حواء تستضيف ادم

[Zooma]

حواء تستضيف آدم .. مرحبا بآدم

"*"*"*"*"*"*"*"*"*

نبدأ بالاسئلة

يلا بينا

1-هل تعتبر نفسك ادم الذي يعجب حواء ويلفت انتباهها؟؟
وانا ايش عرفنى انا اكيد طبعا كل حواء وليها صفات معينه تكون ف شريك حياتها ممكن اعجب واحده والتانيه لا. بس
انتى لو عندك عروسه اوك موفق امروة

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟
بصى الكلام ده تلاقيه ف الناس ايلى مخها ع قدها انا عن نفسى طالما مش مرهق م الشغل ولا حاجه واعد فاضى وشايفها ياعينى تعبانه ف التنضيف وكده بدل ما انا اعد بتفرج ع الماتش مثلا او بلعب لا اقوم اساعدها عادى جدا

3-هل يبكي ادم لحواء؟؟ ومتى ؟؟
اه اكيد بس بينى وبين نفسى امتى دى مش عارف

4-ماذاتعني لك المراة العاملة ؟؟
هتعنى ايه يعنى عادى بس بما ان دى اسئله ليا فهتكلم عن نفسى شغل للمراة ماشى موافق عليه بس مايكونش فيه تعب ليها ولا يكون فيه اختلاط بناس كتير وم طبقات مختلفه لانه اكيد هيحصل بسببه مشاكل طب وليه بقى فانا مش ممانع
واهو تسلى وقتها برضه ف الوقت ايلى اكون فيه
انا ف الشغل اما مع اول مولد فخلاص بقى
مالهوش لازمه الشغل تنتبه للتربيه بقى

5-ماذا تفعل عندما تقول لك حواء ( آحبك ) بصدق ؟؟
زى ما بقولوا كده يوم المنى

6-ماذاتريد من المراءة ان تفعل عندما تكون هي المخطئة ؟ وماذا تفعل عندما تكون أنت المخطئ؟؟
تعتذر اكيد يعنى وبرضه اكيد هتقبله لان مافيش حد مابيغلطش بس مع تكراره دى حاجه تانيه
انا زى ما بحب لما هى تغلط تتأسف نفس النظام عليا برضه لو غلط اتأسف

7-متى تشعر بأنك اضعف شخص بالوجود أمام حواء؟ ومتى تشعر بالقوة ؟
لو حصل لا قدر الله وان شاء الله عمره مايحصل انى اظلمها معايا واظلمها هنا شامله كل حاجه.
اشعر بالقوة لما اشوف فرحتها ف عنيها
واكون انا السبب ف كده

8-كيف تريد من حواء معاملتك في قمة عصبيتك ؟؟ وكيف تعاملها في قمة عصبيتها؟؟؟
تكون هااااااااااااااااااااااااااااديه الى ابعد الحدود تاخد منى للاخ
وبعد كده لم اهدى او يعدى الوقت تقولى ع فكره انا زعلانه من
عشان وعشان وعشان لما كنت متعصب.
انا نفس النظام برضه

9-مالذي يغضبك في حواء ؟ ومالذي يعجبك فيها؟؟
اغلبيه حواء متسرعين وايلى بيعجبنى فيهم
هما نص الدنيا يعنى

10-حواء حنونة ورومانسية/حواء جميله / حواءجادة وصارمة/ حواء عملية / حواءثريه

أيهما تتمنى؟؟

حنونه و جميله و جاده و عمليه
"رومانسيه دى هتيجى م الحنان لوحدها"

11-متى يكون ادم سبب في بحث حواء عن أمان غيره ؟؟

بصى حواء معروفه انها بتيجى للهايفه وتتصدر فمثلا لو ادام مشغول عنها بشغله مثلا او مش بيقولها كلمه حلوة كل يوم مش معيشها الجو الرومانسى بتفكر بقى بانها مش ف دماغه وع اساسها مش حاسه بالامان بس برضه ده مايمنعش
ان ادام لازم يد حواء حقها يعنى المفروض يفصل بين
الشغل والبيت بمجرد انو قفل باب البيت ودخل جوه

12-متى تشعر بتأنيب الضمير؟؟

لما اكون ظلمت حد او فهمت موضوع غلط
واخدت قرار ع اساسه

13-هل تشعر بأنك مثالي ؟؟
الحمد لله بس مش ب 100 % يعنى

14-كيف تتعامل مع حواء عند رفض طلب لك ؟؟
اعرف منها السبب ليه واحاول اقنعها مافيش فايده وهى دماغها
ناشفه كطبع معظم حواء
اكبر انا دماغى بس برضه مش مع التكرار

15-وقع شجار بينك وبين حواءك ادى الى زلة لسان منها جرحت كبرياءك ورجولتك فخرجت

وعادت تحمل لك هدية هل تسامحها ؟؟

بس هى تعملها بس وهى ملهاش دعوة ده لو عملتها وجابت هديه اصلا
بينى وبينك حواء بتاعت الزمن ده مش رومانسيه اوى برضه
بس لو حصلت مرة تانيه ولا هديه ولا غيره ف كلام تانى وقتها

16-حين تهدي لك حواء هدية ولا يعجبك ذوقها ماهي ردة فعلك؟؟
همثل انها عجبتنى ع الاقل اراعى شعورها بس هو ف الاغلب هتعجبنى يعنى لانها منها فالواحد مش بيبص للماده بيبص للجوهر وقتها

17-ماهي احتياجات ادم التي تغفل عنها حواء؟؟
اهتمامها بيه

18-حوآء دائما تتصف بالرقة لكن ماهو الموقف الذي يجعلها تتحول الى أنثى شرسة بنظرك ؟؟

الخيانه

19-دائما الأنثى متهمه بعشقها للمال ما هو رأيك؟؟
ماهى عشان مش حاسه بقيمته بيجلها
ع الجاهز الهانم
لكن تعالى بقى لواحده بتشتغل هتلاقيها ميته
ع القرش

20- أهمس بما تريد لحبيبتك** فماذا تقول؟؟
تقرب منى وتشوفنى بحبك ليه ...
وتعرف ايه بيعجبنى تكتر فيه ....
وماتخليش كلام الناس يأثر فيك ...
تبص ف عينى تفهمنى هاقولك ايه....
وتعرف قد ايه عايزك ومحتاج ليك

من تختار بعدك ليكون ضيفا على حواء؟

ممممممممم نختار اول واحد فرح فيا
كـــــــــــــــرييييييييييييييييييييييم

انا كده خلصت وياريت اكون ضيف خفيف ليكم واى حد عايز يسأل برضه
اى حاجه غير دول يقول وانا اجاوبه برضه

100 100 يا ميرو موضوع هاااااااااااااااايل بجد بس الاسئله كانت صعبه اوى

[Marwa Magdy]

اجابات جميله اوى يا زوما
و من الواضح فى اجاباتك انك مش حتكون عصبى معاها و حتكون رومانسى
وغير كدا كمان حياتكم حتكون مبنيه على الحوار و المناقشه
و اى مشكله تحصل لاقدر الله حتتحل بالهداوه و البساطه
لا بجد الله ينور ازوما
بس هو فى حاجتين صغيرين انا مش معاك فيهم

11-متى يكون ادم سبب في بحث حواء عن أمان غيره ؟؟


بصى حواء معروفه انها بتيجى للهايفه وتتصدر فمثلا لو ادام مشغول عنها بشغله مثلا او مش بيقولها كلمه حلوة كل يوم مش معيشها الجو الرومانسى بتفكر بقى بانها مش ف دماغه وع اساسها مش حاسه بالامان

لا ده مش سبب مقنع طبعا
انا معاك اه انها ساعتها حتزعل و حتضايق اوى
بس برضو ده مش سبب يعنى يخليها تدور على امان تانى
لازم يكون السبب حاجه كبيره اوى علشان تعمل كدا
لان ده مش سهل عليها

-ماهي احتياجات ادم التي تغفل عنها حواء؟؟
اهتمامها بيه

و لا دى برضو معاك فيها
لان اول اهتمامات حواء بيكون ادم

انا كده خلصت وياريت اكون ضيف خفيف ليكم واى حد عايز يسأل برضه

اى حاجه غير دول يقول وانا اجاوبه برضه


100 100 يا ميرو موضوع هاااااااااااااااايل بجد بس الاسئله كانت صعبه اوى

فى انتظار اجباتك اكيمو

[Zooma]

اجابات جميله اوى يا زوما
و من الواضح فى اجاباتك انك مش حتكون عصبى معاها و حتكون رومانسى
وغير كدا كمان حياتكم حتكون مبنيه على الحوار و المناقشه
و اى مشكله تحصل لاقدر الله حتتحل بالهداوه و البساطه
لا بجد الله ينور ازوما
بس هو فى حاجتين صغيرين انا مش معاك فيهم

فى انتظار اجباتك اكيمو

ومين قالك يا مروة انها هتكون حياه م غير مشاكل
انتى سؤالك بيقول تتمنى ان حواء تعاملك ازاى .... فهمتى
فمسأله حياه م غير مشاكل ورومانسيه برضه مش متوقفه عليا بس
لا ع حواء كمان

[Marwa Magdy]

ومين قالك يا مروة انها هتكون حياه م غير مشاكل

انتى سؤالك بيقول تتمنى ان حواء تعاملك ازاى .... فهمتى
فمسأله حياه م غير مشاكل ورومانسيه برضه مش متوقفه عليا بس

لا ع حواء كمان

طيب وانا قولت حاجه فى الجزئيه دى

انا اللى اتكلمت فيهم السؤالين دول
11-متى يكون ادم سبب في بحث حواء عن أمان غيره ؟؟
-ماهي احتياجات ادم التي تغفل عنها حواء؟؟