ادم يتكرم ع حواء ويستضيفها

**MUHAMED SAMY** · 08-03-2010, 11:53 PM

موضوع جامد جدااا

**الورده البيضاء** · 08-04-2010, 02:07 AM

فى انتظار اجابات هبة
واجاباتك يااسراء جميلة جدا ياقمر

تسلم الايادى

**esraa marey** · 08-04-2010, 11:08 AM

المشاركة الأصلية كتبت بواسطة الورده البيضاء

فى انتظار اجابات هبة
واجاباتك يااسراء جميلة جدا ياقمر
تسلم الايادى

شكر ا ياوردة دا من ذوقك يا حبيتى0على فكرة انا جاوبت عشان بس احتراما وتقدير للاختياريك ليا غير كدا ماكنتش حجاوب غير ع اسئلة معينة 0 يالا يا هبهوبه مستنين اجاباتك 0 معلش بقى وجع دماغ ادم0

**esraa marey** · 08-04-2010, 11:43 AM

المشاركة الأصلية كتبت بواسطة baybars

اجابات هايله يا اسراء بس طالما انتو كده حلوين اهو
اومال ليه بتعملوا كده ومطلعين عنينا بس

عجبتنى حته ان ادام يكون رومانسى بس مش ملل

وبرضه ماعرفناش رايكم ولا انتى ولا ورده ع موضوع ان ادام بصباص

قولو ليه كده ومالكم متأكدين م كده كمان

شكرا كتير على ردك 0وع فكرة حواء كلهم طول عمرهم كويسين بس ادم هو الى بيطرها انها تطلع عينه دا اذ عرفت وكانت تقدر ع ادم اد احنا غلابة خالصصصص0وراى فى ان ادم عينه ذايغه ان قولت انه مش اتهام ديه حقيقة يعنى بذمتك انتوا مش عارفين احنا متاكدين ليه؟؟؟؟؟؟؟؟؟ 0 اما بانسبة لطولة اللسان دا احنا برده الى لسانا طويلللللللل؟؟؟؟؟؟؟؟ظ ولوكان وحصل فبرده ادم هو السبب 0 يعنى من الاخر ادم هو السبب انه يخرج حواء شعورها0 ع فكرة انا بهزرر ماحدش يزعل 0من ادم0

**حنين الحياة** · 08-04-2010, 05:53 PM

بجد موضوع حلو يا بيبرس علي الرغم اني فوجئت من المقدمه

...انا متابعه معاكم بأذن الله

**esraa marey** · 08-05-2010, 03:26 PM

ايه يا هبه فينك اجا بتك 0 يالا انزلى بالاجابات وجنينىىىىىىىىى ادم باجاباتك عايزنهم يعرفوا مين حواء 0 وانا من راى لو ف اسئلة مش عايزة تجاوبلى عليها عادىبراحتك دا بعد اذن حازم صاحب الموضوع 0يالا دا انا بعتبرك كبيبرة المنتدى0

**Heba Bebo** · 08-05-2010, 06:52 PM

المشاركة الأصلية كتبت بواسطة Baybars

ادم يستضيف ..... حواء

دي استضافة ولا زكاة رمضان ولا ايه

المهم الموضوع هو فكرته جايه م حواء تستضيف ادام
دى مجموعه اسئله هتجاوب عليها حواء سواء كانت
عضوه او مشرفه
ولما الهانم حواء تخلص الاجابات تخلى هانم تانيه زيها
تجاوب عليه وتقولها ف رساله خاصه
اتفقنا يا هوانم

هوانم ايه ولا حصلنا كراتين بيض مداسة حاجة نيلة بعيد عنك

يلا بينا يا صبايـــــــــــا

1-هل تعتبرى نفسك حواء التى تعجب ادام وتلفت انتباهه؟؟

لااااااااااااا

عن نفسي يعني عشان يمكن بدي علي امهات شوية

بس بجد بجد يعني كل ادم وله حواء اللي تعجبه
لان الارواح جنود مجندة من تقابل منها إئتلف ومن تنافر منها اختلف
مش كل بنت جميلة تتحب علي راي تامر حسحس
والاعجاب والقبول من عند الله

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

مش لم يجيب منزل الاول يبقي يساعد فيه يا زوزا
هو الموضوع مش كده بيبقي الرجل تعبان من الشغل مثلا فبيكسل
وبدليل انه لو اتخانق معاها او حدث طلاق لاااازم يتكفل بنفسه

الا يعفن ونبلغ الحكومة

3-هل تبكى حواء لادام؟؟ ومتى ؟؟

اااااااااااه طبعا
تبكي من ظلمه بس لو دموعها نزلت قامه بتكون ف قمة الكسرة

بس ف الاغلب اول ما يلف ضهره كده
وممكن اما يصعب عليها برضه
صح يا زومزوم

4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟

بص يا سيد الناس
الشغل حلو لو حدث تكيف مع الاسرة ولو الزوج وافق طبعا وباسباب مقنعة
يعني انا معلمة مثلا فعادي لو مارست المهنة ف المنزل
دروس خصوصية

اما لو اي مهنة تتعارض مع الحياة الجديدة والدائمة باذن الله

5-ماذا تفعلى عندما يقول لك ادام ( آحبك ) بصدق ؟؟

بصدق
طب وهعرف منين

عارف هقوله حبيتك العافية

بس لو بصدق بجد بجد يعني ممكن اعيط وربنا

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟

لو هو المخطئ هتمني انه يكلمني بس وساعتها مش هطلب اعتذار عفا الله عما سلف

ولو انا هجيبله هدية واقوله ماتزعلش يااااااض بقي

7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟

اضعف لم احس بحنيته

اما اقوي شخص اما احس بقلة حيلته او احتياجه ليا

وبرضه لم احس بقسوته الشديدة

8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟

انه يسمعني من غير ما يعلق

يقولي
اهدي يا هبابه
ههدي علطول
اما يكون عصبي امشي من قدامه
او اسمعه باهتمام
او ابكي

9-مالذي يغضبك في ادام ؟ ومالذي يعجبك فيه؟؟

برووووووووده او خروجه عن الاحترام اما يتعصب
او لؤمه اللي بكتشفه بسهولة

10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100

أيهما تتمني؟؟
حنون جاد صارم
البادي بلبنج دي هتيجي اما نتخانق وبتعور هيتنفخ لوحده

11-متى تكون حواء سبب في بحث ادام عن حواء غيرها؟؟

الله يوكسها

اما تضايقه يعني ماتفهمهوش خالص
واماتهمل ف شكلها خالص برضه
واما ماتاخدش طريق ربنا ف حياتها

12-متى تشعرى بتأنيب الضمير؟؟

اما ادم يسيبني ومش احاول ارجعه وامش ورا كلام الناس

وحتي لو مرجعش بس بكون مرتاحة اما اعمل قصاري جهدي ف كل شئ
واما اشتكيه لحد غير الله
واما اظلمه

13-هل تشعرى بأنك مثاليه ؟؟

لاااااااااااا

يمكن قلة ثقة
بس انا اقل م العادي ف نظر نفسي مع اني ف نظر الناس حاجة تانية المهم انا بحب الاحساس ده
لاني بسعي للتطوير دايما

14-كيف تتعاملى مع ادام عند رفض طلب لك ؟؟

احاول تاني بالراحة

ولو مرضاش ابينله المميزات
واصبر شوية ربنا يهديه ويرضه
الا هتعامل بايدي بعد كده

15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟

من غير هدية وربنا كفاية انه عرف ان بيبو زعلت يعني
ولو جاب هدية هعتزرله انا واجيبله واحدة

16-حين يهدى لك ادام هدية ولا تعجبك ذوقه ماهي رد فعلك؟؟

مفيش حاجة مبتعجبنيش لان ده كرم ون عند ربنا اللي اهداه للحاجة دي

وبرضه هجيبله هدية تعجبه هو

17-ماهي احتياجات حواء التي يغفل عنها ادام ؟؟

الاهتماااااااام يا زمازيمو

وانه يعاملني بقلب صافي زي ما بعامله

18-ليه حواء بطلع عين ادام ؟؟ جاوبى بصراحه

ده عشان كل واحد صدره ضيق من ناحية التاني
هو مش هيغرف من بحر الفلوس
وهي حاجتها مش بتخلص
بس الواعية تغزل برجل دونكي
يعني اتصرف عشان راحة بيتي والامان
ورضا ربنا

19-دائما ادام متهم انه بصباص ايه رايك انتى ف الكلام ده؟؟

يووووووووووووه
اوي اوي اوي وعلي يدي
وفي واحد انت تعرفه كده اوي
بس لو اتجوزوا واتلموا واتقوا الله
خلااص مش هيفضي يبص ع حد
ولو القرش جري ف رجله
يقولك الشرع محلل 4 والعنوسة والكهن
وع راي واحد حبيبي اوي الستات زي الفاكهة
وهاني رمزي ف عفروتو عاوز ثمررررررررة
ههههههههههههههههه
يلا ربنا يهدي العاصي

20- أهمسى بما تريدين لحبيبك ** فماذا تقول؟؟

خد بالك عليا دي مش معاملة تعامل اهالينا بيها يعني

ياعالم بكرة يا ادم ماشوفكش فيه

من تختارين بعدك ليكون ضيفا على ادام؟

حنين الحياة

نورينا يا حنان بقي وظبطي الظباليط

وحواء الاولى ايلى معانا هى ....

ماقولنا حنين البتاعة بقي

جزاكي الله خيرا يا اسراء

مرسيتو زمزوما

يارب اكون كنت حواحيوا مؤدبة وخفيفة عليكم

**alaa eid** · 08-05-2010, 08:54 PM

هههههههههههههههههههههههههههههههه
لا بجد عســــــــــــــــــل يابت ياهبة
اجابتك بتبين انك انسانة بجد طيبة جدا ودا فعلااااااااااا
ربنا يكرمك يارب ويسعدك
ومنتظرة حنييييييييين واجابتها

**esraa marey** · 08-06-2010, 03:54 PM

يا سلام يا هبهوبه على اجابتك والله جملية

جدا 0 زى العسللللللللللل0 واكتر حاجة عجبتنى هو ان اهم طريق ورضا ربنا للسعادة0 يالا يا حنين انز لى بالاجابات0

**حنين الحياة** · 08-08-2010, 05:48 PM

المشاركة الأصلية كتبت بواسطة Baybars

ادم يستضيف ..... حواء

المهم الموضوع هو فكرته جايه م حواء تستضيف ادام
دى مجموعه اسئله هتجاوب عليها حواء سواء كانت
عضوه او مشرفه
ولما الهانم حواء تخلص الاجابات تخلى هانم تانيه زيها
تجاوب عليه وتقولها ف رساله خاصه
اتفقنا يا هوانم

يلا بينا يا صبايـــــــــــا

ماااشي ياهبه

...
1-هل تعتبرى نفسك حواء التى تعجب ادام وتلفت انتباهه؟؟
الصراحه مش فارق معايا الموضوع اوي لاني في الوقت الحاضرمش لاقيه الشباب الي يببصوا للبنت للاخلاق وجمال الروح بس بيبصلها من ناحيه تانيه خالص مابتعجبنيش ...وان يوجد في بعض الاحيان شباب كويس مش بيفكروا بالطريقه ديه وساعتها هيحدث نوع من الاعجاب والاحترام

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

لانه سي السيد زي ماهو فاكر علي ايه مش عارفه فهو بيعتقد انه بمساعدته للمرأه تقليل لاحترامه وهيبته بس ده مش صحيح خالص...والصراحه انا عارفه تاس بيساعدوا المراه في اعمال المنزل ومش بيمشوا بالمبدا ده خالص وهو ده الراجل الصح الي بيوازن بين كل حاجه وينال اعجاب واحترام المرأه
3-هل تبكى حواء لادام؟؟ ومتى ؟؟

اه ساعات بتبكي عليه يامه لما تلاقيه زعلان ومضايق ونفسه يحقق حاجه ومش قادريعملهافهي بتواسيه وبتشاركه في احزانه زي مابتشركه في افراحه
4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟
امرأه مجتهده تسعي لتحقيق ذاتها وكيانهاوتثبت وجودهاوتبين للجميع ان ليها اهميه كبيره فالمرأه نصف المجتمع....الصراحه انا عاوزه اشتغل...ولو ادم معترض هناقش الموضوع معه واعرف اسباب الرفض ايه ونحاول نوصل لحل وسط يقبله جميع الاطراف

5-ماذا تفعلى عندما يقول لك ادام ( آحبك ) بصدق ؟؟
وجهي يحمر ...وهنكسف ومش عارفه ساعتعا هعمل ايه فيه

وهيغمي علي

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟

انه يعترف بغلطه ويتأسف كمان زي ما انا هعمل كده لو انا غلطانه
7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟
مش عارفه الصراحه

...واشعر بالقوه بالحوار والتفاهم واوصل مع الي قدامي لطريقه تفكيره وانه يقتنع بما اقوله

8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟

انه يسمعني للاخر ويتحمل الي بقوله بصدر رحب لاني بكون في حاله بشعه ويكون مدرك تماما اني مش قاصده اي كلمه بقولها لو فيها جرح له.انه يحترمني ويقدرني مهما كان حتي لو كان عصبي ومايقولش كلام جارح يندم عليه طول عمره ولو انا عرفاه يبقي استحمله زي ما استحملني في عصبيتي وهسمعه لاخر خالص ولما يهدي هتفاهم معاه في الي قاله وهقوله ايه الي زعلني عشان مايتكر تاني وانا نفس الكلام هو يعمله معايا
9-مالذي يغضبك في ادام ؟ ومالذي يعجبك فيه؟؟

الاستهطاروتكبير الدماغ في كثير من الاحيان والكذب والخيانه وعدم رسم طريق لمستقبل والاستسلام للامر الواقع وده في اشخاص معينه...يعجبني فيه طيبته واخلاقه وعقله واحترامه لاخرين
10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100

حنون وروماتسي وجاد وصارم في الاشياء الي محتاجه كده وعملي كمان وسط في كل شئ
أيهما تتمني؟؟

11-متى تكون حواء سبب في بحث ادام عن حواء غيرها؟؟
لو كانت مش مهتمه بنفسها...مش قادره تفهمه...خنقاه

ومطلعه عينه

12-متى تشعرى بتأنيب الضمير؟؟
لما ازعل حد مني من غير قصد..ولو عملت حاجه مش مقتنعه بيها

13-هل تشعرى بأنك مثاليه ؟؟

الكمال لله وحده
14-كيف تتعاملى مع ادام عند رفض طلب لك ؟؟
هحاول اقنعه بطلبي تاني ...ولو مش هيقدر يحققه يبقي خلاص

15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟
اسمحه طبعا بس يوعدني انه مش هيكررها تاني لانه لو عمالها

16-حين يهدى لك ادام هدية ولا تعجبك ذوقه ماهي رد فعلك؟؟
هقبلها مهما يكن ده كفايه انه بيحاول يرضيني
17-ماهي احتياجات حواء التي يغفل عنها ادام ؟؟
التفاهم والصبر والاحساس

18-ليه حواء بطلع عين ادام ؟؟ جاوبى بصراحه

لما يكون مزهقها ومطلع عنيها

فيمارس عليه ريا وسكينه وكمان لما يكون متبلد المشاعر والاحاسيس ومش فاهمها وبيمشي بدماغه بس

19-دائما ادام متهم انه بصباص ايه رايك انتى ف الكلام ده؟؟

طبعا بصباص وعينه يندب فيها رصاصه...بس في ناس محترمه بس نادرا
20- أهمسى بما تريدين لحبيبك ** فماذا تقول؟؟

لما يجي هبقي اقوله

من تختارين بعدك ليكون ضيفا على ادام؟

وحواء الاولى ايلى معانا هى ....

هختار ويلد انجل

يلا افتتحى المسيرة بما انك اكتر حواء بتعز ادام جدااااااااااا