اسئله مساحه ...ادخل واتحدى نفسك

**eslam mamdouh** · 08-15-2010, 06:40 PM

سؤال جديد واتمنى من حضراتكم محاوله الاجابة على سؤال سهل جدا وظريف

انا واقف قدام عماره ( عماره عاديه جدا ومنتظمه يعنى ارتفاعها كله واحد )
ومعايا ميزان وقامه وكاميرا دقتها عاليه ومسطره صغيره )
هل ممكن بشكل تقريبى انى احدد ارتفاع المبنى ده
على فكره السؤال سهل اوى
واتمنى من الجميع المشاركه

**000** · 08-16-2010, 12:01 AM

طريقة العمودي

بص ياهندسة هنخرج من كل نقطة عمودي مثلا طوله 10 م
ونقيس المسافة بين اي نقطتين ع العمودي

طريقة المثلث
هنرسم من النقطة 3 عمودي ع النقطة 2
نصل النقطة 1 بالنقطة 3
نرسم عمود ع 13
موازي ل 12
عن طريق تشابه المثلثات نحسب
12
المطلوبة علما اني معايا طول 13 & 23

**ياسرعبدو** · 08-14-2011, 09:52 AM

المشاركة الأصلية كتبت بواسطة eslam mamdouh

بسم لله الرحمن لرحيم

ازيكم يا بشمهندسيين اتمنى ان حضراتكم تكونوا بخير
وكل عام وانتم بخير بمناسبه شهر رمضان الكريم
فكره الموضوع ده ببساطه ان احنا هنطرح فكره معينه ممكن تقابلك فى الموقع يعنى عائق معيين او حاجه انت عاوز تعملها ومعاك ادوات محدده
وانت تفكر ممكن تعملها ازاى طبعا الاسئله هتكون سهله جدا جدا واى حد لو فكر وعنده معرفه بسيطه بالرياضيات ممكن يجاوب عليها
مش شرط انك تجاوب صح
المهم انك تحاول فى الموضوع بس مش اكتر
اتمنى ان الموضوع يكون مفيد وممتع لينا

ونبدا مع اول فكره معانا

بفرض ان انا عندى تبه مرتفعه وانا عاوز اقيس المسافه بين نقطتيين فى بدايه ونهايه لتبه دى
وان الادوت اللى معايا
ميزان وقامه ومتر شريط
مش شرط انى استخدم الادوات اللى معايا كلها ....ازاى ممكن اقيس المسافه بين النقطتيين فى بدايه لتبه ونهايتها على الجانب الايمن والايسر بشكل تقريبى

اولا ساقوم بنصب الميزان فوق النقطة 1 واحاول ان اجعل ارتفاع الجهاز اقصي ما يمكن ومن ثم اضع القامه علي النقطة 2 وعن طريق المساحة التاكيومترية يمكن حساب المسافة بين النقطتين بعد اجراء القياسات والحسابات اللازمة.
أواستخدم القامة في عملية التلثيث واستخدم المتر لقياس المسافة

**ALY ELSAYED** · 08-15-2010, 09:18 PM

الله ينور با اسلام

موضوع ممتاز جدا جدا كالعاده

والواحد فعلا محتاج ينشط دماغه شويه

ومع ان الواحد مش فايق وملوش في التصويريه

بس اعتقد انه يمكن حساب ارتفاع الدور الاول بالقامه

وبعد زلك تصوير المبني من منطقه تكشف المبني ككل

ويتم قياس المنطقه المقاسه بالقامه من الصوره بالمسطره

وتحديد مقياس الرسم للصوره

وبذلك يتم تحديد ارتفاع المبني

**eslam mamdouh** · 08-16-2010, 04:04 PM

المشاركة الأصلية كتبت بواسطة aly elsayed

الله ينور با اسلام

موضوع ممتاز جدا جدا كالعاده

والواحد فعلا محتاج ينشط دماغه شويه

ومع ان الواحد مش فايق وملوش في التصويريه

بس اعتقد انه يمكن حساب ارتفاع الدور الاول بالقامه

وبعد زلك تصوير المبني من منطقه تكشف المبني ككل

ويتم قياس المنطقه المقاسه بالقامه من الصوره بالمسطره

وتحديد مقياس الرسم للصوره

وبذلك يتم تحديد ارتفاع المبني

منورنا والله يا على
وتفكيرك صح اوى بس هقولك فكره تانيه
حنا ممكن نفرد لقامه لاخرها 4 متر او 5 متر وبعدها بتحطها فى منتصف المبنى بالتقريب
وزى ما انت قلت نختار مكان يكشف واجهه المبنى بالكامل
ونقوم بتصوير لمبنى ( مع المراعاه بقدر لامكان ن يكون التصوير فى منتصف لمبنى عند القامه ( لان فى الصور بتكون الدقه عاليه فى المنتصف وبيزيد التشويه كلما اتجهنا للداخل )
بعد ما يكون عندنا الصوره نقيس بالمسطره طول القمه فى الصوره كام اللى هى معلومه عندنا فى الحقيقه
ونقيس طول المبنى فى الصوره كام ومن خلال عمليه الوسطيين فى الطرفيين
ممكن نحدد بشكل تقريبى ارتفاع المبنى كم
بشكرك جدا يا على ومنور لموضوع والله

**Mohamed Gaber Aly** · 08-15-2010, 11:16 PM

شكرا يااسلام على الموضوع

وفعلا هناك بعض العقبات التى تواجهنا فى الموقع يجب ان نقوم بمناقشتها ومعرفه كيفيه التغلب عليها

بالنسبه للسؤال الاول: هناك بعض الموازين ليس بها منقله لقياس الزاويه فماذا نفعل فى هذه الحاله بنفس الاجهزه الميزان والقامه والشريط

**eslam mamdouh** · 08-16-2010, 01:12 AM

المشاركة الأصلية كتبت بواسطة mohamed gaber aly

شكرا يااسلام على الموضوع

وفعلا هناك بعض العقبات التى تواجهنا فى الموقع يجب ان نقوم بمناقشتها ومعرفه كيفيه التغلب عليها

بالنسبه للسؤال الاول: هناك بعض الموازين ليس بها منقله لقياس الزاويه فماذا نفعل فى هذه الحاله بنفس الاجهزه الميزان والقامه والشريط

ستاذنا الكبير
مشرف الموضوع والله يا بشمهندس

لو الميزان مفهوش منقله فانا ممكن شتغل بطريقه التحشيه بالمتر الشريط واسقاط خط موازى من خلال مثلث 3,4,5

بس ان عارف ان حضرتك عندك طريقه تنيه خالص انا منتظرها عشان نستفاد منها كلنا

جزاك الله كل خير على المشاركه ودئما بتفيدجنا والله يا بشمهندس

**Mohamed Gaber Aly** · 08-16-2010, 01:08 AM

الزميل 000

اولا مرحبا بك فى المنتدى وبرجاء الدخول الى قسم الترحيب بالاعضاء الجدد والتعريف بنفسط حتى يتعرف عليك اعضاء المنتدى ويرحبوا بك

ثانيا الطريقتين صحيحتين ولكن برجاء الايضاح بمثال

وايضا ماذا تعنى ب
اننا سنقوم باخراج عمودى من كل نقطه (عمودى على ايه)

وايضا عمودى من نقطه 3 على نقطه 2

**eslam mamdouh** · 08-16-2010, 04:10 PM

معنا سؤال سهل جدا واتمنى من الكل المشاركه فيه

عندنا حجره وعايز اعرف ارتفاع السقف فى الحجره دى اد ايه ???????
ومعايا جهاز ميزان وقامه ممكن احدد ارتفاع الحجره دى زاى ؟؟؟

**ALY ELSAYED** · 08-16-2010, 11:16 PM

سؤال جميل اوي وسهل كمان

بس عايزين باقي الناس تشترك وتجاوب معانا

زمش مهم نغلط لان غلطنا بيعلمنا كتير

انا حصبر شويه واسيب فرصه لناس تانيه نجاوب معانا

بشكرك جدا يا اسلام علي موضوعك الهادف

الموضوع: اسئله مساحه ...ادخل واتحدى نفسك

أدوات الموضوع

عرض

العرض المتطور

الاجابة

الكلمات الدلالية لهذا الموضوع

المفضلات

المفضلات

ضوابط المشاركة