل برضه
اى حاجه غير دول يقول وانا اجاوبه برضه

100 100 يا ميرو موضوع هاااااااااااااااايل بجد بس الاسئله كانت صعبه اوى